由國泰機組人員引爆的Omicron本地疫情越滾越大,原本就見曙光的通關再度遙遙無期。工聯會立法會議員麥美娟昨晚(8日)在Facebook開live狠批運輸及房屋局局長陳帆和其他政府官員抗疫不力,累死香港。
麥美娟表示,最應該為今波疫情負責的人,就是陳帆,直言「一講起我就扯火」。她批評,早前第三波疫情就係因為陳帆向特首提出豁免船員,結果成班海員周街走,令到病毒在社區傳播。
麥美娟指,今次第五波疫情,又係關陳帆事。她直斥陳帆容許國泰貨運機組人員豁免檢疫,只需居家隔離,結果不少機組人員為免檢疫14天,「客機去、貨機返」,導致病毒在社區傳播。
麥美娟續稱,本港若無爆發這波疫情,與內地應可於下星期或農曆新年前通關,惟現時通關無期,令不少跨境家庭等待兩年多仍未能與家人團聚。「一路以嚟中央唔畀我哋通關,一路唔信香港,係話我哋做唔好外防輸入呀嘛」!
麥美娟直斥陳帆「You are nice guy but 你累死香港」,「對唔對得住香港人,係咪離晒譜啊」!她更批評現時的常任秘書長經常隱形,有事只懂躲在局長背後。
對於多名政府官員、立法會議員在疫情下,仍出席港區人大代表洪為民的生日派對,麥美娟稱批評政府官員未有向市民誠懇道歉,「個個最叻玩割席」,又指政府班子就抗疫工作不團結,「我睇唔到啲特區政府官員有齊心抗疫,淨係睇到佢哋玩內鬥,搞宮心計,我哋香港人真係好可悲」。
如今第五波疫情來勢洶洶,麥美娟直指,各行各業捱咗好耐,結果臨到過年又搞出疫情,她要求政府立即全民檢測,壓制疫情進一步擴散,「唔係全部香港人坐喺度陪你等死」!
Ariel
** 博客文章文責自負,不代表本公司立場 **