唱錢｜「試玩專員」吳業坤成《唱錢》首集挑戰者！今晚親臨錄影廠睇直播兼殺入聊天室與觀眾互動

由森美、Eric Kwok（郭偉亮）帶領Plan V成員李茵彤Desta主持、並同時由Eric Kwok擔任音樂總監的全新互動音樂Game Show《AlipayHK呈獻：唱錢》（英文名：Music Money Monster），今晚（24日）八點半翡翠台首映。除了三位常規主持，節目每集均增設直播間，主持是Plan V其餘四位成員：江廷慧、彭家賢、陳昊廷及侯雋熙。今晚坤哥更會親臨直播間，與觀眾及製作組齊齊睇首播之餘，還會闖入聊天室與家庭觀眾互動，萬勿錯過！

今晚嘅「試玩專員」有坤哥吳業坤！佢呢個表情好爆咁喎。

三位主持（左起）：Eric Kwok、森美、李茵彤

坤哥正式挑戰前畀Eric同埋森美輪流笠高帽，搞到佢好開心。

坤哥笑言對兒歌最有信心
「只要唱啱拍子同音準，就可以用歌聲贏獎金。」亮相《唱錢》第一集挑戰的參賽者，將是被譽為「試玩專員」的吳業坤（坤哥）。被Eric Kwok捧為音準及拍子皆十分穩陣的坤哥，笑言自己最有信心挑戰的是兒歌。「細細個聽吖嘛，記咗三十年喇。」當坤哥抽出專屬的「坤哥Sing盤」後，決定循序漸進先行挑戰難度最低的Level 1歌曲周柏豪《我的宣言》。雖然坤哥笑言初出道時有經常公開獻唱《我的宣言》，挑戰初頭亦成功過渡系統顯示的危險區域。但當唱到Chorus部分「光陰已變做美好年華」，坤哥竟突然跌入警告區，嚇到他即時窒偈，更接不住接下來的歌唱部分！想知坤哥最終會否連第一關都挑戰失敗？密切留意今晚首播的《唱錢》。

坤哥好嚴肅咁揀咗Level 1嘅歌嚟挑戰。

Eric Kwok會即場講解每首歌曲嘅難度位。

坤哥挑戰前以搞笑動作集氣！

節目開播前導讀：
《唱錢》節目搜羅了超過200首不同語言及類型歌曲作系統分析，每集都會事先發放指定歌曲予參賽者事先練習音準及拍子。每個挑戰者，正式比賽前需先抽出自己專屬「9格Sing盤」！Sing盤中每一格對應一個Level，每個組合均是隨機抽出，保證刺激！抽出Sing盤後，參賽者可自行決定挑戰順序；當成功挑戰到三格連成一線的Level，便會觸發提款線，代表參賽者有權選擇攞錢離場／繼續參賽。獎金將因應提款線數目遞增：一條提款線可獲HK$1,000、兩條HK$3,000、三條HK$5000、四條HK$10,000；另只要通過了第一條提款線，參賽者便有權選擇直接挑戰Monster level。Monster Level獎金將因應挑戰者挑戰時擁有的提款線數目而有所不同，最高獎金高達港幣10萬元！

值得留意的是，1-8 Level的關數，挑戰者音準及拍子準確率需高於80%才算挑戰成功，Monster Level則需要音準及拍子準確率高於90%！100％完美過關者，可即時額外獲得HK$1,000獎金，但若挑戰失敗，所有獎金將即時歸零。為增加刺激感，節目還設有音準及拍子「血量表」、黃色警告區及紅色危險區。

唱到鬼咁認真又肉緊。

一嚟就警告區，唔係呀嘛？！

《中信銀行（國際）Montion$呈獻：試真D唷》載譽歸來，一共10集逢星期日晚上8點翡翠台播映。

振朗一開頭嚇到心驚驚。

美儀姐同振朗一前一後被「剁」畫面好搞笑。

美儀姐挑戰「剁胸」。

GM「剁面」似足行刑，表情極好笑。

大家對答實在太有火花。

《試真D唷》主持江美儀、朱敏瀚、吳業坤、曾展望（GM）及張振朗，貫徹首季輕鬆搞笑，有話直說貼地風格，衝出香港去到台北、台南、高雄「試真D」。今晚（10月25日）一集繼續台北「試真D」，內容夠晒衝擊，先有「刀療按摩」體驗，再挑戰「酒場任務」，最後食路邊攤雞肉飯食到身水身汗，全程爆笑與驚嚇齊飛。

路邊攤食雞肉飯食到身水身汗。

坤哥大晒麒麟臂。

振朗細心挑選小食。

「刀療按摩」最過癮 GM「剁面」似上刑場
在三個「試真啲」行動中，以「刀療按摩」體驗最為過癮。店員解釋，鋼刀帶有導電功效及宇宙能量，所以必須借助鋼刀導電。振朗一見到店員手持鋼刀即刻心驚驚：「呢一把刀都唔惹小，畀佢（鋼刀）剁一剁。」振朗挑戰「剁背」，美儀姐則挑戰「剁胸」，一前一後「被剁」畫面極為搞笑：「好似有支棍喺度打」、「有啲麻」、「痛㗎喎」。至於GM則挑戰「剁面」非常搶FO，一度嚇到靜止不動，只能擺出「呆笑」表情，似足上刑場等行刑，頻頻表示「好緊張」，看似不太享受：「心理壓力好大，你明唔明？」美儀姐見狀即笑說：「我最寶貴嘅胸，我都奉獻咗出嚟。」到底GM塊面捱完刀後有沒有「變樣」呢？就要留意節目播出。

振朗被讚靚仔勁開心。

GM主攻「滷味」。

坤哥接二連三激嬲美儀姐。

美儀姐嬲樣盡現。

振朗電暈師奶 坤哥酒後吐真言全場震驚
今集焦點絕對是轉場到萬華區酒場，店舖歡迎客人外帶食物內用。美儀姐即刻向振朗、坤哥、GM派任務，要每人點一杯調酒加一款小食佐酒。買小食期間，振朗憑靚仔樣電暈一眾師奶，接二連三獲店舖老闆娘請食，在鏡頭前忍不住擺出「得戚樣」，仲要笑到「格格聲」，認真威水。同時，坤哥點了一杯帶有茶的調酒給美儀姐，惟不合對方心水，及後補鑊送上紫色龍膽花，卻再度出錯，美儀姐即場更正：「呢個藍色嚟㗎喎。」勁爆笑。意想不到的是，坤哥竟然酒後吐真言，嚇到全場震驚，美儀姐嬲樣盡現。另美儀姐夥拍振朗、GM、朱仔去路邊小店食雞肉飯，眾人食到身水身汗都唔捨得走。想知坤哥吐咩真言、刀療有幾痛、就要留意今晚播出的《試真D唷》。