港女欲買樓改劏房收租 自誇幫手增房屋供應惹網民熱議

政府早前公布將落實劏房租務管制措施，不過仍有不少業主仍想「入市」分一杯羹。有港女表示，欲以500萬元買樓，再將單位一分為二，變成劏房出租，推算若購入兩個單位分成4間劏房，每月收入可達3.2萬元，更聲稱是幫忙「增加（房屋）供應」，隨即惹來網民熱議！

資料圖片

該名港女在網上討論區「親子王國」發文，指現時自住的單位是以公司名義持有，以避開樓市「辣招」，故名下並無物業。她透露，丈夫早前曾送她一個單位，她趁樓價高企時已賣出，有感銀行利息不多，故希望買樓再轉做劏房出租當作投資，預算為約500萬元，計畫做5成按揭。

劏房。資料圖片

樓主表示，有意購入兩個單位，並將每個單位「一劏為二」，各劏房月租8,000元，預計自己每月可從4間劏房獲得3.2萬元，收入比直接租出單位更理想，「如果我買一個單位要過千萬先收到呢個價租金，供樓畀多啲息，仲要畀幾千銀管理費，我只想坐喺度收最多錢咋。」

有港女表示，欲以500萬元買樓，再將單位一分為二，變成劏房出租。資料圖片（示意圖）

樓主的「發達大計」隨即惹來不少網民批評，指其行為「無人性」，亦對於樓主聲稱藉此幫人不敢苛同，「你想幫人，唔係做劏房」、「你賺埋啲陰騭錢仲講到自己咁有道理，真係好衰格！」、「唔好講到自己好偉大！根本就係業主無良，抬到租金高一高去搵人幫佢供樓加搵錢！」、「至憎人整劏房出嚟放租，根本唔合法，每個單位仲要細到咩咁」。

資料圖片

另外亦有網民擔心，劏房投資及裝修成本高，甚至可能有塌樓危機，加上政府近期開始打擊劏房問題，紛紛勸樓主深思熟慮再行動，「近排樓價唔覺有跌，做得劏房預幾十萬裝修」、「政府開始打擊劏房問題，突然選擇去做?」、「劏房每户有浴室潔具，加上水喉電管用多咗，全個單位內物件重量超過設計師預期。如多個樓層做了劏房，承受不起額外重量，就有塌樓危機」。不過樓主就表示不擔心、「做住先」，更指「政府做嘢打擊得嚟都10年8載」、「全香港咁多劏房大戶，要驚未到我」。

資料來源：「親子王國」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」