黃淑蔓憑《深房》首奪「最佳微電影女主角」金獎 搣甩可愛形象挑戰沉鬱角色

Feanna：係讚賞，即係我成功！

第十一屆微電影「創＋作」支援計劃（音樂篇）3月14日於會展舉行頒獎典禮暨精選作品放映，由 Ktourfantasy Production House製作、吳詠琪執導、黃淑蔓（Feanna）主演的《深房I am not alone》勇奪專業組三項大獎，成績驕人。導演吳詠琪奪得「最佳微電影製作」銀獎，Feanna憑出色演技奪得「最佳微電影女主角」金獎，攝影指導趙沛源則奪得「最佳微電影攝影」銀獎。評審大讚《深房》有絕對的電影感，製作技術相當出眾。

相關影片可以按以下畫面觀看：

影片連結： www.youtube.com/embed/Nr3t0fgKEA0

首次奪得演技獎即摘下女主角金獎的Feanna非常感動，她於台上感謝導演吳詠琪、公司寰亞、同事以及家人的支持時，一度眼濕濕。她特別感謝客串演出的鄧家杰（Kakit），說：「我好少演感情戲，對住佢冇咁緊張，同埋少女心爆滿，多謝Kakit。」奪得「最佳微電影製作」銀獎的吳詠琪則恭喜《深房》的一眾台前幕後，她說：「你哋嘅熱血得到肯定，多謝寰亞，佢哋睇完個劇本就好放心將個女（Feanna）交咗畀我。」她們隨即與Kakit互相祝賀，又親吻獎座分享奪獎喜悅。

Feanna首次奪得演技獎即摘下女主角金獎

奪獎非常感動

特別感謝客串演出的鄧家杰（Kakit）

吳詠琪與Feanna

Feanna於頒獎禮後受訪時表示很開心，亦為她於演戲上打下強心針。她說：「開頭唔敢相信，知道咗呢個咁好嘅消息，真係好開心，演戲方面相信自己多咗。」她於戲中飾演一位沉溺分手傷痛，還遭受鄰居噪音困擾的女生，情緒低落且沉鬱，對於可愛女孩Feanna來說，絕對是一大挑戰。她說：「平時好少將呢面展露畀朋友睇，喊都好少喺人面前喊，今次係好大突破。我媽咪同我講，『你喺戲入面好恐怖。』我覺得係讚賞，可以令你覺得我恐怖，對我嚟講即係成功。」

Feanna於頒獎禮後受訪時表示很開心，亦為她於演戲上打下強心針

《深房》邀請了著名戲劇導師邵美君客串，Feanna亦於拍攝前特意跟對方學戲，她直言獲益良多：「我未試過上演戲班，對我嚟講就好似心靈療癒。我喺《深房》入面係整到成身傷晒，有好多戲劇練習要做，好記得我第一次係唔敢面對自己，但拍攝嗰時就夠膽面對自己。」第一次上演戲班，Feanna亦因為《深房》第一次參與作曲。微電影的主題曲《I am All Alone》由她主唱，作曲部分亦有她的參與。Feanna透露：「其中一位評審問導演，女主角會唔會試下作歌，就係呢句激起咗我嘅鬥心。」Feanna隨即邀請音樂人兼好友SHIMICA一同創作歌曲，她笑言過程開心好玩，又能將個人情感投放在作品上，還預告未來會多嘗試作曲。

大合照

與Feanna認識多年的導演吳詠琪同樣感動，她說：「由佢十幾歲合作到而家，睇住佢嘅成長、演技上嘅進步。今次佢付出咗好多，好用心上堂、練習，去演好呢個角色。成個團隊見證Feanna拎走咗妹妹嘅感覺，變咗一個女人，希望有更多合作同見到你有更多突破。」Feanna聽後十分感動，坦言對方就如自己的啟蒙老師一樣。她說：「記得第一次拍嘢好驚，但有你喺度我安心好多，第一次拍微電影都係有你，係你打咗好多強心針畀我。多謝你喺咁多人入面睇到我，願意畀機會同睇到我嘅付出。」吳詠琪提議下次拍殭屍片，Feanna大叫好玩很想參與。談到團隊會如何慶祝時，身體抱恙的Feanna說：「我仲病緊，唔可以食大餐，希望快啲好返，我要同大家打邊爐。」

與Feanna認識多年的導演吳詠琪同樣感動

相關影片可以按以下畫面觀看：

影片連結： www.youtube.com/embed/Nr3t0fgKEA0

鄭伊健在演唱會上為小師妹黃淑蔓特別安排唱她的新歌《I am All Alone》。

「凍齡男神」鄭伊健日前帶埋小師妹「寰亞孻女」黃淑蔓（Feanna）到澳門，於MGM美高梅劇場舉行「Together 鄭伊健與你在一起音樂會」，全場爆滿，觀眾熱情衝到台前，伊健又唱又跳又握手，還向觀眾拋紀念品，氣氛High爆！

鄭伊健日前在澳門MGM美高梅劇場舉行「Together 鄭伊健與你在一起音樂會」。

音樂會由兩位結他手演奏打頭陣，伊健升上台唱《Beautiful Day》揭開序幕，他與舞蹈員勁歌熱舞《極速》和《全城效應》，全場觀眾站起來一齊跳舞，澳門歌迷，還有香港及各地歌迷都揮動燈牌，氣氛熾熱。伊健向台下觀眾揮手打招呼，「好耐無見，我見到你哋呀！」然後他介紹音樂監製陳光榮，「今日唔只係『鄭伊健Together音樂會』，仲係一個音樂調查會，你哋知唔知我呢個朋友係邊個？佢就係陳光榮。（台下歡呼）我幾乎所有歌都係佢寫，佢除咗寫歌畀鄭伊健，仲係一位作曲家。我嘅歌、好多歌手嘅歌，仲有電影音樂，例如《古惑仔》、《風雲》，我以外嘅電影例如《無間道》啦！」全場尖叫！

伊健向大家介紹音樂監製陳光榮。

伊健問觀眾：「香港電影好睇，香港嘅電影音樂都好好，若然陳光榮開電影音樂會你哋會唔會睇？」台下大叫「會」，伊健問點解？觀眾大叫「有你」，伊健笑說：「可能仲有梁朝偉和劉德華呢！」陳光榮拍拍心口感謝觀眾支持。

兼漏口風陳光榮開作品展。

伊健邀請陳光榮、小師妹Feanna、歌手朱雋言與樂手們到台前一同演唱《For U & Me》和《心照》，觀眾反應熱烈，衝到台邊握手。繼香港紅館和美國站演出之後，今次是Feanna第三次擔任伊健演唱會的表演嘉賓，深得大師兄寵愛，獲驚喜安排在演唱會上獻唱其新歌《I am All Alone》，她清唱其中一段作為與伊健合唱《蟲兒飛》序曲，靚聲震攝觀眾，掌聲如雷。

伊健邀請陳光榮、小師妹Feanna、歌手朱雋言與樂手們到台前一同演唱。

接著，伊健換了新造型演唱《發現》、《同一秒》和《吻感》等情歌，觀眾揮動手燈，全場一片星海，非常浪漫。然後氣氛一轉，舞蹈員帶著紀念品出場，伊健一邊唱《Together》一邊向台下觀眾拋出紀念品，全場High爆！

伊健與舞蹈員一同登場。

一邊唱《Together》一邊向台下觀眾拋紀念品。

演唱會尾聲Encore時，伊健笑問觀眾：「你哋想聽歌定握手架？」台下起哄。他演唱《友情歲月》、《甘心替代你》、《只會因你唱》和《我的歌》等經典金曲後，笑說：「你哋都係鍾意握手多啲喎！」最後他唱《自動勝利Let’s Fight》來回舞台左右兩邊跑，滿場飛與觀眾握手，演唱會在熱鬧氣氛下圓滿結束。

伊健滿場飛與觀眾握手。

演唱會後台，Feanna接受訪問，「好開心再次跟伊健哥哥到澳門演唱會做嘉賓，今次係我出咗新歌之後第一次參與演唱會，伊健哥哥好好，喺我完全唔知情之下，綵排嗰陣安排我加入新歌，幫我諗埋出場環節，希望觀眾聽到我現場唱《I am All Alone》時會開心。」跟伊健巡唱表演，Feanna最難忘美國站，「因為我第一次去美國，當然都係第一次喺美國表演，當時逗留咗兩個星期，除咗演唱會之外，大家都有帶我出去玩，竟然可以將工作建立喺玩樂上，係一件好幸福嘅事。我好想去更多地方，可以唱歌畀唔同地方嘅人聽。我成日問伊健哥哥下一站去邊度唱？佢唔肯講，話到時會通知我！」

伊健為Feanna特別安排唱她的新歌《I am All Alone》。

Feanna為新歌發揮創意，「多謝大家鍾意《I am All Alone》呢首歌，為咗回饋大家嘅支持，我同好朋友喺Donut Demo研發咗一款新口味和新造型嘅冬甩，名命『I am not a 窿』，期間限定。有我好鍾意嘅元素，包括貓仔和士多啤梨味，希望大家買呢款冬甩，一邊食一邊聽我嘅新歌。」問她是否地獄廚神？她哈哈笑說：「我到目前整過嘅食物都唔難食，亦未出現恐怖料理，其實我又唔算成日整嘢食，因為我好懶。之前在英國讀書自己一個人嘅時候會煮中菜，因為好掛住香港嘅食物，依家返咗嚟有媽咪煮，我好少自己下廚。我會考慮做一日店長，仲可能會整冬甩畀大家食，希望大家個肚仔無事啦！」

Feanna透露為新歌發揮創意，與好友在Donut Demo研發了一款名為「I am not a 窿」的doughnut。

大合照