近日一連兩個颱風襲港，冒雨趕上班的打工一族自然早有準備，否則回到辦公室濕身濕腳坐足一整天實在吃不消。有網民於討論區發文指，平日十分貪靚的女同事，因為打風緣故而改穿T恤、拖鞋等輕便的裝束，惟此舉卻引起該網民的不滿，批評女同事穿著隨便，「有少少師奶味」，帖文引起網民熱論。
資料圖片
該網民於「香港討論區」發文指，日前打風回公司上班，見到平日即使戴口罩都會化妝、穿着整齊的女同事一改衣著風格，變成穿T恤、短褲及拖鞋，樓主更形容「著到好求其，有少少師奶味」，坦言無法接受女同事穿著隨便，「雖然唔使見客又唔使見其他人，但你都著好睇少少呀」。
資料圖片
其後樓主好奇下問女同事為何改變了造型，對方解釋因為打風，故特意挑選輕便的衣著上班，下雨走路亦不怕弄濕。惟樓主卻對此甚感不解，稱即使下雨不穿高踭鞋，可以改穿波鞋，「但係都唔使著拖鞋返嚟㗎嘛，仲要啲腳趾又唔係靚」。
資料圖片
帖文引起網民熱議，有網民指改變衣著為人之常情，「打風落雨有得揀，點會著波鞋？嫌未臭過定未洗過鞋？著雨靴合理啲」，亦有人批評指，「公司無規定，員工著乜返工又關你事」；其後樓主回覆表示，「無規定都唔係要著到咁樣返工，公司都無規定唔可以着睡衣返工，咁又唔著睡衣返工？」。
資料來源：香港討論區
設計圖片
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
