薛家燕孫仔出世100日 Baby Julian勁多頭髮似足爸爸

薛家燕孫仔100日了。

現年71歲的薛家燕（家燕姐）今年5月正式榮升做嫲嫲，兒子石耀庭（Jackson）和太太陳素怡（Zoe）一索得男，誕下兒子Julian。不經不覺，家燕姐乖孫已經一百日了，她今日在IG上載抱住孫仔的相片，見Julian頭髮勁濃密，面圓圓好有肉地，跟爸爸餅印一樣，家燕姐還獲電台的高層同事送上賀禮和祝福，留言說：「謝謝！非常有心！」

見到孫仔，家燕姐笑到見牙唔見眼。

獲電台高層送賀禮。

Baby Julian好多頭髮呀！

媽咪身材都好fit，收身速度極快。

而新抱Zoe亦有在社交網上載一家三口合照，因疫情關係，一家人只在家中簡單慶祝，但Zoe仍十分花心思，在家中一角放置了很多氣球和熊公仔，直言今次是她的「My first balloon project」。見主角Baby Julian盛裝打扮，穿上白色恤衫打「煲呔」，望住鏡頭十分醒神。而爸爸和媽咪則穿上同色系的白色衫，一齊影全家福，Zoe留言：「Happy 100 days, my baby!We love you so so much!!」

看來Baby Julian都好鍾意笑。

BB打「煲呔」盛裝出席。

一家三口，囝囝跟爸爸餅印一樣。

上月Zoe生日，一家三口切蛋糕。

薛家燕孫仔100日了。

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！