Jer@MIRROR榮升車主揸波子否認戀靚女插畫師：緋聞就只係緋聞

2023年11月01日 19:00 最後更新：19:40

Jer於MIRROR周年活動上透露榮升車主時為了父母，並否認戀上有男友的靚女插畫師Coey，直言：「緋聞就只係緋聞」。

為慶祝成軍五周年，人氣男團MIRROR今日（11月1日）在香港迪士尼樂園舉行包場活動，與鏡粉一同慶祝。以藍白色打扮為主12子在活動前見記者，眾人都表現興奮，花姐先提問：「MIRROR五周年開唔開心？」12 子即齊聲應：「開心！」之然花姐再祝MIRROR「五周年生日快樂」。

點擊看圖輯

本網記者攝

Jer在社交平台自爆買了人生第一架車保時捷。

本網記者攝

12子在活動中獲分配與粉絲一齊玩不同的機動遊戲，面對有可能被拍下「黑圖」，眾人都表示：「最緊要enjoy！」當中Anson Lo（盧瀚霆）會玩咖啡杯、Edan（呂爵安）會玩過山車「灰熊出谷」，而姜濤則會坐船玩「森林河流之旅」，但他竟然自爆擔心自己暈船浪，還表示已帶定暈浪丸！問到最期待的環節，12子一致表示是花車巡遊，因為不是人人都可以登上迪士尼的花車，AK（江𤒹生）更表示：「我哋會盡量用公主的狀態去呈現。」Lokman（楊樂文）聞言即割席：「你咋！」非常爆笑！

提到Jer（柳應廷）於周年活動前一晚在社交平台自爆買了人生第一架車保時捷，隊友隨即起閧大呼「有錢！」Jer聞言表示：「錢係心意來嘅」，隊友即再驚訝大呼：「嘩～」Jer就解釋：「因為搬咗屋同爸爸媽媽住，想可以車佢哋上上落落。」至於為何會選擇保時捷？Jer就笑言：「係個人口味嘅問題」。問到保時捷的價錢，Jer就透露是朋友放的二手車，前一晚已成功首次安全駕駛外出。Anson Lo聞言即問：「一炮過（付清）？」Jer笑笑口承應，「唔好講呢啲啦」，令Anson Lo震驚到「O晒嘴」。