公司拒准外出只可叫外賣僅半小時午膳網民欲辭職

社會事

公司拒准外出只可叫外賣僅半小時午膳網民欲辭職

2021年08月02日 16:52 最後更新：16:52

網民在「香港討論區」發文抱怨，公司不批准員工外出用膳，只可在辦公室叫外賣，而且每日實際上只得約半小時午飯，直言「辭職就一定啦」。

網民指，現職的公司雖然其實無講明午飯時間有多長，「但我見個個員工每次食飯都好似搶食一樣，仲要係日日都係叫外賣，食咗半個鐘都唔知有無」。網民曾經詢問同事，對方告知公司不容許員工外出用膳，網民質疑「我聽到嘅時候都O咗，以前返工我都有1個半鐘時間食飯，宜家個個員工每次食咗半個鐘就即刻去做嘢...我每次覺得自己食慢啲就好似會比個上司望住咁」

網民形容，「我心入面其實都已經想講曬粗口，食飯時間其實都可以話係無」，於是問有沒有其他公司都是同一情況。

有網民留言說，「我公司都係無規定幾點鐘食，都係無人出去食飯架，又係一食完就做嘢。不過我返工第二日就好堅持自己要有1個鐘私人時間，你就算唔畀我準時食，OK我可以食晏啲，但我同你count返1個鐘出嚟。」有人感同身受，「以前，我間公司都係半小時，唔准著公司燈同冷氣」。

有人認為，「樓主個case似係，公司僱傭合約寫就係寫有一個鐘，但唔知個老細用咩方法搞到佢啲同事個個都唔敢食超過半個鐘就繼續做嘢。連食飯時間都暗地剝削，咁人工都唔慌高得去邊。佢哋咁都唔辭職轉工，即係佢哋喺個市場嘅競爭力真係好低。其實咁樣被剝削，不如返下麥當勞做下保安，仲好過返呢啲寫字樓工」。

往下看更多文章

幸運兒中六合彩二獎捧走80萬慷慨公開獨門落注心得

2024年05月04日 12:30

每逢六合彩有巨額彩金，便又是全城打工仔一起發白日夢的好時機，日前網上就瘋傳自爆中80萬元六合彩二獎的幸運兒現身，慷慨公開自己的獨門落注心得。

幸運兒「齊齊研究六合彩！」分享中獎喜訊

近日有網民在fb群組「齊齊研究六合彩！」發文，該名幸運兒網友自爆「第一次中二獎，終於都可以相信吓係會中到二獎。我今朝返到公司先開嚟睇，我以為頭獎，激動到我爭啲叫出嚟」貼文一曝光很快掀起熱議，一眾網友紛紛激動留言：「真係第一次見到post二獎，恭喜！」，並笑言「這個群組真好，可以見證到有人中獎的喜悅」、「本谷之光，讓全谷友與有榮焉，十分興奮」。

大方分享獨門投注心得

還有網友詢問幸運兒的投注心得，「除了恭喜還是恭喜外，最想問師兄想知呢6個號碼係你一直都買開呢六個號碼，還是你亂揀？還是你用生日日子揀？」，而幸運兒也大方公開自己的投注心得，指幸運全部是「自己揀，係覺得有機會開多數我選幾組，小中大咁組」，該網友還補充到：「一組可能有三個連著的號碼，一組可能隔住咁買，跟住細中大咁」。