有網民覺得事件中的店員處理不當，直言「得我一個覺得咁樣問唔會好冇禮貌嗎」。
ViuTV電視劇集《大叔的愛》熱播，雖然劇集已經大結局，但熱潮依然未減，苦了一班港男。有男網民在討論區大呻，指自己與另一名男友人買衫期間，兩人被店員誤認為情侶，令他哭笑不得。
資料圖片
港男昨日（26日）在網上討論區「Discuss」，以「同個fd去買衫 比sales問我地係咪情侶」。港男指，自己本身與女朋友相約購買西裝，但女朋友臨時事忙。由於他自己急需西裝，而一名男性友人剛好約他用膳，兩人便一齊前往服裝店選購。
劇集播出後Anson Lo、Eden和黃德斌人氣高漲。《大叔的愛》劇照
港男續指，他在服裝店選好款式及量度好尺寸後，店舖職員便要求港男提供聯絡資料。不過，接下來的事卻令港男目瞪口呆。
港男稱：「（店員）問完我電話之後，無啦啦望住我個fd，問：『佢係你男朋友呀？』我當堂打咗突，之後就立即否認！結果食飯嗰陣，我fd同我講話：『下次都係唔陪我去買衫。』」
ViuTV電視劇集《大叔的愛》受全城歡迎。
港男對此大感無奈，直言：「啲人係唔係睇《大叔的愛》睇上腦？兩個男人一齊去買衫就係情侶啦？」又提到：「我返到去同我女朋友講，佢笑到卡卡聲 仲話我同我fd好襯。」
文章刊登後引起不少網民熱議，不少人都笑言這名港男「口裏面說不，身體卻很誠實」、「能成為密友大概總帶著愛」、「你同你個男仔朋友拍拖啦，飛咗你條女啦」。
不過亦有網民覺得事件中的店員處理不當，直言「得我一個覺得咁樣問唔會好冇禮貌嗎」、「香港人似乎無咩禮儀文化，公眾車廂當自己屋企，客未熟都可以用吹水tone，問嚟做咩」。
有兩名港男購物時被誤當情侶，不禁苦笑店員是否看得太多《大叔的愛》，引起熱議。《大叔的愛》劇照
