草蜢首次參加MA Family School Tour好興奮 與學生零距離蔡一傑感緊張

寰亞音樂一年一度「GROOVE GALA MA FAMILY SCHOOL TOUR」又啟動，草蜢出道40年，第一次參與校園巡唱，與城大學生們零距離，全場超過300位學生逼爆宿舍花園，台上台下都又唱又跳，歡呼吶喊嗌encore，場面墟冚，他們揚言勁過紅館開騷！

今年MA Family校園巡唱陣容強勁，其中在城市大學站，更有「元祖級男團」草蜢特別演出。

舞林新星蔡浩然（Scott）

黃淑蔓（Feanna）

樂壇新人盧慧敏（Amy Lo)

樂隊Nowhereboys Boys

雲浩影（Cloud）

今年MA Family校園巡唱陣容強勁，有馮允謙（Jay)、陳健安、黃淑蔓（Feanna）、雲浩影（Cloud）、樂隊Nowhereboys Boys、樂壇新人盧慧敏（Amy Lo)，以及舞林新星蔡浩然（Scott）等大曬冷。其中在城市大學站，更有「元祖級男團」草蜢特別演出，首次參與School Tour表示感覺新鮮刺激。由主持「阿酸」介紹出場，草蜢以《華麗舞台》打頭陣，台下學生們跟住唱，企第一排觀眾更緊貼舞台零距離。蔡一智說：「今日CityU嘅同學仔突破咗紅館第一行觀眾，因為依家紅館第一行都未必握到手。今日真係好近，一伸手就掂到！」他們邊說邊圍繞舞台與同學們握手和擊掌。

陳健安

馮允謙（Jay)

然後草蜢台上介紹新面孔Matthew，蔡一智說：「佢叫Matthew，都係CityU嘅同學仔，今年Year 2。認住佢，佢啱啱簽咗我哋寰亞，做咗我哋師弟。」還叮囑他：「記住CityU有乜嘢活動，帶埋我哋一齊嚟玩。」之後草蜢演唱新歌《老的辣》，全場興奮！

草蜢首次參加MA Family School Tour好興奮！

與學生零距離蔡一傑感緊張。

完場後蔡一傑說：「今日好開心可以返到校園唱歌，我哋三個都好耐未試過呢種感覺，回憶返晒嚟！」他們表示以前經常到各區校園或商場表演，同樣是小小的舞台，特別有親切感。蔡一智說：「以前我哋唱好多學校騷，不過好耐無唱啦，所以好多謝公司搞咗呢個School Tour，我真係估唔到啲同學仔咁熱情。最初以為係佢哋嘅爸爸媽媽先至會聽我哋嘅歌，估唔到一唱《華麗舞台》大家都識，仲大合唱添，好驚喜！」

蔡一傑坦言：「其實頭先喺台上我有啲緊張，因為有個唔記得咩名嘅症，總之好近距離表演時，我就會異常緊張。我今日最驚喜係台下嘅小朋友都識我哋三個大哥哥，我好開心。啲同學仔佢哋都好開心，因為平時只會喺電視機或者喺K房先見到我哋，今日可以見到真人。」蘇志威說：「今日嘅歡呼聲真係聽到好開心，年青力壯嗌起嚟好雄壯，佢哋嘅歡呼聲令我好興奮，雖然個台細細地，但同觀眾好親近，感覺同紅館一樣咁震撼，我都同喺紅館表演一樣咁落力！」有同學高舉「我五歲就追草蜢」牌，草蜢表示好感動。

跳入城大炸爆舞台！

不少同學在宿舍樓房窗邊捧場，揮動手燈又做心心手勢打氣，蔡一智笑說：「佢哋好似喺啟德運動場坐包廂，VIP嚟㗎！」蘇志威說：「佢哋喺VIP區有冷氣好正，但落嚟企台邊睇嘅同學好近距離感受我哋嘅表演都好正，可以握手，互相感受到大家嘅熱情。」表演最後全場大合照，同學仔大叫encore，草蜢預告明年4月紅館演唱會，到時再見。蔡一智希望畢業禮再請他們來慶祝，又說：「下次直情搞個草蜢Scool tour啦！原來咁好玩，可以比佢哋感染到嗰種開心氣氛！」

草蜢台上介紹的小師弟Matthew。

此外，日前School Tour香港大學站特別嘉賓鄧麗欣（Stephy），適逢是她生日的翌日，所以大合唱《會再見的》後，Feanna捧出生日蛋糕上台，全場唱生日歌賀Stephy，她回禮將生日願望送給現場所有同學仔，祝大家心想事成。

MIRROR成員盧瀚霆Anson Lo推出全新音樂作品《最後一個降落傘》。有別於以往標誌性的勁歌熱舞，Anson Lo 這次回歸慘情歌系列，挑戰充滿韓劇主題曲視感的悲壯曲風。新歌不僅再度邀得 Wyman（黃偉文）填詞，更首度邀請女神歌手 Cloud（雲浩影）擔任 MV 女主角，共同上演一段催淚的虐心生死戀。

盧瀚霆（Anson Lo）挑戰韓劇級悲壯慘情歌！

《最後一個降落傘》由 Terry 徐浩作曲及監製，並由 Wyman 填詞。Anson Lo 透露，這次是自己睽違多時再次推出的慘情作品，而歌曲在誕生之初便已充滿淚點：「第一次收到 Terry 嘅 demo 嘅時候，其實我一聽就已經好想喊，覺得下一首好悲慘、好悲壯，有一啲似韓劇主題曲嘅感覺。」

因為這份直覺，Anson Lo 主動向 Wyman 提出寫一首好慘嘅歌的要求。Wyman 最終以「降落傘」作為歌曲的核心意象，背後寓意既甜蜜又殘酷。Anson Lo道：「Wyman 用降落傘去比喻情侶之間嘅『二減一』假設性問題，如果飛機失事，唯一一個降落傘應該留畀邊個？情侶甜蜜鬥氣時嘅有趣對話，當你真正失去呢段愛情嘅時候，回想返就會顯得更加之痛。」

Anson Lo推出新歌《最後一個降落傘》。

為了呈現這份極致的悲傷，Anson Lo 在腦海中構思了一個淒美的愛情故事，並將其融入劇情式 MV 當中。為此特別邀請了 Cloud（雲浩影）首度正式合作飾演情侶。MV 講述兩人原本是一對甜蜜的戀人，無奈女主角不幸患上癌症離世。在喪禮的場景中，Anson Lo 來到現場彈奏女主角生前最愛的歌曲，藉此表達一輩子都無法忘記對方的深情。正因為親自參與了劇本構思，Anson Lo 坦言在拍攝時更容易代入情感，交出極具感染力的虐心演繹。

除了在劇本上出謀獻策，Anson Lo 在造型與製作上也展現了對作品的極致執著。配合慢歌的氛圍，他這次在妝容、髮型、服裝，甚至隱形眼鏡上都刻意步向樸素，撇除平時在舞台上華麗的跳唱形象，呈現出最純粹、脆弱的一面。

邀Cloud（雲浩影）演繹癌症生死戀。

邀Cloud（雲浩影）演繹癌症生死戀。

談及對作品的參與度，Anson Lo 表示：「咁多年嚟，自己都好執著或者好要求自己喺作品上有高參與度。從第一首歌開始，無論 MV、作曲定係每一個場景着咩衫，自己都有九成九嘅參與。因為每一次嘅作品，自己係最知道自己想呈現啲咩面相、唔同嘅風格。我都 proud of 呢份執著。」這份認真甚至延續到後期製作。他透露自己每一次不論是出席活動的影片，還是每一個 MV 的剪接，他都一定會親自走上剪接室，與導演並肩作戰一同修改。他亦特別感謝幕後團隊與導演的包容，讓每一次的合作都能在愉快的火花中完成。

Anson Lo聽Demo瞬間落淚。

Wyman妙用「降落傘」比喻情侶生死二選一。