黎諾懿一心想追女，但似乎事與願違。
黎諾懿和太太李潔瑩、李丞責、楊潮凱、郭偉亮、李幸倪及曾比特等，今日參與TVB遊戲節目《思家大戰》錄影。黎諾懿被問到這次跟太太影孕肚照留念，他會否作出突破行動？他笑稱由太太決定，他可能只負責在現場拿反光板。他說：「可能太太覺得構圖多了我唔靚，或變成兩個大肚婆在，因為我身材唔弗。」在旁的李潔瑩即說：「冇預你！」黎諾懿則笑謂：「我怕穿底衫褲影相太性感，穿了後廣告不停來，因為中年發福男人着了底衫褲那麼好看，廣告商便搵我做。」
老婆挺孕肚與諾懿上遊戲節目。
諾懿口快快爆咗今胎又係仔，但卻否認。
黎諾懿又自言最後可能只負責埋單，因為男人最成功就是找數。另方面，黎諾懿表示兒子小春雞尚未懂得呷醋，但他近期不時買玩具送給小春雞時，也說是BB送給哥哥，嘗試用物質影響兒子。太太則說：「這是甚麼教育！」黎諾懿衝口而出說：「只想兩兄弟和和睦睦相處。（你爆了太太腹中的是仔？）冇呀！」
諾懿組隊上節目玩遊戲。
今次好多人一齊錄影。
黎諾懿一心想追女，但似乎事與願違。
《香港婚後事》由陳自瑤（Yoyo）、賴慰玲（Winki）、黎諾懿及羅天宇主持，今晚（5月24日）嘉賓是羅子溢和李丞責師傅。
今集嘉賓有李丞責師傅。
仲有羅子溢。
丞丞師傅除了是玄學大師，原來還是愛情專家！諾懿問他識女仔時會否先算八字，丞丞師傅笑言：「算乜鬼啫，你同人哋熟先會畀出生日期你，你仲爭個時間，要估晒12個時辰？」丞丞師傅認為緣分天注定，婚姻則要努力經營，並大拋愛情哲理：「（戀愛）過程係一個人嘅修練同成長，你唔可以跳過成長，我覺得得失唔重要，最終你會知道自己要乜嘢、得到乜嘢，同埋要珍惜啲乜嘢。」
丞丞師傅原來係愛情專家，大拋愛情哲理。
丞丞師傅仲會同大家講吓咩係八字。
丞丞師傅仲會同大家講吓咩係八字。
丞丞師傅話眼睛大小可以睇出一個人嘅性格。
丞丞師傅話眼睛大小可以睇出一個人嘅性格。
Yoyo化身問題少女問師傅如何經營與太太的婚姻？丞丞師傅大方分享：「每日你都要當第一次約會佢一樣，你認為佢每日都飲檸檬茶嘅，你唔好習慣性倒杯檸檬茶畀佢就當完咗件事，或者佢唔夠瞓要飲咖啡呢？如果你老婆有一日鬧你，你要值得開心，因為佢仲會為你而䒐。」諾懿聞言笑說：「咁佢（我老婆）好愛我，佢日日都䒐我！」
Yoyo化身問題少女。
談到與太太劉倩婷相處，丞丞師傅爆太太掌管家中財政大權：「我從來唔理銀行戶口有幾多錢，亦都唔會理老婆點使錢，因為我要相信對方點處理，佢方法可能唔係最好，但係一定會比我好，因為我冇時間處理咁多嘢，有人幫我解決晒問題就好開心，但呢啲我唔會同老婆講，因為驚佢會得戚！」講到兩人年齡相差18載，丞丞師傅說：「我可能真係會走先，我走先係帶畀佢好多痛苦，所以我要喺呢段時間，首先補償佢呢個痛苦。」絕對是百分百愛妻號。丞丞師傅又教大家睇相看性格，他說眼大者通常感情用事，眼細者則比較理性，眼睛唔大唔細者則是理智和感性兼備，師傅還會教大家如何憑眉毛一眼看出「花心蘿蔔」，萬勿錯過。
丞丞師傅絕對係一位愛妻號。
子溢和諾懿又齊齊自認不是浪漫的人，諾懿更自揭不浪漫求婚經歷：「我係拍醒佢（太太）求婚，我話師傅話要結婚，唔結就要等三年。之後我訂咗山頂間餐廳求婚，雖然佢又知我又知，但求婚戒指個盒喺褲袋度凸晒出嚟真係好唔掂，老婆都話真係好唔浪漫！」子溢則自言比諾懿好少少：「我係瞓覺前（求婚）。」諾懿續指自己在大婚當日差點弄不見婚戒，更嚇到一度爆粗：「結婚嗰晚擺完酒，我已經（醉到）唔知戒指去咗邊！好彩有兄弟知道我係咁，所以一早幫我袋好咗！」兩人還會在節目中揭露不戴婚戒真相，密切留意今晚最後一集的《香港婚後事》。
子溢同諾懿爭住認唔浪漫。
子溢同太太楊茜堯好恩愛。
諾懿自爆勁唔浪漫嘅求婚經歷。
諾懿自爆勁唔浪漫嘅求婚經歷。
諾懿擺酒當日醉到差啲整唔見婚戒，嚇到爆晒粗添！
諾懿擺酒當日醉到差啲整唔見婚戒，嚇到爆晒粗添！
子溢同諾懿公開唔戴婚戒原因。
