為拍《i.SWIM》告別瘦弱形象 王智騫練出6嚿腹肌

大隻咗好多。

曾參演電影《熱血合唱團》的24歲的小鮮肉王智騫Martin，近有份參演以游泳為題的青春劇《i.SWIM》，為此他積極操肌迎合角色，由「潺仔」搖身變成6嚿腹肌男！

為參演《i.SWIM》。 

Martin向來不太愛運動。

讀Fashion出身的Martin，自言向來不太愛運動，但為了今次角色特別花兩個月操肌。他說：「今次角色要有少少線條，游水訓練時見到其他演員都好Fit，感覺上有啲對比，我唔想拖垮人哋，所以嗱嗱聲跑去做Gym，每星期操三至四日，主要操胸、膊及腹，再配合飲食，少糖少油，主要食雞胸、西蘭花、三文魚，低卡低脂。」自嘲沒運動天分的他又說：「初開始做Gym時，熱身完再去做機、有啲暈同作嘔，以為自己唔係好得，但在教練的逼迫下都撐落去，終於有些成績。」

因不想拖垮人只好苦練。

Martin在《熱血合唱團》的演出。

王智騫憑努力練出成績，下過一番苦功。

王智騫Martin表示不抗拒演BL劇！

昇陽娛樂藝人王智騫（Martin）近日在ViuTV熱播劇集《冰上火花》有出眾表現。早已預告會有咀戲的他，昨晚（17日）一集終於揭開「幸福兒」為誰，原來是飾演「張立基」的馬檇鏗，二人咀咀大玩BL！鏡頭前兩人咀咀默契十足，惟Martin透露拍這刺激一幕時「緊張到傻咗」。

昇陽娛樂藝人王智騫（Martin）近日在ViuTV熱播劇集《冰上火花》有出眾表現。

Martin透露拍這刺激一幕時「緊張到傻咗」！

該場戲講述在火花隊的「南亞幫」完了比賽，一班好友去飲酒放鬆時，怎料馬檇鏗玩「Truth or Dare」輸了要揀人咀，於是對準Martin咀落去，而Martin憶述這幕時，大爆馬檇鏗拍攝期間，竟大大力咀落Martin度，搞到怕醜仔Martin「紅到臉晒」，Martin笑言：「開頭大家都以為佢會錫細細聲，最後點知佢臨場玩嘢，強吻咗落我度。」

怕醜仔Martin「紅到臉晒」。

好爆！

NG四、五次後，Martin終感放鬆，並發揮了最好表現。

清潔口腔做足準備
拍攝咀戲前，Martin在試戲期間緊張到不敢望「螢幕戀人」馬檇鏗，他自言：「眼尾都唔敢望到佢，去到第一個Take嘅時候，我直程驚到瞓咗喺張櫈度。」NG四、五次後，Martin終感放鬆，並發揮了最好表現，「心諗場戲係咪都要拍，所以驚都冇用。」而埋位前，Martin顧及對方感受，做足準備、清潔口腔，非常細心，Martin說：「喺拍之前刷牙同食薄荷糖。其實我螢幕初吻就冇咗好耐啦，我都係拍完先知對手嘅螢幕初吻，原來係啱啱畀我拎咗。」

Martin表示不抗拒演BL劇。

Martin在去年參演《I.SWIM》成功突圍而出，人氣急升，除了參演ViuTV劇集演出，今年更獲機會主持旅遊飲食節目。

見到新一對「HeHe」情侶誕生，觀眾均興奮表示「想睇多啲」，這場戲廣獲不少觀眾好評，Martin也忍俊不禁，透露曾收過Fans送以自己為主角的BL漫畫，Martin表示不抗拒演BL劇，與另一名俊男展開甜蜜戀情，「之前試過收到一啲Fans 將我畫成BL漫畫嘅角色，都覺得好好笑。其實近年都見到好多人拍BL之後畀外界認識多左，自己有機會嘅話都想嘗試吓嘅。」