黃淑蔓自揭受容貌焦慮困擾 目標明確望攞女歌手三甲

歌手黃淑蔓（Feanna）日前到新城廣播接受葉文輝（啤梨）主持的節目《卡拉O!BABE》訪問，Feanna難得敞開心扉，自爆長期受容貌焦慮困擾的心路歷程，揭露了光鮮亮麗的歌手身份背後不為人知的自卑與掙扎。

黃淑蔓（Feanna）接受新城廣播《卡拉O!BABE》訪問。

黃淑蔓自揭受容貌焦慮困擾。

啤梨讚Feanna為美女，但她不認同這個稱號，「我從來都唔覺得自己係一個靚女，我以前係冇自信，入公司之後第一首歌《如果青春不會有盡頭》時，我問可唔可以唔露樣拍MV？始終做女歌手嘅外表都好重要。」她坦言從青少年時期開始，就擔心外界對她外表的評價：「大家都會留意我，會評論身材、樣貌。」這種壓力讓她對自己的外表產生了不安。

轉變的契機來自她到英國留學，Feanna比較了香港與英國的文化差異：「我覺得外國人同香港人唔同，香港人好容易睇到人嘅缺點，外國人好容易睇到其他人嘅優點。」她描述在英國街頭，即使是陌生人也會互相讚美，這種正面肯定的文化氛圍，讓她開始反思自己過於嚴苛的自我審視。

目標明確望攞女歌手三甲！

黃淑蔓

自此Feanna逐漸調整心態，並開始對自己不那麼嚴格，雖然仍在學習完全接納自己，但已經能夠用更健康的心態面對公眾目光。談到事業，Feanna的目標相當明確，「我對自己嘅要求都好高，一直都好想攞女歌手三甲，呢個係我嘅目標。」並強調這是為自己設定三至四年的短期目標。

詳細節目內容，請重溫10月17日，晚上6-7時，新城知訊台《卡拉O！BABE》節目，網址：https://www.metroradio.com.hk/MetroInfo/

胡子彤昨天（3月20日）到新城廣播接受黎莉主持的《勁爆樂勢力》，首次宣傳新歌《我獨自升級》。今次挑戰輕快R&B路線的胡子彤，坦言錄音過程遇到不少困難，「我由小到大聽歌嘅習慣都唔係R&B，所以當我入錄音室時，腦入面冇一個想像空間，完全唔知點算。」

胡子彤接受新城《勁爆樂勢力》訪問。

他透露曾一度想過放棄：「我直接問監製徐浩，不如算啦，搵另一首歌。但團隊冇人放棄，點解我要放棄呢？」新歌邀請到黃偉文（Wyman）操刀，胡子彤形容Wyman是「廚師發辦」，沒有給予任何創作方向，卻能準確捕捉到他的處事態度，「Wyman留意到我處事嘅方式，然後放喺歌詞入面，我覺得好犀利。」

新歌MV使用AI創作，胡子彤作為前香港棒球代表隊成員，所以MV中增設了棒球元素，胡子彤坦言棒球對他意義重大：「如果我冇棒球嘅話，我唔會有機會接觸到演藝圈，所以所有嘅起源都係因為棒球。」

宣傳新歌《我獨自升級》。

忙完新歌宣傳後，胡子彤下個月便要投入電影《九龍城寨之終章》的拍攝工作，所以現階段要進行體能管理。他透露現時要多吃一點東西，因為之前戒口期間吃少了飯，主要以肉類為主，導致腦袋不太聽話，影響工作表現。

胡子彤表示：「我唔係要參加健美比賽，唔係要見線條，所以適量嘅食物係可以嘅。」他表示會維持目前的飲食安排直至電影拍攝完成，但拍攝期間會適量補充碳水化合物：「一拍就係十幾個鐘，如果唔補適量嘅碳水，會好難集中。」

胡子彤將拍攝《九龍城寨之終章》 。

回顧入行將近十年，胡子彤表示沒有想過自己會變成今天這樣，他強調下一個階段的關鍵在於心態上的調整：「心態上要對自己好一啲，可能係要相信自己多啲，畀自己多一啲信心，喺唔同嘅範疇繼續向前衝，繼續去進步。」

詳細節目內容，請重溫3月20日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/