「阿媽成日呻唔夠錢使就係咁。」
今時今日，仍有不少人抱持著「重男輕女」的觀念！有家住公屋的港女，每月都會上繳一半人工作家用，怎料有日竟發現原來全數被母親用作補貼哥哥租私樓，即哥哥完全不用交家用，令她感到非常難受。
資料圖片
有女網民在「香港討論區」上，以「阿妹住公屋，但交既（嘅）家用被拎去幫補阿哥租樓」為題發文，指表妹一家住公屆，她的哥哥（即樓主的表哥）早前則搬走租私樓住，每月租金約兩萬多元。樓主指，「乖乖女又孝順」的表妹每月都會上繳一半人工作家用，早前稍微加薪，立即被母親要求交更多家用，「嗰一下佢先知原來佢交嘅家用全部拎晒去補貼阿哥租樓」。
資料圖片
樓主透露，表妹得知真相後「喊咗成晚」，雖然她從小就知道父母重男輕女，但都選擇忍耐，惟今次著實令她感到非常失望，「佢冇諗過佢畀嘅錢居然係拎去貼阿哥租樓，所以佢阿媽成日呻唔夠錢使就係咁」。
最令樓主替表妹感到不值的是，表哥從來都不用交家用，甚至有妹妹每月上繳為數不少的家用「貼錢畀佢租樓」，而表妹亦不能拒絕交家用或要求減家用，不禁嘆息「以前都知佢哋家庭重男輕女，但估唔到可以咁唔公平」。
資料圖片
帖文引起網民熱議，不少人都認為樓主表妹的母親偏心，又指樓主表哥不交家用、要人貼錢租樓的行為「無鬼用」，「古老思想，重男輕女，食古不化」、「自己無能力就唔好戴咁大頂帽」、「冇錢學人租貴阿妹貼，影衰晒我哋男人」。
港女得知自己每月上繳的家用，竟被母親用作補貼哥哥租私樓，感到非常難受。網圖（示意圖）
不過有網民就認為，已經上繳的家用就不需要再理會用途，「錢交咗出去，就唔好理啲錢去咗邊啦~叫做盡咗自己本份，每日安樂食屋企用屋企~」、「錢畀出去就冇得管人哋點用」。亦有人認為樓主表妹不反抗、不為自己爭取，是自作自受，「我諗佢都係自己唔敢出聲，自己唔敢出聲唔好怪人」、「要問佢自己，你表妹。唔公平你又接受，怪誰。」
