月入2萬被女友嫌棄催轉工港男無奈：做得好地地

社會事

月入2萬被女友嫌棄催轉工港男無奈：做得好地地

2021年06月25日 14:11 最後更新：15:01

不少情侶交往時都會計畫將來，為未來作打算。有網民於討論區發文指，自己月薪2.1萬元，近日卻被女友嫌棄人工低，催促他轉工，該網民感無奈，「做得好地地，真係要轉工？」。

該網民於「香港討論區」訴說指，自己於公司任職近3年半，雖月薪維持於2.1萬元，惟公司與住所距離近，「行路返工都得，工作又輕鬆」，故從未打算轉工。未料近日卻被月入2.5萬元的女友嫌棄人工低，「不停催我轉工，話如果我唔轉嘅話我哋無將來，唔適合行落去」。網民坦言目前工作舒適，自己亦「懶得轉工」。面對兩難，樓主不禁感嘆，「做得好地地，唔通真係要為咗佢（女友）轉工」。

帖文引起網民熱論，有網民認為樓主及其女友的價值觀不同，如雙方無法互相遷就，分手為最好方法，「每人價值觀不同，如不能互相遷就調節，就放手吧」、「大家價值觀根本唔同，無謂勉強」、「有時唔係樣樣嘢都要聽人講要妥協，你都應該有自己嘅想法同立場」。

另有網民表示，女友其實只擔心樓主無上進心，「你女友係咪覺得你無上進心?擔心將來?」、「其實揾多啲錢唔一定要轉工，睇佢想要咩，每個人都唔同，要了解咗佢先」。有網民亦分享相同經歷指，其妻子的月薪比他高三萬，但生活依舊，雙方只需給同等的家用就不會有爭吵。

資料來源：香港討論區

往下看更多文章

拍賣網驚現「絕版」膠餐具標價呢位數網民膠餐具大曬冷：靠今鋪翻身！

2024年04月26日 12:30 最後更新：14:24

首階段管制即棄塑膠餐具及產品法例已實施，膠餐具可能自此成為絕響。日前就有港人趁勢於拍賣網拍賣某快餐廳「絕版」膠餐具，炒價更高達三位數！

賣家：屬走塑後停產外賣餐具極具收藏價值

日前有港人在拍賣網站售賣一間連鎖快餐店過往向顧客隨外賣免費派發的膠餐具套裝，他寫到「絕版大快活透明橙膠餐具套裝（肚餓食麵用咗隻叉，半價平出）」，而相中只是一隻橙色膠羹，拍賣底價標示竟是$200！他表示餐具屬於「4月22日實施走塑後同時停產的外賣餐具，極具收藏價值」更強調可多清洗循環使用，是環保人士的恩物。但最後指帖文純綷玩樂性質，旨在與網民開玩笑。

炒賣成熱議：呢次發達啦！

其後有網民將此拍賣膠餐具的事放在社交平台Facebook群組發文討論，隨即引來大批網民議論紛紛，他們留言「靠今鋪翻身！」、「呢次發達啦」、「有收藏價值，早知我都拎多啲」；亦有網民笑言「十年後先攞出嚟賣嘛」、「澳門人可儲定一堆當手信送俾香港親戚朋友」、「發錢寒」、「要不要來個塑膠收藏級博物館」、「香港人有乜都炒一餐」。

網民屋企膠餐具大曬冷

亦有不少網民找出家中的不少存貨「我屋企儲咗兩大袋」、「用完呢批再絕膠」、「有一套要收埋佢啦！」