被TVB新聞部欽點做節目 陳貝兒川藏高原拍攝患高山症險死

好彩無事！

最近喺川藏高原缺氧嘅陳貝兒（Janis）得TVB新聞部欽點拍節目，雖然Janis對新節目賣關子，但從訪問中可完全感受到她做節目的搏命程度有幾高，「由4月尾離港，節目足足拍咗3個月，係有史以嚟離開屋企最長時間嘅一次，而且拍攝地點氣候橫跨春夏秋冬，我貴為周圍去嘅執篋達人，咁有經驗都被考起。加上去內地拍攝，半年前已搵咗個來自北京嘅普通話老師單對單惡補，希望幕前表現好啲。」

陳貝兒喺高原騎馬，相當威風。

對於整個旅程，Janis表示最後一站最難忘，「川藏高原高海拔4000幾米，雖然早一星期已開始食藥，但仍然有高山反應。當時個頭痛到爆炸，心口又翳住痛，呼吸好困難，要好大力先吸到好少氧氣入肺，感覺好唔舒服，藏族朋友知道叫我唔可以拖，最後要緊急送院。」

醫生指她好彩及時送院吸氧氣。

陳貝兒出院後，喘晒氣繼續拍攝，只能趁車程再吸氧氣。

2018年7月她到歐洲拍《嫁到這世界邊端2》時，曾在土耳其中暑，需要送院。

多得當地朋友提醒，陳貝兒即刻入院，醫生告知她好彩送院及時，否則後果好嚴重。Janis坦言，「成個旅程我都覺得幾驚險，而且去到高海拔地方杳無人煙唔會有訊號，有段時間同屋企人失去聯絡，佢哋都好擔心我。」她大笑說：「今次真係姐姐缺氧了！」問到使唔使搵藏區型男嚟做人工呼吸？她忍住笑容回答：「做嘢先做嘢先！」因為要趕返主持奧運，所以只入院吸氧幾小時，即喘住氣拍埋個尾。對於被TVB視為寶藏嘅新聞部欽點做新節目，她強調冇壓力，只有更加努力。

陳貝兒在當地過生日，只能透過視像和家人慶祝。

陳貝兒喺川藏遇到唔少型男。

有時間即咪天書，為即將埋位主持奧運備課。

陳貝兒望多外遊帶動姻緣！

為客戶提供完美奢華旅遊體驗的尊賞假期（Premium Holidays）踏入十週年，日前（4月25日）以「尊賞十年，感動每個瞬間」假中環香港美利酒店The Murray舉行盛大慶典，同時，正式宣佈星級旅遊達人陳貝兒擔任年度品牌代言人，會上進行簡單而隆重的簽約儀式。

陳貝兒受訪時表示已有五年無去過旅行，稍後也計劃家庭旅行。

十週年是尊賞假期的重要里程碑，過去的成功，時刻提醒品牌繼續為客戶提供非凡的旅程體驗。為隆重其事，尊賞假期特意邀請憑旅遊節目《無窮之路》奪得兩屆「萬千星輝頒獎典禮」最佳女主持及「感動中國2021年度人物」的陳貝兒成為年度品牌代言人，更即場首播貝兒為尊賞假期拍攝的全新宣傳影片，貴為星級旅遊達人的陳貝兒於片中以四個不同造型，帶出「旅遊，唔係一場節目」的主題，更可以親身走訪，由尊賞假期為客戶提供由南半球到北半球、從文化遺產到自然境觀，世界各地的專屬行程。

陳貝兒期待與尊賞假期有更多合作，現時大家都追求專屬的旅程體驗，這點正好與品牌的服務不謀而合。

預告現正籌備開拍新一季旅遊節目！

陳貝兒受訪時表示已有五年無去過旅行，稍後也計劃家庭旅行，又希望有機會到南極，無論工作或拍攝節目也可以。貝兒亦透露現正與電視台籌備新一季旅遊節目：「新節目嚟緊都會開拍喇，好快喺6月開拍，繼續《無窮之路》，帶大家去探索一些未知、一些新鮮的事，我自己都好期待！被問到任代言後，會否於外遊旅過程中趁機結識異性姻緣？貝兒謂：「過去咁多年，驛馬星不停動，但係呢桃花呢方面冇咩風吹草動，希望可以去多啲唔同地方識多啲朋友啦，呢一方面我就覺得真係隨緣嘅，因為確實工作都比較忙，未知兼唔兼顧到，希望會啦！多謝大家祝福！」

陳貝兒嘆驛馬星動桃花運未動，望任代言後多外遊帶動姻緣。

陳貝兒期待與品牌有更多合作，透過尊賞假期的豐富經驗及專業知識，為旅行者帶來更多驚喜及新鮮感：「拍攝旅遊節目期間，我都去過好多唔同嘅地方，對於旅程嘅安排都有一定嘅要求。希望我可以同佢哋分享自己嘅體驗，同尊賞假期一齊設計更多唔同嘅旅程畀客戶。」

陳貝兒因為主持旅遊節目人氣持續急升，雖然經常為了工作而走訪不同城市，她以往的親身經驗被冠以星級旅遊達人，亦不時在社交平台分享香港地道美食及購物熱點。尊賞假期看準她的旅遊經驗，促成是次的非凡合作，陳貝兒與尊賞假期行政總裁高鄭杏芬女士及董事總經理高俊宏先生一同於會上進行簽約儀式，最後，邀得專業旅運集團主席高偉明先生與團隊齊齊到台上大合照，場面熱鬧。

尊賞假期正式宣佈星級旅遊達人陳貝兒擔任其品牌代言人，會上進行簡單而隆重的簽約儀式。