伍仲衡與未婚妻Ida明日大婚 吳業坤任姊妹團  J.Arie當戥穿石玩反串

恭喜伍大師！

音樂大師伍仲衡於去年1月6日在《HEA TOGETHER LIVE 2023》音樂會上當眾向女友Ida求婚成功，當時更現場獻唱包辦曲、詞、編、監的求婚歌《你是我最精彩的旋律》，場面十分浪漫感人。而伍仲衡與未婚妻Ida將於今年1月6日正式拉埋天窗，擺酒宴客，剛好是求婚一周年，伍仲衡為娶得賢妻可謂花盡心思，浪漫到盡。

伍仲衡與未婚妻Ida明日（1月6日）大婚

伍仲衡彈著鋼琴，Ida則在後面搭著老公肩膀，非常sweet！

影婚照嗌肚餓
伍大師與伍太早前就拍攝結婚相，伍仲衡穿上黑色的新郎禮服，顯得身型fit爆瘦晒，問到是咪特登減肥影婚照？伍仲衡笑言：「都是假象，全靠有科技P圖，哈哈！同埋我影個日全日都在縮肚。」拍攝婚照當天，伍仲衡感謝天公造美，非常順利，不過他就表示影相好攰，「我只係想快點影完，同埋影到好肚餓。」

在拍攝當天，伍仲衡更是彈著鋼琴，太太則在後面搭著對方肩膀，深情地依偎着，非常sweet。他們又在睡房、酒吧等不同位置取景，Ida換上多套性感婚紗，與伍仲衡十指緊扣，好溫馨。

Ida換上多套性感婚紗。

姊妹團、戥穿石玩反串
1月6日，伍生與伍太正式拉埋天窗，為音樂界的一大喜事。兄弟團和姊妹團名單出爐，兄弟團有布志綸、區永權、劉威煌、J.Arie當戥穿石玩反串、謝國維，張翼東；而姊妹團則有吳業坤，其他則是太太的好姊妹。

大婚儀式，伍仲衡透露將一切從簡，「我哋下午四點就會斟茶，六點證婚，八點就會開party（酒席）。」大婚日將至，成家立室的心情？伍仲衡甜絲絲回應：「興奮多於緊張，多謝太太一直在我身邊幫我打點一切、照顧我，當然我都會好好照顧佢，亦非常感謝歌迷一直對我的支持。」

伍生伍太好登對！

感謝布志綸幫忙唱求婚歌 通利琴行贊助全場樂器
伍大師感動表示，還有很多朋友要感謝：「一定要多謝好兄弟布志綸幫我唱求婚歌《你是我最精彩的旋律》，已經錄好咗，但未決定幾時出。還有，非常感謝通利琴行贊助婚禮當晚舞台上的所有樂器，租金和運費全免，作為送給我們的結婚禮物，仲有好多朋友幫手，真的很感謝大家！」

囍帖曝光。

囍帖曝光。

吳卓羲重返樂壇。

近年因內地真人騷《披荊斬棘》而爆紅的吳卓羲，近日到伍仲衡和周國豐主持的直播節目時表示，準備重返樂壇，正計劃推出《別怪她》2.0，並談及自己的事業低潮。

吳卓羲上伍仲衡和周國豐節目宣布重返樂壇

去年吳卓羲與謝天華、林曉峰、張智霖到馬來西亞開騷

吳卓羲直言自己「恨唱歌」，不過承認自己唱得唔好，他指「我唔係學唱歌出身，冇得呃，惟有不停練，以前監製會同我哋練咗歌先入錄音室，我錄一日8至10個鐘，嗰句唔好就返嚟補。」並指自己正計劃與鄧智偉推出《別怪她》2.0。之後仲開金口唱首本名曲《別怪她》及《紅蝴蝶》等歌曲。

直言自己恨唱歌，每次表演完表示好玩

他又提到因緋聞及負面新聞而陷入事業低潮期，稱：「行過報紙檔份份封面都係你，有真真假假，緋聞嗰啲嘢，假嘅嘢我又好驚人哋會信，返到屋企自己喺度諗我聽日點面對呢？過咗下一個禮拜，封面可能全部都變咗林峯。」其中被提到問古天樂借錢一事，他即回﹕「根本就冇呢件事，你又唔可以講咁多嘢，又唔可以叫當事人出嚟幫我澄清，都幾無奈幾無辜，我喺屋企好低落。」不過，他又稱做呢行要睇開啲。

提到低潮期的負面新聞表示好無奈

至於媽媽曾催婚望他成家立室，指「唔結婚唔緊要，帶個小朋友返嚟得㗎喇！」不過，吳卓羲指自己係單身，而且保守，所以無咁做。向來是孝順仔的吳卓羲，他坦言放假會陪媽媽「拍拖」。

至於擇偶條件，吳卓羲指緣份到就唔一定睇樣，但希望對方跟他一樣喜歡、欣賞煮食，不過，他現時十分享受單身生活，「我覺得自己一個人舒服啲，我唔理日後會唔會改變，我依家就係enjoy，（有冇追求者）冇留意，我唔出街，屋企太多嘢做。」

今次吳卓羲上直播節目又唱又傾心事，雖然被伍仲衡狠批唔夠氣