寰亞School Tour｜馮允謙「Jay星文」宣布明年1月開戶外騷 盧慧敏首登台唱歌被震撼

「唱作王子」馮允謙（Jay）日前在「Groove Gala MA Family School Tour」第六場，尾站香港浸會大學（HKBU）台上，以其專屬「Jay星文」與同學仔玩解密遊戲，拉開印上「Yut yuet woo-ngoi show geen」字樣的橫額，台下同學仔秒懂，踴躍舉手搶答「一月戶外show見」，原來Jay宣布開騷好消息，全場歡呼。

Jay以「Jay星文」與同學仔玩解密遊戲。

同學仔反應熱烈！

踴躍舉手搶答「一月戶外show見」。

Jay說：「明年一月將要舉行我個人嘅第一個戶外演唱會，非常興奮，我好鍾意做show，今次好唔同，抱住一個好warm嘅心情想同大家under the stars分享音樂。以前喺加拿大或者外國睇好多戶外show，我好享受、好鍾意呢種感覺。」身旁雲浩影（Cloud）建議他：「到時可能好凍，戶外唱歌會吸入冷空氣，所以你而家要開始習慣喺戶外練歌。」盧慧敏（Amy）問：「對住雪櫃練有冇效？」Cloud補充：「或者對住冷氣機、風扇唱歌⋯⋯都係唔好，咁樣你會咳！」其實Jay已有計劃：「平時我會外出跑步，12月天氣凍，訓練多啲一路跑步一路唱歌，吸吓啲冷空氣，當做練習。」Feanna好奇問他在哪跑步？Jay邀請她一齊練習，她笑說：「我想嚟聽歌！」

Jay將於明年一月舉行個人首個戶外演唱會。

Jay與同學仔大合照。

問到同學仔熱情點唱，Jay會否都考慮放入演唱會歌單？他笑說：「我好想唱晒所有歌，由出道開始，但係咁樣要唱五個小時。（Cloud：我唔介意！）你哋唔介意，但係我喉嚨介意！」Amy立即被Jay的幽默點中笑穴，笑到蹲在地上。雖然Jay忙於籌備個唱，但他12月答應到場支持Cloud主演的舞台劇《Y2K前的綁架》，她說：「今次會有14場，Jay，如果你練歌練到悶，嚟睇我舞台劇啦！」Jay肯定地說：「我練歌唔會悶架！我會嚟睇（舞台劇）！」

馮允謙Jay

馮允謙Jay

今年MA Family School Tour走訪了理工大學、中文大學、香港大學、科技大學、城市大學和浸會大學等演出，同學仔反應熱烈。眾歌手都帶了自己的新歌表演，樂壇新人Amy更是第一次登台，她演唱《Red Flag》和《綠縈》。

盧慧敏Amy

Amy說：「我今年第一次參加School Tour，之前無任何概念。感受到公司成班歌手，好似一個family喺台上唱歌俾同學仔聽，係一件幸福同埋開心嘅事，我相信如果冇公司其他歌手陪住，我會更緊張。其實我以為自己會幾淡定，第一場當日一落機就嚟唱歌，一開口就『嘩』 原來好震撼、好驚、好緊張。然後第二日好過第一日，第三日又好過第二日，慢慢進步，希望越嚟越好。」黃淑蔓（Feanna）讚她每一場表演都加入少變化和舞步。Amy說：「第一次同觀眾有互動，係我今次最難忘嘅感覺，過往喺片場只有演員和crew，無現場觀眾。」

盧慧敏Amy

除了表演唱歌，歌手們更與同學仔玩遊戲送禮物，期間Feanna新歌《梗頸四》被誤說成「硬頸四」，引爆笑彈。她說：「我好理解，因為當初我收到鍾說份歌詞時都誤會『硬』頸四，心諗係咪『十兄弟』角色？各位00後嘅同學要注意啦！」

黃淑蔓Feanna

Feanna在台上表示曾經感到迷失，但最近已重拾唱歌的熱誠，並宣布將於12月推出第二張專輯。她說：「最近收到同學仔睇完School Tour我唱《梗頸四》之後，DM（私訊）我話被呢首歌感動，同埋得到鼓勵，而且佢哋好開心聽到我話重拾唱歌嘅熱誠，我被呢個message感動到流淚，多謝各位同學好認真咁聽我唱歌。」

黃淑蔓Feanna

黃淑蔓Feanna

黃淑蔓（Feanna）日前（3月4日）接受歐陽德勛主持新城的晚間節目《沿途有我》直播訪問，適逢當天正是該節目兩周年紀念及全新環節「周三沿途好友」首集， 擔任首集訪問嘉賓的Feanna，十分識做，在訪問中為節目唱生日歌，並祝節目長做長有。主持歐陽德勛則在節目中感謝聽眾及新城廣播行政總裁馬浚偉的支持與信任。

黃淑蔓、歐陽德勛

黃淑蔓、歐陽德勛

今年24歲的Feanna入行已11年，回顧這些年的演藝生涯，Feanna感觸良多。「14歲入行，我覺得自己好幸運，可以將每個年齡階段嘅經歷都放入歌入面。」她坦言至今每次工作仍感覺像新人，有很多東西要學習，希望一直保持這種新鮮感。

黃淑蔓

Feanna坦承去年經歷了失戀，這也是她瘦身的原因之一，「係一段toxic relationship，明知對方唔適合自己，性格上都有不合。我係以結婚為前提去拍拖嘅人，希望有穩定嘅戀愛基礎，所以到咗該抽身嘅時候就要離開。」她透露這段感情維持了兩年半，對方是圈外人、香港男生。雖然失戀難免傷感，但她認為這是每個人都會經歷的過程，而去年歌曲也基於這些經歷創作。「大家可以聽《留在你在我在的腦海》同埋《未至於》，唱完後有一種抒發嘅感覺。

黃淑蔓、歐陽德勛

談到瘦身，Feanna表示去年9月開始正式減重，至今已減掉10公斤。她強調主要原因是為了事業和健康，並非單純因情傷。「我搵咗營養師教點樣食得健康又飽肚，用咗10到12個月時間，以健康方式慢慢減重。」歐陽德勛大讚她現在狀態很好，身形比例健康。Feanna謙虛表示：「如果再靚啲就好，希望線條再好啲，練出馬甲線同肌肉，咁先係健康嘅靚。」

黃淑蔓、歐陽德勛

曾在英國留學的Feanna，透露喜歡下廚招待朋友。「樓下有間連鎖漢堡餐廳，我食到店員都記得我，我哋熟到朋友嘅程度，佢會自動畀我兩塊肉。」問她最擅長煮甚麼菜式？Feanna表示會煮鹹湯圓，「有菜、肉、臘腸、魚肉、蘿蔔，仲有手搓湯圓，係屋企人傳落嚟嘅的家鄉菜，媽媽都經常煮畀我食。」

黃淑蔓

詳細節目內容，請重溫3月4日，晚上9-10時，新城知訊台《沿途有我》，網址：https://www.metroradio.com.hk/MetroInfo/