娛圈事
柳柳粉們記得去打卡～
每逢有MIRROR成員有新作品和生日，Fans都會出錢又出力為偶像應援。昨日（20日）是柳應廷（Jer）29歲生日，「柳柳粉（Jer歌迷暱稱）」展開為期九日的藝術展，主題為「We walk through the dark」，意指Jer與歌迷互相陪伴和扶持，一起走過黑暗。會場更可購買紀念品，又設有「柳柳柳蛋機」，柳柳粉去到一定流連忘返。
阿Jer平時啲作品咁高質又有文青Feel。
而主人翁Jer昨日（20日）一早就到會場打卡，並於IG分享：「多謝你哋每一位......陪我Walk through the dark and bright，好開心有你哋每一位嘅出現，多謝呢份咁有意義嘅生日禮物。」又知道柳柳粉搞這個展覽不容易，為了報答柳柳粉，他除了親自到場欣賞展覽，又承諾會繼續做好音樂陪住大家。
View this post on Instagram
阿Jer牛一都去打卡，多謝柳柳粉一番心意。
阿Jer生日快樂。
Jer柳應廷高唱我行我素走我路！
由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。
柳應廷（Jer） 以怪誕造型拍新歌《筆觸男孩憂鬱之死》MV。
Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。
受導演添布頓影響。
堅持創作信念。
所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。
新歌高唱我行我素走我路。
既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」
Jer帶大家走入怪異世界。
添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」
Jer以怪誕造型演出。
