車婉婉新秀奪冠撞正唱片業低迷 撐華星力捧安仔Sammi

生不逢時。

車婉婉作客商業電台節目《1圈圈 星光背後》，被問到歌手路不暢順一事，她認為全因生不逢時。她說：「可能自己功架唔夠或者其他因素，我入行嗰陣唱片業已經下滑。」當年她參加第十一屆新秀歌唱大賽奪得冠軍，可是一直有指她未曾受華星力捧，因為資源都集中在許志安（安仔）和鄭秀文（Sammi）身上。

車婉婉係新秀冠軍。

車婉婉分享當年發表了首張專輯後，就心淡返回美國繼續完成大學課程。不過她並不認為華星力捧安仔和Sammi是錯的決定。她笑言：「捧安仔Sammi係應該，我一攞完新秀入這公司已是《火熱動感Lalala》時期，Sammi已經好紅。我本身又好鍾意安仔，佢哋已經炙手可熱，從來冇覺得公司大細超。之後我們合作《愛情傻戀Lalala》，公司要慳錢一架車載我哋八個人，安仔Sammi超級照顧我哋其他新人，反而萌生咗好難得同深厚嘅友誼。」

可惜歌手路行得唔順暢。

2000年與安仔合唱到街知巷聞的《會過去的》令車婉婉首獲音樂上的肯定，她說：「當時我入咗環球，安仔喺正東做咗最受歡迎男歌手，有一日佢提出：『阿婉，而家我哋同一間公司，不如合唱啦！』我反應是：『真係？』心想；『咁點好意思呀！』佢純粹幫我、想扶我一把！咁我第二天就搵陳輝陽寫歌，輝陽再搵到Wyman寫詞，我係抱住知遇之恩做呢首歌，紀錄我同安仔嘅友情，冇諗過會獲獎。」

有指係因為當年華星的資源都放在安仔（左）和Sammi（右）身上。

車婉婉於2000年與安仔合唱《會過去的》令她在音樂上首獲肯定。

車婉婉與安仔Sammi係好朋友。

車婉婉作客商業電台節目《1圈圈 星光背後》。

相隔23年再度「同車」，車婉婉難忘與馬明首度合作趣事：真係全日粒聲唔出

由徐正康夥拍新鮮人陳萍April擔任監製、麥世龍擔任編審的《妳不是她》，1月12日八點半翡翠台播映大結局，雖然全劇最大懸念「平行時空」經已揭盅，但據知結局依然有反轉位。11日林信（丁子朗飾）驚揭身邊的夏莉（馮盈盈飾）並非原本認識的夏莉，二人為此發生激烈爭執。12日晚二人經歷連串拉鋸及爭吵後，將作出一個令人意外的決定，密切留意！

幾經波折嘅夏莉同林信，原本已經和好如初咗。

不過因為林信意外發現咗夏莉部7G電話，令二人再度情海翻波，到底林信最後會點揀？原夏莉嘅故事又會點發展落去？密切留意大結局。

11日晚，全劇最大彩蛋馬國明亦終於登場，飾演的士司機馬明的他，劇中主要任務是與飾演林善的車婉婉發展姊弟戀。搞笑的是，現實中升呢人夫不久的馬國明，在劇中自稱單身兼性格「好鬼悶」之餘，又大談擇偶條件及兩性相處之道：「做女人唔使成日都咁Tough，唔使吓吓都死頂，間唔中流露番少少女性溫柔，需要膊頭咪開聲咯。好多男人見到太強嘅女人，佢哋就縮唔敢追架喇」、「唔係每個男人都鍾意小鳥依人嘅，我就唔鍾意湊女喇，我鍾意啲女人係成熟啲，有自信啲，兩個人相處最緊要夾唔夾。」

馬國明以「真名」上陣演的士司機，勁有代表性。

車婉婉形容呢一段關係係「倒後鏡之戀」。

馬明演暖男真係啱晒數。

車婉婉見到以前可以一日唔講嘢嘅馬明，突然變得今時今日咁talk得，相信一定覺得好Funny。

馬明喺劇中大談兩性相處之道。

齋睇表面證供，馬國明繼《新聞女王》再於《妳不是她》中與婉婉正面交鋒看似甚有淵緣，原來二人緣份早於23年前經已啟動！現正忙於演唱會綵排的婉婉，百忙中抽空受訪時透露原來與馬國明於2001年拍攝《不必剎掣》MV時已首度合作，當年二人除了同樣飾演情侶，馬明亦巧合地在MV中飾演司機，二人相隔23年再度「同車」，可謂別具意義；婉婉更對昔日的馬明近乎有讚冇彈，並笑指當年的馬明可以「全日唔講嘢」：「我同馬明都真係有特別緣份，當時拍嗰隻MV時，我覺得呢個男演員好斯文，全日冇講過嘢，全日呀吓，拍咗一日架！同埋佢又高啦，樣又靚仔，身形又好，所以我對佢有好深刻印象。後尾佢愈嚟愈紅，我就發現佢原來都幾活潑同幾好笑，但已經冇機會再合作。估唔到一直去到最近，又突然連續同佢有番合作，仲有對手戲添，所以好開心，好有親切感。」

馬明今次為咗力撐新進監製，幾忙都勁爽快地一口答應客串演出，圈中出名嘅好好先生，果然名不虛傳。

據知馬國明是次答應客串馬明一角，全因為了支持新進監製April，更是百忙中抽出空檔拍攝，絕對是有情有義代表。其實April與馬明亦相當有緣，二人先後於《白色強人》系列及《降魔的2.0》中合作過。