娛圈事
仲會同時網上直播。
音樂人伍仲衡將於下月16、17日假九展Star Hall舉行音樂會，他昨晚與部份表演嘉賓布志綸（Alan）、J. Arie、Otto@EO2及區永權進行網上直播，宣布兩場音樂會將會網上同步直播，而網上直播票已正式公開發售，讓海外Fans也能同時欣賞。
透過網上直播，讓更多海外觀眾欣賞音樂會。
區永權笑指伍仲衡相隔半年再開騷，是否等錢使？伍仲衡笑稱音樂會沒錢賺，所有酬勞全給嘉賓。
伍仲衡下月再開音樂會，屆時將同步直播。
是否真的沒錢賺？伍仲衡表示：「點會咁容易賺錢，開騷唔係為賺錢，係娛樂大家同自娛， 玩音樂好開心同滿足。」伍仲衡又指音樂會製作費昂貴，導演為他設計過百萬舞台，老闆十分落本，笑言唯有在其酬勞扣除。
伍仲衡直言開騷冇錢賺。
由於表演嘉賓眾多，是否欠下很多人情債？伍仲衡說：「我欠人，人欠我。」Alan趁機笑稱等伍仲衡還債。此外，伍仲衡最近收到一條由癌症患者、傷殘人士及長期洗腎者所拍的影片，令他感動得眼淚直流，他指三人在片中表示看他演出可減退痛苦，令心情開心。
布志綸也為好友出力。
吳卓羲重返樂壇。
近年因內地真人騷《披荊斬棘》而爆紅的吳卓羲，近日到伍仲衡和周國豐主持的直播節目時表示，準備重返樂壇，正計劃推出《別怪她》2.0，並談及自己的事業低潮。
吳卓羲上伍仲衡和周國豐節目宣布重返樂壇
去年吳卓羲與謝天華、林曉峰、張智霖到馬來西亞開騷
吳卓羲直言自己「恨唱歌」，不過承認自己唱得唔好，他指「我唔係學唱歌出身，冇得呃，惟有不停練，以前監製會同我哋練咗歌先入錄音室，我錄一日8至10個鐘，嗰句唔好就返嚟補。」並指自己正計劃與鄧智偉推出《別怪她》2.0。之後仲開金口唱首本名曲《別怪她》及《紅蝴蝶》等歌曲。
直言自己恨唱歌，每次表演完表示好玩
他又提到因緋聞及負面新聞而陷入事業低潮期，稱：「行過報紙檔份份封面都係你，有真真假假，緋聞嗰啲嘢，假嘅嘢我又好驚人哋會信，返到屋企自己喺度諗我聽日點面對呢？過咗下一個禮拜，封面可能全部都變咗林峯。」其中被提到問古天樂借錢一事，他即回﹕「根本就冇呢件事，你又唔可以講咁多嘢，又唔可以叫當事人出嚟幫我澄清，都幾無奈幾無辜，我喺屋企好低落。」不過，他又稱做呢行要睇開啲。
提到低潮期的負面新聞表示好無奈
至於媽媽曾催婚望他成家立室，指「唔結婚唔緊要，帶個小朋友返嚟得㗎喇！」不過，吳卓羲指自己係單身，而且保守，所以無咁做。向來是孝順仔的吳卓羲，他坦言放假會陪媽媽「拍拖」。
至於擇偶條件，吳卓羲指緣份到就唔一定睇樣，但希望對方跟他一樣喜歡、欣賞煮食，不過，他現時十分享受單身生活，「我覺得自己一個人舒服啲，我唔理日後會唔會改變，我依家就係enjoy，（有冇追求者）冇留意，我唔出街，屋企太多嘢做。」
今次吳卓羲上直播節目又唱又傾心事，雖然被伍仲衡狠批唔夠氣
