東鐵綫12卡車早前逐步換成9卡列車，車廂設計備受議論。有女網民於討論區發文指，她乘坐港鐵時，鄰座剛好遇上1名身形肥胖的男子，認為對方有「抽水」之嫌，「佢條腿黐實我條腿」，直斥「明知自己肥都坐9卡車2人位！」，又批評港鐵雙人位設計欠佳。
資料圖片
該名女網民於「香港討論區」發文訴說，指現時東鐵綫9卡列車的雙人坐位擠迫，形容「2個女仔坐啱啱好，如果男人坐要好瘦先得」。她憶述當日乘坐地鐵時，找了一個雙人位坐下，稱「本身都只係啱啱好坐到一個位」，及後一名身形肥胖的男子進入車廂，坐在其身旁一個空位，「佢一坐落嚟就逼到我好辛苦」、「已經過界，條腿黐實我條腿」。
資料圖片
樓主續指，由於該名男子往後坐靠椅背，最後她只能坐半個位，並質疑對方疑有「抽水」之嫌，「擺明想抽我水」，又斥對方明知自己身型肥胖也堅持要坐雙人位，「黐實晒咁，坐得好唔舒服！」。
資料圖片
帖文引起不少熱議，有網民亦認同9卡列車的雙人位太狹窄，「新車廂設計係有啲問題」、「如果繁忙時間我寧願選擇企喺度，都唔會坐呢啲位」；亦有網民建議樓主可選擇離開座位，而非在網上指責該名男士，「抽水非禮你可以唔坐可以報警，大家都係畀咁嘅錢，點解肥唔可以坐？」、「樓主自己諗多咗？既然坐得唔舒服，點解唔起身行開呢？」。
港女批東鐵綫9卡列車雙人位太窄，更懷疑鄰座男子有「抽水」之嫌。資料圖片
資料來源：香港討論區
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
