《不可愛教主2.0》MV首播 Anson Lo要求加插追女仔戲份

女主角誕生。

MIRROR成員盧瀚霆（Anson Lo）的首個真人騷《神的女主角》已經播映完畢，教主與節目勝出者鍾咏諭(Karis)一起拍的最新MV《不可愛教主2.0》更於昨晚（19日）首播。

https://youtu.be/NMamGwirGTs

教主與節目勝出者鍾咏諭一起拍的最新MV《不可愛教主2.0》。

AL坦承今次有私心，想在MV中做主動。

Anson Lo透露拍《不可愛教主》是第一次有MV女主角，與陳漢娜有貼身戲份時非常緊張，有心如鹿撞的感覺，又坦承今次自己有私心，想在MV中做主動，有追求女主角的戲份。

約女仔打保齡球。

AL希望用自己的正能量去影響別人。

AL自讚有駕車天份。

Anson Lo又在節目中提及自己向來給別人的感覺都是充滿正能量，但其實亦會有壓力的時候，認為這個世界已經很多負能量，所以希望可以用自己的正能量去影響別人。至於負能量怎樣解決？就是跟媽媽傾訴。沒有車牌的教主在MV中有開車場面，Anson Lo笑言自己很有駕駛天份，因為他從小常常夢見自己開跑車，並贏出比賽。

《不可愛教主2.0》取景於「雲頂夢號」。

AL坦言與陳漢娜拍MV時，有貼身戲份非常緊張。

一眾神徒獲安排登上郵輪，到教主取景場地「朝聖」打卡。

《不可愛教主2.0》取景於「雲頂夢號」，昨日一眾「神徒」獲安排登上郵輪到教主取景場地「朝聖」影相打卡，一嘗「神的女主角」的滋味！「盧瀚霆國際後援會」會長Annie表示是次活動只有50個名額，但是收到逾千個報名，最後以抽籤決定參加人選。一眾獲選會員更特地準備了教主的人形牌、banner、教主卡通公仔等作打卡道具！

一嘗「神的女主角」的滋味。

但名額只有50位。

Anson Lo的首個真人騷《神的女主角》已經播映完畢。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。