水務署吉祥物「滴惜仔」經常在社交網站分享慳水心得，呼籲市民節約用水。日前，滴惜仔就在FB專頁發文，呼籲市民沖涼期間不應該胡思亂想，要「快快手」以免長開花灑導致浪費食水。然而，網民焦點卻紛紛放在其中一幅有關天堂論的帖文上，惹起熱議。
滴惜仔呼籲市民沖涼應快快手，不要胡思亂想滴惜仔FB
帖文指：「阿媽平時成日話我唔諗嘢，梗係啦，沖涼嗰陣先靈感男神上身，一邊捽胳肋底，一邊思考人生㗎……你哋又會諗啲乜呢？不過諗還諗，長開花灑諗嘢好嘥水㗎，快快手沖完好出返嚟喇！」
帖文上載後引起熱議，就連Ben Sir都讚好。滴惜仔FB
滴惜仔又在帖文圖片中，舉出數個胡思亂想的例子，例如是「我右手寫字，左手拎叉，咁到底我係左囿定右囿呢」、「蕃茄同雞蛋同一時間炒，會變成蕃茄炒蛋定蛋炒蕃茄」、「人死咗會去天堂，咁龜死咗係咪會去海天堂呢」。
資料圖片
其中最後一個例子「人死咗會去天堂，咁龜死咗係咪會去海天堂呢」，在帖文上載後旋即引起熱議，就連「Ben Sir」歐陽偉豪都留言表示「呢個掂」，不少網民都紛紛笑指「好地獄，但忍唔住笑咗」、「陸龜去咗海天堂會唔會遇溺死多次」。
另外，不少網民都發表自己的奇思妙想，例如「如果柯栢文買保險，要買車保定人壽」、「做任務嗰陣死咗係咪去任天堂」等等，就連食安中心的吉祥物「食安仔」都特意留言，表示：「我成日諗，檸檬最驚咩水果？冬甩個爸爸又係邊個？」
滴惜仔呼籲市民沖涼應節約用水，惟其中一幅帖文圖片惹起熱議。滴惜仔FB
