很多人都有購物格價遇伏的經驗，有港媽在網上討論區留言話「非常唔開心」，因為在超級市場購物價格失敗買貴貨，網友們安慰之餘，分享可用炒股方法填補損失。
資料圖片
格價「中伏」的網友在親子王國討論區留言，表示到超級市場購買嬰兒用的濕紙巾，「$139.9/3包 （$51.x 一包）以為低啦！」，誰知到另一間超市發現價格是「$108/3包」，「差額大拿拿$32。」
資料圖片
該位網友以「唉！非常唔開心」為題開帖分享事件，隨即引來六十多位網友留言安慰：「駛咩唔開心吖，久不久就失手㗎啦，睇開啲啦。」「小財唔出 大財唔入。」「而家價格嘅嘢可升可跌，不過睇吓升幾多，跌幾多姐。」
在安慰之餘，不少網友建議用炒股票的方法減低損失，這個方法就是「溝貨」，「溝貨溝貨。」「溝貨係必須。」「溝溝佢，唔洗唔開心，死好多細胞。」「我通常買多包拉平均，感覺冇咁蝕。」「唔使唔開心，呢d嘢人人都會經歷過。一係溝貨，一係唔諗佢，笑吓就過。」
設計圖片
溝貨是股市術語，指投資者不斷在低於先前的股價買入股票，以減低股票的平均買入價。換言之，網友們是建議中伏網友既然找到較便宜的濕紙巾，應多買幾包，這樣平均而言，之前買貴了的濕紙巾的「貴價」會被拉低一點。
不過，最後有更精明的網友提醒：「有冇keep 單？如未開封係咪有得退貨？」一言驚醒夢中人，這位因中伏而「非常唔開心」的網友其後回覆：「有啊！好彩啱啱搵到，諗住聽日退貨。」最終都有Happy Ending。
示意圖
資料來源：親子王國
有網民發現日本連鎖超市百貨Don Don Donki 疑似配合新法例，透明的壽司刺身包裝盒變成密封紙盒，但此安排卻引來大批網民狠批。
食肆由22日起開始實施外賣「走塑」轉用紙、木、竹製餐具，有網民發現日本連鎖超市百貨Don Don Donki 疑似配合新法例，透明的壽司刺身包裝盒搖身一變，變成密封紙盒，但此安排卻引來大批網民狠批，有諷指現在買壽司猶如「抽盲盒」。
FB群組圖片
Donki部份外賣壽司、刺身轉用密封紙盒
有網民在「香港茶餐廳及美食關注組」上傳圖片，可看到Donki部份外賣壽司、刺身轉用密封紙盒，代替以往透明封蓋的塑膠便當盒，疑似配合即棄塑膠餐具管制新法例。由相片所見，多款壽司、魚生飯、刺身都轉用新紙盒密封設計包裝，雖然Donki已在紙盒上貼上相應壽司刺身的產品相片，供客人參考，但顧客卻無法看清內裏食物的真貎。
FB群組圖片
FB群組圖片
示意圖。《愛回家》劇照
無法知道新唔新鮮成最大問題
網友同時亦貼出一間超市的壽司冷凍櫃相片作比較，見到依然是選用透明包裝盒，他寫到「一個唔知新唔新鮮，有幾多件都唔知，盲盒；一個仲見到自己食咩，新唔新鮮。」更笑諷現在在Donki買壽司猶如「抽盲盒」！
FB群組圖片
網民不解：法例沒有禁止使用透明塑膠盒售賣刺身
而在同一天，亦有網民上載類似的貼文，寫到「又係走塑時間啦 咁都可以？ 咁點知新唔新鮮 靚唔靚仔？」對於Donki的新安排，大部份網民對都有微言，他們諷刺新外賣包裝猶如「抽盲盒」、「扭蛋咁款好刺激」，無法目測壽司、刺身是否新鮮；亦有網民質疑「係Donki 玩嘢！法例沒有禁止使用透明塑膠盒售賣刺身，壽司及其他預製食品。」不明白Donki 為何要換紙盒包裝。笑嘆「所以營利大倒退，咁天材橋，一定天材高層設計出來」、更有人笑指「啲人話係紙盒藏司啦」亦有網民指出紙盒放生壽司，其實會好易有菌等。
