網民看過後，一面倒支持男友！
隨著屯馬線開通，居於新界的市民交通亦有所改善。不過有女網友近日在連登討論區發帖，指計劃跟男友租樓同居，但一傾到租住哪一區，二人意見就南轅北轍，向來住港島的男朋友寧願租同區劏房，都不肯去其他區，但住大西北的女友就覺得「有錢住邊都得」，當女友提出租荃灣時，對方竟說：「如果住嗰啲地方(荃灣)就需要一架車」，激到女友「啤一聲」。
設計圖片
設計圖片
女網友近日以「住開港島區嘅人住番出小小 係咪會慘過死」發文，指跟男友傾開租樓問題，男朋友住港島，想租回附近，但女網友覺得港島租貴，反建議租荃灣，「荃灣咩都有，同埋都(租金)平啲，出去(市區)都快。」但男友回敬一句：「住嗰啲地方覺得好需要一架車!」女網友聽完頓感心淡，「心諗算了，當無提過!」更自嘲：「可能我住喺大西北，覺得去邊都差唔多!」
設計圖片
網民看過後，一面倒支持男友，「你男友明白時間就是金錢」、「日日過海好煩」，也有人分享住港島的女友「直頭連番工都唔會離開港島 」，有網友以前住屯門，但搬出市區後，「而家日日八點幾先起身，返到屋企7點都未夠，都幾正! 」
有港女想荃灣租樓住，但男友嫌遠意見分歧。資料圖片
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
