黃淑蔓親臨生日應援cafe 願望28歲前踏紅館開個唱

「寰亞孻女」黃淑蔓 （Feanna） 本月8日25歲快樂生辰，一班愛錫她的粉絲在咖啡店舉行生日應援，現場布置漂亮，展出她不同公開場合演出的靚相和小禮品。她生日願望大家健康平安，更答應將會唱更多好歌，並全力以赴每次演出，希望28歲前踏上紅館舉行個唱。

黃淑蔓獲一班愛錫她的粉絲在咖啡店舉行生日應援。

「多謝好愛我嘅粉絲朋友，布置咗呢個應援cafe。睇到牆上所有相都係佢哋影，我認為一個人如果可以將你影到好靚，其實佢好愛你。相反如果有個人影到你好樣衰，好多醜照、黑圖，除非好親近嘅朋友，否則一定唔夠愛你先至影唔到你最靚嘅一面。」而現場所有相都捕捉到Feanna好靚的時刻，引證粉絲對她澎湃的愛，現場還有不少手作應援小禮品，讓Feanna愛不釋手。

咖啡店展出Feanna不同公開場合演出的靚相和小禮品。

咖啡店展出Feanna不同公開場合演出的靚相和小禮品。

黃淑蔓

對於生日正日Feanna公開一段絕密練歌片，片中少女Feanna穿著校服、束馬尾，認真而投入地演唱《Let My Song Fill Your Heart》，極高水準的唱功，驚艷網民。她說：「呢條片我17歲，喺聲樂老師屋企，因為我喺嗰度上堂。呢首歌除咗係我考8級聲樂嘅其中一首歌之外，亦都係當時參加校際比賽嘅歌。」

為何發文表示要鼓起好大勇氣才敢post這條片？Feanna自爆一個月前已將這條片向身邊朋友「分享」試水溫，豈料被化妝師取笑。她說：「我鼓起好大勇氣去甩咗個『偶包』先敢post出嚟，其實當時表情好誇張，而唱聲樂係需要去到咁誇張。加上素顏和著校服，髮型有啲不修邊幅，令我有啲卻步。好彩大家反應好好，無將焦點落喺我個樣，多謝大家咁善良！」Feanna希望將Classical 元素加入自己流行曲作品，但她想嘗試的曲風還有很多，要慢慢來。她說：「其實呢個都係我嘅生日願望之一，希望今年有更加多音樂作品，最緊要唱多啲live，因為我真係好鍾意唱live！」她希望28歲前可踏上紅館舉行演唱會。

黃淑蔓

黃淑蔓

黃淑蔓

瘦身成功的Feanna非常自律，在應援Cafe與粉絲切今年第9個蛋糕後只淺嚐一口。她說：「今年生日願望，希望身邊所有嘅人，無論愛我嘅人或者我愛嘅人，大家身體健康、平安、開心！」除了應援Cafe，另一班粉絲亦為Feanna設計專屬「人生四格」影靚相，現場播放她的歌。對於粉絲窩心安排，Feanna好感動，玩得好開心。

黃淑蔓

與粉絲合照。

今年是新城廣播有限公司三十五周年，為隆重其事，新城廣播將於今年8月23日晚上8時，假香港會議展覽中心Hall 5BC舉行一場盛大的「Metro Anniversary 35 "Spectrum of Self"」音樂會。四位人氣歌手鄧麗欣（Stephy）、雲浩影（Cloud）、黃淑蔓（Feanna）及盧慧敏（Amy Lo）將首次攜手演出，以她們獨特的個人魅力與音樂，在舞台上碰撞出最璀璨的火花，作為新城廣播呈獻給廣大聽眾的一份誠意禮物。

雲浩影（Cloud）

盧慧敏（Amy Lo）

四位歌手雖然風格各有不同，卻同樣散發著當代年輕人敢於突破的光芒。Stephy由偶像派蛻變為全能藝人，見證一代少女的成長軌跡；Cloud以空靈嗓音俘虜樂迷，盡顯新生代女聲的獨特氣質；Feanna則憑著青春洋溢的活力，成為校園樂迷的寵兒；Amy Lo從影視跨界音樂，展現活力多變的個性。

黃淑蔓（Feanna）

鄧麗欣（Stephy）

是次演唱會以「Spectrum of Self」為主題，舞台設計成為另一焦點。製作團隊大膽採用鏡面柱與棱柱裝置結合LED Wall及嶄新投影技術，每一支柱體獨立聳立舞台，卻能隨燈光角度折射出變幻萬千的光芒。屆時四位歌手除了演繹自己的人氣作品外，更會精心挑選多位樂壇前輩的經典金曲，以年輕聲線重新詮釋。選曲極具心思，勢必為全場樂迷帶來驚喜。

四大人氣歌手首度合體。

對於今次能夠破天荒同台演出，四位歌手都表現得相當興奮，Stephy開心表示：「好期待可以同其他三位歌手企喺台上唱歌，至於我哋會合唱咩歌？大家入場睇就知，希望到時見到大家。」Cloud亦雀躍表示：「我有好多歌都好想唱，除咗自己嘅歌，偶像嘅歌當然會唱啦！」Feanna則對選歌方面較為著緊，她稱：「我想揀一首金曲，可以向我哋樂壇前輩致敬，又可以全場大合唱，個氣氛一定好正！」Amy Lo就搞笑謂：「相比起其他三位歌手，我舞台經驗比較少，好希望今次可以享受舞台演出之餘，亦都可以吸收吓舞台經驗，每次都有進步就心滿意足了。」