「靚聲王」張偉文重踏舞台 入電視城錄影波折重重

遇上暴雨阻滯。

「靚聲王」張偉文(Donald) 行動不便，近年較少周圍去，出入範圍喺老人院附近。

雖然張偉文行動不便，但好友方俊都照顧周到，車出車入。

不過，昨天入電視城錄影今晚播出嘅TVB節目《善心滿載仁愛堂》時竟遇上狂風及暴雨，雖然好友方俊(Aman)仍冒住風雨車出車入，照顧周到，但風雨問題搞到交通大擠塞，錄影節目出現延誤。

入住老人院嘅張偉文需要開演唱會賺錢傍身。

節目中張偉文只演繹一曲《每當變幻時》，卻由原定一粒鐘搞足大半日，真係波折重重，即使Donald有啲攰，不過做善事冇計，亦為年底舉行嘅演唱會做吓熱身。

之前張偉文去咗方俊屋企同尹光及環星老闆張國林飯聚。

不過最近Donald有啲黑仔，據好友兼監護人方俊透露，張偉文前日發現唔見咗個隨身袋，袋中有銀包，現金、身份證、回鄉卡及信用卡等，但Donald又唔知幾時及喺邊度遺失，好彩現金只得幾百蚊，稍後要陪他去補領。

Donald一度驚現「筷子腳」。

張偉文在4年前受腰椎病影響，前後接受過兩次腰椎大手術，術後頸椎退化令雙腳冇力，多次跌倒撞親搞到腦積血，2019年要入院放血續命！

方俊同Donald冇血緣關係，但比親生仔更親近。

之後記性漸差，由於行動不便近年要入住老人院護理，政府嘅社福津貼唔夠支持生活，要靠方俊每月嚟補貼，而最近Donald翻肥到200磅，狀態大勇，將會喺今年12月20日、明年1月12日及14日分別喺香港文化中心、沙田大會堂及元朗劇院舉行《友情有義演唱會》，從而搵啲錢傍吓身。

最近Donald翻肥到200磅，狀態大勇，年底會開個唱。

方俊昨天冒住風雨，車張偉文入電視城錄影，開工前先開餐。

方俊將於4月15日在北角新光戲院大劇場舉行演唱會。

方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月15日，晚上七時半在北角新光戲院大劇場舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。

黃偉文欣喜得悉方俊舉行個人演唱會，勉勵方俊要做到最好，親口應承到場支持。

人情味濃濃，方俊偕張偉文出外，沿街市遇上熱情粉絲問候支持，祝「靚聲王」身體健康，更祝方俊演唱會good show！

好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」

《方俊燃亮愛演唱會》海報

近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，即興唱半首《訪英台》， 唱得有板有眼，仲有埋造手功架，好有睇頭。

張偉文近年雖然患上認知障礙症，但也加入為方俊新歌《鼓舞》和音行列。外出期間，沿街及食店內有唔少fans上前問候及支持張偉文，希望偉文身體健康可以在網上唱多啲歌，更祝方俊演唱會good show。另外，音樂會嘉賓還有方麗盈、王美蘭及神秘殿堂級天后，門票在3月8日公開發售。

茶餐廳遇到粉絲爭相拍照。

方俊近期忙於新歌及演唱會宣傳未能前往探望偉文，日前方俊相約偉文茶敍，偉文威迫方俊演唱會一定要做到最好，叮囑完後笑逐顏開，非常高興！