「女神」譚旻萱（Mandy）跟師弟ANSONBEAN獲邀出席電影《媽媽的神奇小子》首映禮，兩人首次出席首映禮既開心又緊張，更獲安排跟電影監製吳君如認識兼合照。Mandy被蘇樺偉的故事觸動睇戲時從頭喊到尾，重燃鬥心，誓言要在今年發力圓夢！
譚旻萱跟師弟ANSONBEAN出席電影《媽媽的神奇小子》的首映禮，還跟吳君如合照。
Mandy說：「全套戲都好感動到我，最深刻係蘇樺偉話『知道自己比人起步得慢，我先係咁衝，就好似我條命咁樣，我要由後面追上嚟。』佢嗰種精神，唔願意放棄、屈服，不斷努力，要跑到自己嘅終點線嘅心，嗰一刻突然間將我要成功追求夢想嘅感覺拉返出嚟，嗰種渴望係好強大，佢令我想成功嘅心多咗好多，呢個係一個意外收穫。」
譚旻萱積極地獄式減肥。
20歲的Mandy思想堅定：「我一鍾意就會好拼命去做，我鍾意打籃球，入咗行都照抽時間去練習，知道自己未係狀態，已經搵咗教練幫我操，每日踩40k單車，不過教練行動力好強，自己真係好攰，但我冇藉口放棄，希望今個月一定要減到肥！」
Edan新歌《E先生 連環不幸事件》MV化身學生，與林家熙、譚旻萱在MV中大玩三角戀。
譚旻萱fb圖片
新一代女神譚旻萱（Mandy）憑標緻的臉蛋、精湛的籃球球技，被冠以「籃球女神」稱號，最近Mandy獲護膚品牌NIVEA垂青，拍攝品牌全新防曬系列廣告。
Mandy為護膚品牌拍攝全新防曬系列廣告。
廣告以打籃球為主題，Mandy跟男演員在場單對單較量，以阻攻（block shots）來帶出防曬（block UV）的重要，一有籃球在手，Mandy 馬上精神抖擻進入狀態，全神貫注跟對手對打，誰知導演見Mandy打得太忘形，因面部表情太「狼死」而被叫停，惹來全場大笑！Mandy笑說：「我好鍾意打籃球，所以每逢工作時要打籃球都會覺得唔似做嘢，係好開心嘅。最搞笑係導演覺得我打波時個樣太凶狠，因為自己太投入冇注意到。」
廣告以打籃球為主題。
Mandy跟男演員在場單對單較量。
Mandy打得太忘形，因面部表情太「狼死」而被叫停。
Mandy笑指因為自己太投入，所以沒有注意到。
談到打籃球，Mandy開始滔滔不絕，更憶起初入行後比賽時險毁容的經歷，她說：「之前曾經同啲叔叔打波，對方要護住個波，就批踭批到我個嘴，撞爆咗個嘴，當時我都好痛，仲有喊，但我唔係因為痛而喊，而係驚毁容，覺得自己會玩完，要另謀生計……好彩爆嘅係嘴唇入面，自此公司就嚴禁我打波打得太狠，其實長大後我個人係文靜咗，但係打波習慣偏狼死，有啲難改。」
Mandy憶起初入行後比賽時險毁容的經歷。
當時被踭批撞爆嘴，幸好只是嘴唇入面爆了。
最近Mandy積極增值自己，瘋狂做gym、跑步、學戲與學武術等，為迎接新挑戰，她說：「為之後嘅工作做好準備，嚟緊會有新挑戰，一直上緊堂學緊嘢、勤力啲做gym，飲食都要節制吓，食得清啲，都想減吓磅，減吓而家嘅幸福包包面。」
Mandy最近為迎接新挑戰，積極增值自己，瘋狂做gym、跑步、學戲與學武術等。
