鄭伊健澳門開騷獲黃淑蔓金像獎晚裝啟發 公主王子look精彩合演打造華麗音樂盛宴

鄭伊健日前帶着小師妹「寰亞孻女」黃淑蔓（Feanna），到澳門美獅美高梅的美高梅劇院舉行音樂會，連續第三年獲邀開騷。伊健坦言今次音樂會概念，源於Feanna早前榮獲第44屆香港電影金像獎「最佳原創電影歌曲」，她穿上晚裝演出及領獎啟發。決定由歌單到服裝都全新安排，「王子look」的伊健、露背晚裝長裙的「公主」Feanna，與一眾穿上禮服的樂手演出，為觀眾帶來一場華麗的音樂盛宴。

鄭伊健日前帶着小師妹黃淑蔓到澳門美獅美高梅的美高梅劇院舉行音樂會。

音樂會開始，伊健以全新的opening medley 包括《全城效應》、《友情歲月》和《一個為你甘去蹈火海的人》華麗開場，掀起全場氣氛，歌迷湧到台前握手和拍照。接著他演唱一系列經典情歌《一生愛你一個》、電影《久別重逢》同名主題曲、《長髮》和《吻感》等，掀起全場大合唱。然後伊健率領小師妹Feanna、歌手朱雋言及樂手們在台前演唱《For U & Me》、《心照》和《蟲兒飛》。Feanna獨唱全新編曲的《動地驚天愛戀過》，全場掌聲。

鄭伊健

鄭伊健

黃淑蔓

之後伊健換裝後再出場，與舞蹈員跳唱Rock版《Beautiful Day 》和《極速》，然後唱《自動勝利 Let's Fight》時向觀眾大派禮物，更即興玩包剪揼，全場勁high，非常熱鬧。

鄭伊健

鄭伊健

音樂會完結後，Feanna大讚伊健當晚造型及舞台設計相當「Grand（華麗）」兼漂亮，伊健爆料這一切其實全歸功於她。伊健說：「今次真係因為佢！上次見佢去金像獎穿晚裝，原來佢可以咁樣。我哋今次個騷已經係第三次做，每次都要有新鮮感，既然佢著得咁 Grand，不如我哋就用呢個好Grand嘅概念去揀歌做音樂，朝住呢個方向去編排今次音樂會。」Feanna 受寵若驚。

黃淑蔓

今次Feanna選了獨唱陳光榮作曲的《動地驚天愛戀過》，伊健坦言其實最想睇她跳唱快歌。伊健感嘆兩人相識多年，由她初出道已合作，見證她成長。他好奇問當年為何後來拿獎後，果斷暫別樂壇遠赴外國升學？Feanna說：「因為真係想讀大學。」伊健讚賞她有主見和勇氣。他笑說：「5年前一齊拍《深宵閃避球》，佢嗰陣（身型）係依家3倍，性格好好，好似公關咁幫手照顧成班人，真係睇住佢成長。聽講近來又攞咗好多獎，有冇少少得戚？」百厭的Feanna哈哈大笑，說：「多多得戚！」

黃淑蔓

伊健自爆出場前發生蝦碌事，他細細聲告訴 Feanna：「我唔記得戴隱形眼鏡！」她驚訝掩嘴。伊健說：「我臨出場先發現，咦？點解咁唔清晰嘅？原來冇戴隱形眼鏡！但我要出場啦，唯有照唱。咁多年第一次！」反而是在旁工作人員們擔心他看不清舞台有危險。伊健笑說：「我平時個人模糊，上台最清晰，今次連上台都唔清晰！」Feanna說：「好彩你熟晒啲歌詞，唔使睇提詞機！」

鄭伊健、黃淑蔓

黃淑蔓（Feanna）前晚（10月9日）在觀塘apm，為新歌《餓》MV舉行首播發布會，與逾百「蔓頭」（她的Fans暱稱）一同見證新歌面世。她首度公開演唱新歌《餓》和《Hey Feanna》，並與觀眾玩鬥快食炸雞遊戲，冠軍獲Feanna 送出驚喜貼心大獎，惹全場起哄！

黃淑蔓在觀塘apm為新歌《餓》MV舉行首播發布會。

MV中的Feanna不顧儀態喪塞食物入口，現場觀眾邊睇邊大讚好靚女，氹得她哈哈大笑。不過自命活潑「E人」的Feanna坦言公開食相感到有點害羞，說：「見到咁多人望住我食嘢個樣，原來係比我想像中害羞，真係好緊張，我一路望住大家嘅反應，睇住大家嘅表情，心情有少少複雜。」

黃淑蔓

黃淑蔓

黃淑蔓

新歌Rock味濃，Feanna表示她一直很想唱Band sound，好開心公司幫她如願，邀請樂隊Dear Jane的結他手Howie作曲，她說：「終於我有機會唱到一首咁『惡』嘅歌，仲要多謝黃偉文Wyman填詞，因為佢寫入咗我個心！呢首歌想表達其中一個意思：『適可而止』，例如食嘢食少少可以好開心，但食得過量就會辛苦；感情事亦一樣，太過戀愛腦，會逼得對方太緊，所有嘢過量都係唔好㗎！」

黃淑蔓

黃淑蔓

為配合MV主題，發布會上，Feanna與觀眾比賽鬥快食炸雞，她說：「今次拍MV好似與時間競賽，因為要喺越短時間內食越多嘢，個MV至會越好睇，但係『咬』同埋『吞』嘅過程，比大家想像中更加花時間，一啲都唔容易。好想大家同我一齊體驗吓呢個感覺，所以設計咗呢個遊戲同大家玩！」結果Feanna首位完成任務，笑言：「我冇諗過係我贏囉，可能因為拍MV，我已經練習咗好多次。」而一位男參賽者則緊隨其後，當主持人阿酸公布遊戲其獎品是「黃淑蔓親自餵你食炸雞」後，全場起哄。Feanna用竹籤拮炸雞餵食，得獎觀眾笑得好幸福，而其他參賽者獎品是Feanna送出特別版的盲盒公仔。

Feanna與觀眾比賽鬥快食炸雞。

Feanna與觀眾比賽鬥快食炸雞。

勝利觀眾獲「黃淑蔓親自餵你食炸雞」。

其他參賽者獎品是Feanna送出特別版的盲盒公仔。

其他參賽者獎品是Feanna送出特別版的盲盒公仔。

如果玩鬥食遊戲，Feanna想挑戰哪位圈中人？她說：「我諗吓先，首先唔可以有偶包嘅⋯⋯陳健安啦！我覺得麗英好玩得，應該同我有得切磋吓。（鄭伊健呢？）佢一定會話食嘢食咁急傷胃，唔會肯同我玩呢個。不過，食得咁急真係對身體唔好，大家要好好品嘗食物，慢吞細嚥。」她更強調MV中所有食物，最終都被台前幕後工作人員食清光，沒有浪費。

黃淑蔓

稍後，Feanna將於11月22日及23日，晚上八時在黃埔TIDES舉行首個個人專場演唱會《建行 (亞洲) 信用卡呈獻：蔓蔓蔓蔓蔓蔓Echoes of Man》。10月14日早上十一時在建行 (亞洲) 信用卡指定網站優先訂購，而10月21日喺KKTIX 公開售票。Feanna說：「我嘅第一個專場，而且全企位，真係有啲緊張。最重要係練體能，因為觀眾全企位，所以特別揀好多自己嘅快歌，亦有啲改編歌，仲有啲情緒比較激昂嘅歌曲。觀眾都要準備好體力，喺台下幫我打call就最開心！」

全場大合照

全場大合照