帖文引起熱論，不少網民勸事主應「早走早著」，「走啦，你喺呢到都無前途可言」。
常言道「魚不過塘不肥」，員工辭職跳槽在職場中十分普遍。一名網民於社交網訴說指，公司內許多同事嫌人工低已相繼辭職，未料老闆得悉情況後，竟指責該名網民為「不祥人」，稱其氣場差「陀衰家」，令該名網民非常不滿。
資料圖片
事主於Facebook專頁「奴工處」發文，指自己於公司任職逾2年，其中有部分同事認為薪金太低，近日引發辭職潮，更稱數天內已收到再多2名同事辭職的消息。未料老闆得悉後致電給事主，竟將原因歸咎於他，「入嚟啲同事個個都做唔夠半年就辭職，係咪你個人氣場唔好整衰晒」、「簡直係不祥人」！
資料圖片
事主聞言後心感不忿，於帖文中反斥老闆，「又唔諗吓自己份工出手太低，萬五六人工，唔通你想人哋做成世咩」。事主又透露，老闆欲聘請大學學士或碩士畢業生，但又希望「平靚正」，故入職新人只當其工作為疫情時「踏腳石」。事主亦坦言，無故被老闆冠上「不祥人」之稱號，令其亦萌生辭職念頭，並斥「話我工作表現唔OK都算啦，但侮辱人格我接受唔到」。
資料圖片
帖文引起熱論，不少網民勸事主應「早走早著」，「走啦，你喺呢到都無前途可言」、「你走咗之後，睇下邊個先係不祥人」；亦有人批評事主的老闆過於迷信，「唔係侮辱你嘅人格，係侮辱你嘅命格」、「不祥人，咩年代？仲係古代咩？」、「小薯又何得何能影響佢啲貴氣」。
資料來源：奴工處
公司同事嫌人工低掀辭職潮，老闆反指打工仔為「不祥人」。網圖(示意圖)
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
