Me&拍賀年片打造《Eye To Eye》花開富貴版 譚旻萱即興上演宮鬥劇橋段

Me&特意改編《Eye To Eye》的舞步以配合新年主題，加入更多手部動作營造「花」的元素！

由譚旻萱（Mandy）、黃淑蔓（Feanna）和連家穎（Vian）組成的女團Me&，最近為東涌東薈城名店倉的「蝶舞．花見」新春活動拍攝宣傳片。為配合新年主題，她們特意改編《Eye To Eye》的舞步，雖然排練時間只有短短兩日，卻難不到勤力的Me&，她們一有空檔便會跟排舞老師反覆練習。通宵拍攝亦無損三位女生的熱情和活力，順利打造《Eye To Eye》花開富貴特別版。

女團Me&最近為商場新春活動拍攝宣傳片，為配合新年主題，她們特意改編《Eye To Eye》的舞步。

Me&穿梭於多個賀年花藝裝置中。

突然上演宮鬥劇橋段。

拍攝期間，Me&穿梭於多個賀年花藝裝置中，並在過百朵色彩繽紛的年花以及蝴蝶的襯托下跳舞。當途經中式拱門，小橋和涼亭時，她們突然上演宮鬥劇橋段，非常搞笑。Feanna笑說：「場景好有古代感覺，我哋啱啱有好多小劇場，好好玩。」

Mandy工作中過新年。

Me&在過百朵色彩繽紛的年花以及蝴蝶的襯托下跳舞。

她們特意改編《Eye To Eye》的舞步以配合新年主題，加入更多手部動作營造「花」的元素。拍攝當日，三位女生提早到達現場練舞，她們亦趁着空檔與排舞老師到場邊反覆練習，非常勤力。大會更出動航拍機以多角度拍攝Me&跳舞的片段，成功打造充滿節日氣氛兼活力十足的《Eye To Eye》花開富貴特別版。Feanna坦言：「第一次收到要改舞步時差啲嚇襯，因為得兩日時間排，冇乜信心，好彩Vian有幫我補習。」Vian補充說：「今次隻舞嘅Concept係花開富貴，大家期待下。」

女團Me&成員：連家穎（Vian）、譚旻萱（Mandy）、黃淑蔓（Feanna）。

Mandy真係好靚呀！

農曆新年將至，三位有傳統的新年習俗嗎？Mandy表示沒有，Feanna說：「年初一唔可以洗頭，但真係跟唔到，所以每年嘅年初一，我一過12點就會衝去洗頭。」她續指每年的年三十晚，一家人都會聚在一起吃團年飯，更透露家中窩心傳統習俗。她說：「我哋會包餃子，屋企人會擺開心果喺入面，邊個食到粒開心果就代表今年順利。」Mandy聽後興奮地說：「我要去你屋企過年。」Feanna自信表示：「我年年都食到，因為我媽咪會私心擺三粒。我阿爸勁Sweet，有一年佢食到，然後佢夾落我媽媽個碗度。」

大會更出動航拍機以多角度拍攝Me&跳舞的片段。

Vian提早食大餐！

Vian表示會跟家人聚在一起吃大餐，更會親自炮製蘿蔔糕，但今年卻要提早慶祝。她說：「因為新年前要剝牙，聖誕節已經Miss咗一次食大餐，都係因為剝牙。呢排係我唯一可以食嘢嘅時間，我會盡力食。」Mandy則透露會於工作中度過新年，她說：「我喺香港冇乜親戚，同大家工作中過新年係最好，又唔使悶，又可以賺下利是錢。」

Feanna自爆窩心習俗。

鄭伊健在演唱會上為小師妹黃淑蔓特別安排唱她的新歌《I am All Alone》。

「凍齡男神」鄭伊健日前帶埋小師妹「寰亞孻女」黃淑蔓（Feanna）到澳門，於MGM美高梅劇場舉行「Together 鄭伊健與你在一起音樂會」，全場爆滿，觀眾熱情衝到台前，伊健又唱又跳又握手，還向觀眾拋紀念品，氣氛High爆！

鄭伊健日前在澳門MGM美高梅劇場舉行「Together 鄭伊健與你在一起音樂會」。

音樂會由兩位結他手演奏打頭陣，伊健升上台唱《Beautiful Day》揭開序幕，他與舞蹈員勁歌熱舞《極速》和《全城效應》，全場觀眾站起來一齊跳舞，澳門歌迷，還有香港及各地歌迷都揮動燈牌，氣氛熾熱。伊健向台下觀眾揮手打招呼，「好耐無見，我見到你哋呀！」然後他介紹音樂監製陳光榮，「今日唔只係『鄭伊健Together音樂會』，仲係一個音樂調查會，你哋知唔知我呢個朋友係邊個？佢就係陳光榮。（台下歡呼）我幾乎所有歌都係佢寫，佢除咗寫歌畀鄭伊健，仲係一位作曲家。我嘅歌、好多歌手嘅歌，仲有電影音樂，例如《古惑仔》、《風雲》，我以外嘅電影例如《無間道》啦！」全場尖叫！

伊健向大家介紹音樂監製陳光榮。

伊健問觀眾：「香港電影好睇，香港嘅電影音樂都好好，若然陳光榮開電影音樂會你哋會唔會睇？」台下大叫「會」，伊健問點解？觀眾大叫「有你」，伊健笑說：「可能仲有梁朝偉和劉德華呢！」陳光榮拍拍心口感謝觀眾支持。

兼漏口風陳光榮開作品展。

伊健邀請陳光榮、小師妹Feanna、歌手朱雋言與樂手們到台前一同演唱《For U & Me》和《心照》，觀眾反應熱烈，衝到台邊握手。繼香港紅館和美國站演出之後，今次是Feanna第三次擔任伊健演唱會的表演嘉賓，深得大師兄寵愛，獲驚喜安排在演唱會上獻唱其新歌《I am All Alone》，她清唱其中一段作為與伊健合唱《蟲兒飛》序曲，靚聲震攝觀眾，掌聲如雷。

伊健邀請陳光榮、小師妹Feanna、歌手朱雋言與樂手們到台前一同演唱。

接著，伊健換了新造型演唱《發現》、《同一秒》和《吻感》等情歌，觀眾揮動手燈，全場一片星海，非常浪漫。然後氣氛一轉，舞蹈員帶著紀念品出場，伊健一邊唱《Together》一邊向台下觀眾拋出紀念品，全場High爆！

伊健與舞蹈員一同登場。

一邊唱《Together》一邊向台下觀眾拋紀念品。

演唱會尾聲Encore時，伊健笑問觀眾：「你哋想聽歌定握手架？」台下起哄。他演唱《友情歲月》、《甘心替代你》、《只會因你唱》和《我的歌》等經典金曲後，笑說：「你哋都係鍾意握手多啲喎！」最後他唱《自動勝利Let’s Fight》來回舞台左右兩邊跑，滿場飛與觀眾握手，演唱會在熱鬧氣氛下圓滿結束。

伊健滿場飛與觀眾握手。

演唱會後台，Feanna接受訪問，「好開心再次跟伊健哥哥到澳門演唱會做嘉賓，今次係我出咗新歌之後第一次參與演唱會，伊健哥哥好好，喺我完全唔知情之下，綵排嗰陣安排我加入新歌，幫我諗埋出場環節，希望觀眾聽到我現場唱《I am All Alone》時會開心。」跟伊健巡唱表演，Feanna最難忘美國站，「因為我第一次去美國，當然都係第一次喺美國表演，當時逗留咗兩個星期，除咗演唱會之外，大家都有帶我出去玩，竟然可以將工作建立喺玩樂上，係一件好幸福嘅事。我好想去更多地方，可以唱歌畀唔同地方嘅人聽。我成日問伊健哥哥下一站去邊度唱？佢唔肯講，話到時會通知我！」

伊健為Feanna特別安排唱她的新歌《I am All Alone》。

Feanna為新歌發揮創意，「多謝大家鍾意《I am All Alone》呢首歌，為咗回饋大家嘅支持，我同好朋友喺Donut Demo研發咗一款新口味和新造型嘅冬甩，名命『I am not a 窿』，期間限定。有我好鍾意嘅元素，包括貓仔和士多啤梨味，希望大家買呢款冬甩，一邊食一邊聽我嘅新歌。」問她是否地獄廚神？她哈哈笑說：「我到目前整過嘅食物都唔難食，亦未出現恐怖料理，其實我又唔算成日整嘢食，因為我好懶。之前在英國讀書自己一個人嘅時候會煮中菜，因為好掛住香港嘅食物，依家返咗嚟有媽咪煮，我好少自己下廚。我會考慮做一日店長，仲可能會整冬甩畀大家食，希望大家個肚仔無事啦！」

Feanna透露為新歌發揮創意，與好友在Donut Demo研發了一款名為「I am not a 窿」的doughnut。

大合照