農曆新年將至，又是已婚打工仔向同事派利是的時候。不過，有網民指公司一名已婚男同事申請年初四放假，一直放假到年初七，更自爆是妻子故意要求，避免要向未婚同事派利是，令事主不禁覺得此舉好「核突」！
有男網民在「香港討論區」發文，指公司一名已婚男同事在去年農曆新年後入職，上月底已申請年初四（2月4日）放假；由於今年農曆新年初一至三為星期二至四，初四請假即可「連放6日」，直至年初七（星期一）才上班。
設計圖片
事主日前查看月曆發現該名男同事請假，便多口詢問原因，追問「係咪為咗放多幾日假呀？」怎料對方竟自爆只為避免派利是，「（佢話）純粹因為佢老婆唔想派利是畀未結婚同事，所以叫佢攞假，到星期一返工嗰陣都已經初七（2月7日），唔使再派利是」。
其後有人問該名男同事，之前在其他公司任職時，是否同樣會為了避派利是而請假，對方直認不諱，又指「之前冇疫情就會去旅行，連親戚朋友啲利是都可以慳返」。
設計圖片
事主指該名同事並非上司，本來亦沒預計對方會派利是，直言「大家咁高咁大，派唔派都冇所謂啦」，但不禁形容對方的妻子「核突咗囉」，又認為派利是一份心意，應在心甘情願的情況下派，「派唔派都係心意，講真大家都係同事，都唔好意思收佢嗰封。心意嘅嘢，派要派得心甘情願，好多人都係有著數先會同你講嘢」。
設計圖片
帖文引起網民討論，不少人都批評該名男同事「唔識做人」，「做人做到咁，真係冇乜意思」、「一封利是都係十蚊廿蚊，咁都唔X派，你唔係窮到咁下話？」、「其實唔派都無所謂啦！講埋出嚟好似肉酸咗」。不過有人認為此舉並無不妥，「其實派唔派有咩好講，我以前公司有幾個同事，從來唔會派，大家講句恭喜發財，開開心心就得，個100幾十有咩緊要」。
亦有網民對派利是文化感到困惑，「我覺得現在派利是有時候好尷尬？究竟係已婚要派畀未婚，定係級別高派畀級別低？已婚人是否要派畀未婚上司？未婚人又是否要派（畀）已婚下屬？」
資料來源：「香港討論區」
有網民就指，公司一名已婚男同事申請年初四放假放到年初七，更自爆是妻子故意要求，避免向未婚同事派利是。網圖（示意圖）
