鄭伊健帶黃淑蔓新加坡演唱 NWB出道十年興奮衝出香港

鄭伊健上周末率領「寰亞孻女」黃淑蔓（Feanna）及樂隊Nowhere Boys（NWB），浩浩蕩蕩遠赴新加坡，出席在環球影城戶外場地舉行的「JAM OFF 2025」音樂會，同場還有鄧麗欣（Stephy）和韓國天王Rain。

鄭伊健上周末率領黃淑蔓及樂隊Nowhere Boys遠赴新加坡，出席「JAM OFF 2025」音樂會。

今次是NWB出道十年首次海外演出，他們打頭陣出場，獻唱《我們的移動城堡》、《票房毒藥》、《掹藤》、《最後的搖滾》及《麥克折射線》等作品，以及Coldplay的《Viva La Vida》。擅長與觀眾互動的主音Van，演唱期間主動跑落台與群眾握手，唱《天外飛仙》時更教他們一齊跳起及拍手，台上台下打成一片，全場勁high。

今次是NWB出道十年首次海外演出。

NWB打頭陣出場。

鼓手Nate以英語自我介紹和感謝觀眾：「我哋係樂隊Nowhere Boys，成立了十年，最大夢想到世界各地表演，所以今日我哋好開心，係我哋嘅大日子，好榮幸嚟表演，過去十年經歷並不容易，但今日見到大家，我哋終於夢想成真！」為紀念這個重要時刻，NWB更與現場觀眾合照留念。

主音Van

鼓手Nate

吉他手Ken

鍵琴手漁佬

低音吉他手Hansun

大兌照

大合照

接著，由伊健的音樂總監陳光榮帶領樂手出場，Feanna打頭陣以女高音唱出伊健2001年作品《太陽出來了》的intro揭開序幕，盡顯音樂造詣。伊健出場演唱《興波作浪》、《友情歲月》、《甘心替代你》、《發現》和《一生愛你一個》等經典金曲，並與Feanna合唱《心照》。

鄭伊健

黃淑蔓

由於音樂會在室外舉行，全力獻唱的伊健瞬間大汗淋漓，唱完第二首歌《友情歲月》後，伊健忍不住揭開西裝外套，露出結實的肩膊唞涼，令台下fans忍不住尖叫。之後他向各方的觀眾揮手打招呼，說：「我好想同大家say個Hello！別來無恙嗎？呢幾年經歷咗好多嘢，好開心今日你哋嚟睇騷，見返大家。」之後Dancers出場，伊健又跳又唱《極速》和《Together》，更走到台下與觀眾握手，掀起全場高潮。

鄭伊健

鄭伊健

鄭伊健

鄭伊健

然後Stephy穿著長裙出場，大騷纖腰和靚背，她表示好開心見到台下有fans，從她的澳門個唱追到來新加坡捧場。她演唱《不要離我太遠》、《派對動物》、《黑白照》和《電燈膽》等。

鄧麗欣

鄧麗欣

壓軸演出的韓國天王Rain，原本無須提早到音樂會現場，但原來他是伊健的Fans，特意提早到場見偶像。握手後Rain以英語向伊健表示「細細個就睇你嘅戲，你係我偶像」，伊健表示感謝。合照後，伊健還特意向Rain逐一介紹Feanna和NWB成員，小迷妹Feanna開心到笑不攏嘴，伊健果然是很會照顧後輩的大師兄。

原來韓國天王Rain是伊健的Fans。

伊健特意向Rain逐一介紹Feanna和NWB成員。

伊健特意向Rain逐一介紹Feanna和NWB成員。

NWB第一次海外演出，主音Van說：「同香港睇騷文化好唔同，呢度觀眾好專心，唔會用手機拍片。今日好熱又潮濕，吸啖氣都好似吸蒸氣，但阻擋唔到我哋喺台上發揮嘅熱情！（你第一個衝落台去觀眾席握手？）我見到台下有條路就走落去，」平時冷靜的伊健變得調皮多嘴，Feanna 笑指：「我發現今日鄭伊健好似扭開咗個掣，佢全日都好⋯⋯」伊健搶答：「好熱情又帶點冷酷！」Feanna說：「我今次跟伊健哥哥嚟表演，負責唱佢嗰part嘅opening，佢畀咗好多機會我唱solo，真係好多謝！」

Van

提到與Rain後台見面，伊健說：「十幾年冇見，我哋之前有一齊喺日本做過騷。（迷妹Feanna立即心心眼表示羨慕）重逢真係好，正如我喺台上講，原來經過時間洗禮，再見返，真係得來不易。」而陳光榮透露《頭文字D》電影原聲黑膠碟已在日本印製，好開心預售反應非常熱烈。之後他們拉隊食消夜，適逢本周六（4號）伊健生日，團隊送他生日蛋糕和唱生日歌慶祝。

伊健指十幾年前曾與Rain一齊在日本做騷。

Rain、黃淑蔓、鄭伊健

鄧麗欣（Stephy）歌迷會「Stephy Fantasia」成立19周年，日前於酒店舉行慶祝活動，逾200歌迷到場支持，現場氣氛熱烈。一如既往，出名寵粉的Stephy相約大家聚會，玩遊戲、抽獎、傾偈聊天、大合照……其中在粉絲答問環節中，有粉絲好奇問起Stephy名字的由來，Stephy大方自爆一直覺得Stephaine這名字很好聽，但個人卻偏好兩個音的名字，所以入行後決定簡化改成叫Stephy，她還爆自己學生時期的往事，原來她曾叫做Rainy，Stephy笑說：「大家都知我有幾個閨蜜，其中一個叫做Sunny，而另一個叫做Cloudy，大家估吓我叫做咩？哈哈哈…我叫做Rainy，當時老師Cloudy、Rainy、Sunny咁叫，好容易記得我哋架。」笑爆這個天氣系列綽號，逗得全場大笑。

鄧麗欣（Stephy）歌迷會「Stephy Fantasia」邁向19周年，日前與粉絲舉行慶祝派對。

今年聚會令Stephy最難忘的是加插了義賣環節，Stephy捐出10幅畫作讓粉絲們競投，大家反應超級熱烈，最終合共籌得超過 10 萬元善款！這筆收入將會全數捐給兩間本地慈善機構，直接幫助低收入和弱勢社群，把愛心傳遞出去。Stephy難掩興奮：「今年聚會真係好開心！最難忘一定係拍賣環節，因為舊年搞聚會嘅時候有好多人像紙版、易拉架，大家突然想到唔好浪費，所以就玩慈善拍賣，點知反應出奇地踴躍，歌迷會就想出不如每年聚會都可以搞一個慈善拍賣，今年我就攞咗《Secret Garden》畫展中嘅畫作出嚟拍賣，現場反應好熱烈，籌咗好多錢，會全數捐畀兩間本地慈善機構，我覺得好開心好有意思，好多謝大家，希望明年可以再玩過。」

Stephy與歌迷大玩遊戲、抽獎及傾偈交流。

她捐出10幅畫作拍賣籌逾10萬港元，全數撥捐本地慈善機構。

歌迷會即將邁向20週年里程碑，Stephy笑言渴望打破傳統，舉辦一場別開生面的慶祝聚會，可積極考慮與粉絲組團旅行的慶祝大計，她笑說：「希望多啲同大家聚會，製造更多回憶，雖然咁多人一齊做嘅活動係有少少限制，要從長計意一下，不過我做咩都得嘅，我願意同大家一齊玩！好多謝歌迷一直嘅陪伴，今年直情寫咗首歌多謝大家，叫《仍留在這裏》，其中一個最感激仍留在這裏嘅當然係粉絲，今年係我入行24年，時間過得好快，歌迷會邁向20周年，記得成立嘅時候，剛開始嘅點滴，話咁快已經20年，多謝大家咁多年嘅支持，互相陪伴住大家成長，係好開心。」

活動中她自爆學生時期曾叫「Rainy」，逗笑全場。

Stephy同時預告下半年將推出新歌及專輯，並積極籌備音樂會回饋歌迷。

Stephy透露未來下半年將推出新歌、新專輯與音樂騷，答謝樂迷：「上年開完紅館、澳門，今年都會有啲計劃，冇一樣嘢比開騷回饋歌迷更好，所以積極籌備，希望唔會令大家失望！」

她計劃以更多作品陪伴粉絲迎接歌迷會20周年。