連鎖燒肉放題店被指劣質牛肉扮日本A5和牛 黃傑龍：調查後發現事有蹺蹊

事主坦言當時已失去用餐的興致，強調該店的牛肉質素太差。

女網民於社交群組投訴食肆食物質素欠佳引發風波。一名女網民指日前光顧一間連鎖燒肉放題店「牛角buffet」，並點選最高級「LV5 日本鹿兒島 A5和牛放題」，豈料牛肉質素疑非A5和牛水平，懷疑店舖違反商品說明條例，敘福樓集團主席兼行政總裁黃傑龍其後親自於社交平台撰文回應事件，認為事有蹺蹊。

一名女網民投訴連鎖燒肉放題店以劣質牛扮日本A5和牛。FB圖片

事主於Facebook群組「香港自助餐及放題集中討論區」控訴指，日前到旺角「牛角buffet」用餐，惟「俾900元食LV5，卻換來300元LV2嘅質素」，懷疑該店疑違反商品說明條例。事主指首輪點選的牛肉已非A5和牛的質素，「食落好韌，質地似澳洲牛而唔係日本牛」，當時心有存疑，故再次點選牛肉以驗真偽。

女網民指首輪點選的牛肉已非A5和牛的質素。FB圖片

事主其後又到雪糕機「唧雪糕」，沒料該碗雪糕僅數分鐘已溶化，「過程係我唧完再去加朱古力豆，然後翻到去就溶成咁」。當時店內職員表示，看到另一位女客人唧雪糕後，沒有出現溶化情況，故着事主可再試一次。正當事主欲再試時，其丈夫立即喝止，指「我地食緊放題，計時架喎，點解要浪費時間去試部機？」。及後著另一名職員代為跟進情況，「點知睇完返嚟同我講，『雪糕機個製冷熄咗』」，事主聞言忍不住批評，「雪糕溶到咁食落肚真係可大可小！」

女網民投訴指，該店的牛肉質素太差。FB圖片

事主坦言當時已失去用餐的興致，強調該店的牛肉質素太差，又指在結帳後，有朋友發信息質疑事主受騙，並附上一張照片，指「佢又係有同樣遭遇，食完第一轉之後啲牛唔同晒，不過今次我連第一轉都無就已經畀劣質牛我」。事主得悉後立即找食肆的經理說明情況，「一講完就即刻拎兩碟靚牛出嚟」，事主即時怒不可遏，「好似我哋呢啲第一次嚟食嘅客，唔知頭唔知路咪畀你哋公司撈好多水？」，「況且我又埋咗單，你畀兩碟牛叫我燒過再食？」

女網民友人分享曾於該店用餐的經歷，質疑事主受騙。FB圖片

黃傑龍其後於社交網上發長文親自回應事件，指事主亦有直接向他投訴，甚至要求他親自回應。惟經調查後，發現結果有重大蹺蹊，故特意發文解釋。黃傑龍指，收到有關投訴後，眾多的管理層已立即作出跟進，包括調查電腦記錄同埋閉路電視及相關員工的口供，回應客人有關「和牛、雪糕、埋單」三個質疑。

敘福樓集團主席兼行政總裁黃傑龍親自於社交平台撰文回應事件。資料圖片

黃傑龍指，牛肉不可能每一碟都一模一樣，惟該名事主於網上分享一碟牛肉，從外表觀看已「好肉酸好恐怖，出晒血水」。及後在電腦記錄及閉路電視分析後，發現紙牌疑被「移花接木」，「在這些比較的相片中白色碟上邊出現了一張本來不應該在哪裏出現的「A5和牛」紙牌」，質疑「點解一碟頭盤會放喺枱面超過2個小時完全唔食等佢出晒血水」、「然後嗰張唔應該出現嘅和牛小卡放咗上去，然後同一碟新鮮拎出嚟嘅和牛擺在旁邊拍照」。

黃傑龍指，事主投訴軟雪糕很快溶解，根據閉路電視，事主入座後約半小時拿取雪糕後到回到座位，「同時間個火爐開到好猛燒緊肉」，惟當時事主沒有立即吃雪糕，「擺喺個火爐邊幾分鐘熔晒變到好核突，然後搵我啲同事投訴」。黃傑龍又指，當有已有職員立即重新拿了兩杯雪糕給事主，「後來客人仲食咗兩杯」，質疑事主將已溶解的雪糕照片放到網上的用意。

黃傑龍指經調查後，發現事件有重大蹺蹊。FB圖片

黃傑龍續指，事主於130分鐘內享用了近百碟的食物後，於結帳時特意保留擺放了逾2小時的牛肉，並投訴牛肉的質素差，「仲要話我哋呃人，要求唔俾錢仲要話我哋呃人，要求唔俾錢」，並指該名前線的同事於壓力之下退回878元現金予事主，「慌忙之間如果真係有同你講，『呢啲錢係要我自己出，公司未必俾返我』，之類可能只係期望你同情佢，當然你不單止無同情佢，攞完錢仲要上網寫」。

黃傑龍補充指，事主文中提到自己首次光顧牛角，卻手持牛角的會員卡，直言「根本都係前言不對後語」。雖然有指事主解釋是問朋友借會員卡，黃傑龍重申如果客人覺得被騙，採取法律行動報海關或者去消費者委員會，屬客人的權利，公司完全尊重，並強調會更加打醒十二分精神，「做到比好更好」。

資料來源：香港自助餐及放題集中討論區 、黃傑龍 Simon - 窮富翁 好人好事

一名女網民投訴連鎖燒肉放題店以劣質牛扮日本A5和牛。FB圖片

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」