餅印囝囝驚見3隻蛀牙 車婉婉硬食醫療費嗌重傷

BBQ真係同婉婉一模一樣！

現年48歲的車婉婉與澳洲籍游泳教練老公Jonathon結婚10年，2017年誕下囝囝Justus Quinlan（BBQ），小朋友已經6歲，車婉婉安心接工作，早前主持歌唱比賽節目《中年好聲音》，大獲好評。怎料車婉婉工作順利，卻忽於照顧兒子BBQ搞到出事，原來她忙於工作期間，有「熱心人士」經常請囝囝食糖及飲甜嘢，小朋友就搞當棚牙，入升小一已經有3隻蛀牙，車婉婉帶囝囝去睇牙醫付治療費時，更大呻「重傷」。但有網民錯重點，覺得BBQ愈大愈似媽媽，尤其是側臉：「仔仔同你一個餅印」。

車婉婉的囝囝已經6歲。

BBQ一頭啡金色頭髮、迷人電眼加濃密眼睫毛多次被網民大讚靚仔。

歌手出身的車婉婉最近主持《中年好聲音》廣受好評。

車婉婉因為太忙，最近忽略照顧囝囝。

車婉婉仲要去探班。

車婉婉的囝囝仲有去玩。

車婉婉貼出多張囝囝睇牙醫的照片，BBQ都算乖，全程補牙未見扭計，身為母親的車婉婉都好安慰，大讚囝囝合作，不過仍是一次勞民傷財事件，她寫道：「BBQ成長日記之蛀牙，話說Q MaMa最近確實忙，掛一漏萬，BBQ棚牙失守啦！『熱心人士』成日請佢食糖，之後又飲甜野（嘢），終於我以為見到下面有一隻蛀牙，原來，去牙醫度check清楚，係有3隻⋯真係睇少陣都唔掂。未升小一，未有牙科保健，唯有搵兒童牙醫⋯重傷。第一次去牙醫診所嘅BBQ表現還可以，同洗牙姑娘玩得好開心，都好合作⋯ 希望佢之後補牙都一樣咁合作啦，如果唔係就好麻煩。奉勸各位家長，真係要𥄫實D小朋友嘅牙齒呀，如果唔係，真係勞民傷財㗎 #姑娘好有心機 #BBQ蛀牙仔 #頂得住」。

車婉婉的囝囝仲扮鬼扮馬。

BBQ檢查後，原來有3隻蛙牙。

車婉婉的囝囝最終要去睇牙。

車婉婉指囝囝食得糖多出事。

車婉婉的囝囝算幾乖，沒有扭計。

BBQ在過程中好合作。

BBQ呢個側臉，有如車婉婉的迷你版。

網民留言。

相隔23年再度「同車」，車婉婉難忘與馬明首度合作趣事：真係全日粒聲唔出

由徐正康夥拍新鮮人陳萍April擔任監製、麥世龍擔任編審的《妳不是她》，1月12日八點半翡翠台播映大結局，雖然全劇最大懸念「平行時空」經已揭盅，但據知結局依然有反轉位。11日林信（丁子朗飾）驚揭身邊的夏莉（馮盈盈飾）並非原本認識的夏莉，二人為此發生激烈爭執。12日晚二人經歷連串拉鋸及爭吵後，將作出一個令人意外的決定，密切留意！

幾經波折嘅夏莉同林信，原本已經和好如初咗。

不過因為林信意外發現咗夏莉部7G電話，令二人再度情海翻波，到底林信最後會點揀？原夏莉嘅故事又會點發展落去？密切留意大結局。

11日晚，全劇最大彩蛋馬國明亦終於登場，飾演的士司機馬明的他，劇中主要任務是與飾演林善的車婉婉發展姊弟戀。搞笑的是，現實中升呢人夫不久的馬國明，在劇中自稱單身兼性格「好鬼悶」之餘，又大談擇偶條件及兩性相處之道：「做女人唔使成日都咁Tough，唔使吓吓都死頂，間唔中流露番少少女性溫柔，需要膊頭咪開聲咯。好多男人見到太強嘅女人，佢哋就縮唔敢追架喇」、「唔係每個男人都鍾意小鳥依人嘅，我就唔鍾意湊女喇，我鍾意啲女人係成熟啲，有自信啲，兩個人相處最緊要夾唔夾。」

馬國明以「真名」上陣演的士司機，勁有代表性。

車婉婉形容呢一段關係係「倒後鏡之戀」。

馬明演暖男真係啱晒數。

車婉婉見到以前可以一日唔講嘢嘅馬明，突然變得今時今日咁talk得，相信一定覺得好Funny。

馬明喺劇中大談兩性相處之道。

齋睇表面證供，馬國明繼《新聞女王》再於《妳不是她》中與婉婉正面交鋒看似甚有淵緣，原來二人緣份早於23年前經已啟動！現正忙於演唱會綵排的婉婉，百忙中抽空受訪時透露原來與馬國明於2001年拍攝《不必剎掣》MV時已首度合作，當年二人除了同樣飾演情侶，馬明亦巧合地在MV中飾演司機，二人相隔23年再度「同車」，可謂別具意義；婉婉更對昔日的馬明近乎有讚冇彈，並笑指當年的馬明可以「全日唔講嘢」：「我同馬明都真係有特別緣份，當時拍嗰隻MV時，我覺得呢個男演員好斯文，全日冇講過嘢，全日呀吓，拍咗一日架！同埋佢又高啦，樣又靚仔，身形又好，所以我對佢有好深刻印象。後尾佢愈嚟愈紅，我就發現佢原來都幾活潑同幾好笑，但已經冇機會再合作。估唔到一直去到最近，又突然連續同佢有番合作，仲有對手戲添，所以好開心，好有親切感。」

馬明今次為咗力撐新進監製，幾忙都勁爽快地一口答應客串演出，圈中出名嘅好好先生，果然名不虛傳。

據知馬國明是次答應客串馬明一角，全因為了支持新進監製April，更是百忙中抽出空檔拍攝，絕對是有情有義代表。其實April與馬明亦相當有緣，二人先後於《白色強人》系列及《降魔的2.0》中合作過。