新人王拍拖搭港鐵超貼地　阿Jer一放假即陪女友拍拖行街

難怪網友封為「金Jer暖男」！

MIRROR唔止迷倒萬千少女，更成功俘虜埋人妻，搞到有男網民喺Fb開設「我老婆嫁左比MIRROR導致婚姻破裂關注組」，短短3日超過20萬人加入，當中有大量苦主而掀起熱話。

Jer勇奪「叱咤樂壇生力軍金獎」令隊友好羨慕。

Jer入行前在學校表演時邂逅Kelly，他大讚對方個樣有性格、有氣質，是他杯茶。

MIRROR早前於九展舉行成軍兩周年演唱會，Kelly都有現身支持男友。

雖然作為偶像派，但MIRROR成員從冇否認有另一半，更大方公開「鏡嫂」真面目。如跟圈外文青女友Kelly拍拖5年的柳應廷（Jer），在ViuTV真人騷《調教你Mirror》中便曾提醒女友M痛要食藥，獲網民封為「金Jer暖男」！上周二（29日）難得唔使開工，Jer即做番個盡責男友，陪Kelly去中環Shopping，全程拖實對方寸步不離，金Jer暫時要改名做甜Jer喎。

Jer於《調教你Mirror》公開Message，提醒女友M痛要食藥，盡顯「暖男」一面！

阿Jer全程拖住靚靚女友行街。

Jer買完自己嘢都好耐心陪番女友睇衫，仲寸步不離傍到實。

橫掃新城、港台、叱咤及Chill Club新人獎的柳應廷（Jer），早前開完MIRROR成軍兩周年演唱會，下月又夥拍姜濤、林家謙和Tyson Yoshi開《拉闊》Show，加上大量廣告及出席賺錢活動，應該忙到黐線。擁有大班「柳柳粉（粉絲稱號）」的Jer，接受陳志雲訪問時曾自爆女友因為要跟人分享男友而呷醋，為令對方更有安全感，他坦言工作以外的空檔全給女友。上周二，阿Jer終於放假即陪女友港島、新界一日遊。當日傍晚5時許，記者發現二人於ifc睇衫，Kelly先陪男友在COS揀衫及鞋，之後輪到Jer陪女友睇女裝。

去廁所放低「幾両」後，Jer好滿足地搓住肚仔出去搵女友，舒服晒！

喺便利店買完嘢飲後，好口渴的Jer在等車期間已急不及待拉高口罩飲茶。

臨返屋企前，Jer又喺商場買杯「肥仔水」同女友兩份飲。

逗留約半小時，兩人各自孭住一袋戰利品，拖實手仔往港鐵站方向離開，途中Jer忽然尷尬笑住同對方咬耳仔，隨即加快腳步行，原來是他人有三急，於是Kelly企埋一邊撳住手機等，Jer就衝入廁所解決。辦完大事好舒暢的Jer搓住肚仔搵女友，二人繼續拖實去便利店買嘢飲，再坐港鐵回將軍澳寓所。其間見有位坐，行到好攰的Jer即坐低，Kelly亦忍唔住摸住男友手仔撳電話；抵達將軍澳站時，體力透支的二人亦選擇行捷徑，穿過Popcorn再橫跨兩條大馬路，爬上石壆走進TKO Spot，喂，唔好貪方便喎，係咪想嚇親花姐？最後，喺港鐵站已好口渴除罩隊茶的Jer，去貢茶買埋杯「肥仔水」與女友兩份飲，再邊啜邊行返屋企。

可能久未與男友出街拍拖，Kelly摸住阿Jer隻手撳電話。

孭住大袋戰利品的二人行捷徑，橫越大馬路再跨過石壆去TKO Spot，下次唔好嘞。

Jer與女友一起返回將軍澳寓所。

上周二唔使開工，Jer即做番個盡責男友，陪文青女友Kelly去中環Shopping。

Jer柳應廷高唱我行我素走我路！

由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。

柳應廷（Jer） 以怪誕造型拍新歌《筆觸男孩憂鬱之死》MV。

Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。

受導演添布頓影響。

堅持創作信念。

所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。

新歌高唱我行我素走我路。

既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」

Jer帶大家走入怪異世界。

添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」

Jer以怪誕造型演出。