王智騫hehe咀受落 盼開拓BL市場 連番NG放下戒心

王智騫Martin表示不抗拒演BL劇！

昇陽娛樂藝人王智騫（Martin）近日在ViuTV熱播劇集《冰上火花》有出眾表現。早已預告會有咀戲的他，昨晚（17日）一集終於揭開「幸福兒」為誰，原來是飾演「張立基」的馬檇鏗，二人咀咀大玩BL！鏡頭前兩人咀咀默契十足，惟Martin透露拍這刺激一幕時「緊張到傻咗」。

昇陽娛樂藝人王智騫（Martin）近日在ViuTV熱播劇集《冰上火花》有出眾表現。

Martin透露拍這刺激一幕時「緊張到傻咗」！

該場戲講述在火花隊的「南亞幫」完了比賽，一班好友去飲酒放鬆時，怎料馬檇鏗玩「Truth or Dare」輸了要揀人咀，於是對準Martin咀落去，而Martin憶述這幕時，大爆馬檇鏗拍攝期間，竟大大力咀落Martin度，搞到怕醜仔Martin「紅到臉晒」，Martin笑言：「開頭大家都以為佢會錫細細聲，最後點知佢臨場玩嘢，強吻咗落我度。」

怕醜仔Martin「紅到臉晒」。

好爆！

NG四、五次後，Martin終感放鬆，並發揮了最好表現。

清潔口腔做足準備
拍攝咀戲前，Martin在試戲期間緊張到不敢望「螢幕戀人」馬檇鏗，他自言：「眼尾都唔敢望到佢，去到第一個Take嘅時候，我直程驚到瞓咗喺張櫈度。」NG四、五次後，Martin終感放鬆，並發揮了最好表現，「心諗場戲係咪都要拍，所以驚都冇用。」而埋位前，Martin顧及對方感受，做足準備、清潔口腔，非常細心，Martin說：「喺拍之前刷牙同食薄荷糖。其實我螢幕初吻就冇咗好耐啦，我都係拍完先知對手嘅螢幕初吻，原來係啱啱畀我拎咗。」

Martin表示不抗拒演BL劇。

Martin在去年參演《I.SWIM》成功突圍而出，人氣急升，除了參演ViuTV劇集演出，今年更獲機會主持旅遊飲食節目。

見到新一對「HeHe」情侶誕生，觀眾均興奮表示「想睇多啲」，這場戲廣獲不少觀眾好評，Martin也忍俊不禁，透露曾收過Fans送以自己為主角的BL漫畫，Martin表示不抗拒演BL劇，與另一名俊男展開甜蜜戀情，「之前試過收到一啲Fans 將我畫成BL漫畫嘅角色，都覺得好好笑。其實近年都見到好多人拍BL之後畀外界認識多左，自己有機會嘅話都想嘗試吓嘅。」

由昇陽娛樂型男王智騫（Martin）與范麒智（Kenji）擔演的台灣BL劇《靈魂約定》，自開播以來好評如潮，不但令兩人人氣大增，更令他們的社交群組在短短三個月內激增逾兩萬多粉絲，而日前劇集播出大結局，Martin、Kenji更到台灣出席終映會活動，與數百劇迷近距離見面，場面墟冚。對於今次在BL劇刷出亮麗成績，他們心感滿足，更為演藝路注下強心針。

Kenji、Martin在劇中激烈床戲

Kenji、Martin在劇中激烈床戲

Kenji、Martin在劇中激烈床戲

（左起）Martin、Kenji

終映會場面墟冚

劇集《靈魂約定》改編自台灣原創小說《靈魂的約定》，講述靈魂交換，一個69歲老人魂穿越到20歲孫子身上，與室友共譜出一段命運錯綜交織的情緣，劇集播出近三個月，日前終於迎來結局篇，二人有情人終成眷屬，當中更有一幕尺度令人嘩然的激烈床戲，Martin表示：「播到尾聲，感覺好神奇，好似同Kenji又完成一個創舉咁，因為由開拍到播完，短短唔夠一年內完成，大家學到嘅嘢真係好多。嗰場床戲其實係我哋套劇煞科前最後一場戲，所以感受好深，因為我本身都冇試過拍床戲，完全冇經驗，不過拍攝過程同Kenji相處咗咁耐，大家建立咗好多信任，所以都冇尷尬，我只怕自己做得唔好，好彩Kenji畀咗好多信心我，神奇地拍嘅時候導演係冇cut同NG，我哋一take過完成。」

終映會

終映會

日前在台灣舉行劇集終映會，吸引近數百劇迷到場，席上除了Martin跟Kenji開金口即場獻唱主題曲《換不了的你》外，亦為壽星仔Kenji慶祝生日，為終映會掀起高潮，Kenji稱：「今次過程真係好難忘，啱啱過去大半年嘅努力，好似出成績表咁，喺呢一日透過大家對部劇同埋對我哋嘅支持，一次過收到哂。加上當日同我慶祝生日，所以好感受到大家背後嘅支持，希望嚟緊可以拍到更加多好嘅作品俾大家。」

（左起）Martin、Kenji

粉絲群取名「茶葉」

Martin與Kenji因劇集而人氣急升，他們的社交群組在短短三個月內激增逾兩萬多粉絲，而他們的劇迷更叫做「茶葉」，名字由來自劇中他們的角色，Martin飾演夏茶、Kenji飾演葉海淵；而提到今次BL劇的成績理想，他們會否繼續以BL劇為發展目標？Kenji指：「我相信以BL劇為目標呢樣嘢會暫告一段落。不過如果短期內要搵一個新嘅partner同我組CP，我會好唔習慣，所以就算真係有一套新嘅BL，我諗我都會想同返Martin一齊。」Martin指他的目標是希望可以在大銀幕跟大家會面，而在遇到合適機會之前，他會繼續裝備自己。