防維基博矇　無記一劍封喉

無綫出招話不再續租發射站予王維基的香港電視，維基當無事，還說按法例無綫要租發射站給他們，表面看港視大條道理，無綫無理阻人前進，但細看雙方爭拗焦點，發現內裏有文章。

 

外界見無綫這樣搞，首先以為無記講錢，因為過往它平租發射站給中國移動，現在可能大幅加價收番市價。其次以為無記為搞而搞，有理無理拖吓對方時間。

 

不過向工程界人士了解一下，發覺事情沒有這樣簡單。中移動香港原本租用無綫六個山頭的發射站，將微波電視訊號轉各地區，讓區內的人可以用手機等移動裝置看到流動電視，問題是王維基利用無綫的發射站，是否單做這件事呢？

 

若然只做中移動過去做的事情，只將山頭發射站的訊號透過大廈頂的轉發器，再發射到用戶手機上，這是老實的做法。博矇的做法是加強大廈頂轉發器的功率，由過去中移動用的較弱的CMMB制式，轉用較強的制式，如港台試用過的E-DTMB制式，那樣除了街上用戶可以收到，大廈內的用戶若有數碼電視或智能電視，也可以直接收到港視的電視訊號。

 

到底王維基揸住個流動電視牌，會用老實抑或博矇的方式做，真係無人知喎。

王維基在宣布搞電視時話，會搞流動電視及 OTT (Over-The-Top) 及流動電視服務，話總之可以入屋，但他沒有具體解釋如何入屋。若以中移動香港本來用的老實方式做，租用無記的發射站只用弱功率射俾街上的手機用戶，要入屋只能叫用戶裝機頂盒收互聯網傳來的訊號，要用戶屋內已有上網服務才可收到，而且若用戶只用低價的上網計劃，網速很慢，接收廣播式的電視訊號可能好「窒」，簡單講能幅蓋到並清楚接收到訊息的入屋用戶數目會打較大折扣。結論是搞過界啲加大功率用微波直接入屋的誘因不低喎。

 

外界以為無綫無嘢搵嘢玩，怕去通訊管理局，其實剛好相反，它想將件事搞去通訊管理局，去劃清楚港視用發射站轉發微波訊號的用途，是射俾街上用戶還是入屋，「若射入屋仲唔係廣播？這等如無牌做免費電視喎。」另外有個相關議題，過去流動電視由電訊條例監管，即是無監管，但其他電視台受電視條例監管，即使入是酒房提供的電視節目服務，或者5000個以下用戶等都要領牌先可以提供電視節目服務，如果多過5000就直頭要攞免費、收費或衛星電視牌，全部要受電視條例規管，無記一定會問，若港視射訊號到屋頂直接入屋，一定不止5000人睇到，為何不用受電視條例監管？

 

無記是防止維基博矇，所以停租發射站，先來一招一劍封喉，叫對家坐低慢慢傾啦。

 

盧永雄

由《聲秀》十六強學員包括馮熙燮、柯雨霏、胡子貝、張津銘、徐惠晴、布子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬一起參與的「《this is OUR STAGE》聲秀畢業演唱會」，將於2026年1月18日晚上在麥花臣場館隆重舉行，因為今次是眾學員首度在一個演唱會的舞台上表演，他們也非常重視和導師在台上一起演出的珍貴時刻，於是他們向監製提供了不少想法，看如何能把這個畢業演唱會做到最好。大會特別以導師和學員為主題設計專屬海報，一公開便好評如潮，大家也覺得非常有紀念價值。

冼奕瑜、導師鍾舒漫、司徒泆的

一眾導師也非常期待再次和學員合作，剛開完個唱，布子殷、胡港豐同蕭凱恩的導師譚耀文表示：「記得初初對於我俾佢哋有關要交功課，同埋練習指令嘅回應同速度上係有少許散慢，加上對舞台知識同比賽準則又未係咁清楚，而佢哋又同時保存住佢哋自己嘅舒適圈，但後來經我費心費力再三叮囑下，佢哋終於知道要增加自己嘅競爭力，就必須要有改變同突破，同埋要跳出自己嘅框框，之後就知道台上1分鐘、台下10年功呢個真理。」阿譚續說：「每一次我都好享受和珍惜有機會同自己嘅學員一齊演出，尤其是今次係佢哋完咗比賽之後，首度正式踏上屬於自己有份嘅舞台去表演，當然為佢哋高興，我能夠同佢哋一齊參與，感到非常驕傲。」「我亦希望藉住呢個機會令佢哋緊記感恩呢回事，因為而家只係佢哋剛開始踏上銀色旅途，日後仲有好漫長嘅路途要走，所以希望佢哋學會時常記住每一個曾經幫助過佢哋嘅人，這樣日後才會成為一個真正傑出同成功嘅藝術家。」

林潔心、導師劉浩龍

冼奕瑜和司徒泆的導師鍾舒漫回憶說：「初初同學員相處，到比賽完畢之後，覺得他們心態強壯了，能應付的事情都多了。比賽過後非常想念大家一起緊密練習與溝通的日子，因爲這次的演唱會，又再次能夠一起進入排練到上台的過程，心裏充滿期待，而且現在的默契與感情深厚了很多，再次表演相信會更加投入與精彩。」Sherman非常貼心提供一些心得給日後想參加比賽嘅朋友：「首先要習慣係唔同嘅環境聽自己嘅聲音，變咗現場音響各方面有咩問題都唔會影響唱嘅狀態；如果係屋企練習時要幻想自己對住好多觀眾唱，直至感覺自然，到現場真係表演嘅時候就容易適應壓力，最後就係唔好諗咁多。」

身為林潔心的導師劉浩龍說：「我覺得成班學員可以喺三個月裏面，真係由一張白紙，用一個極速嘅時間去變成咗另外一個人，呢件事係好奇妙！對我嚟講係十分期待同學員係一個演唱會上面嘅舞台一齊表演，因為教林潔心就教咗好耐啦，但一齊合唱真係從來都未試過，所以好想同佢可以喺台上有一個一齊嘅回憶！」「有乜嘢意見可以俾想參加比賽嘅朋友？我嘅意見係要諗清楚，係咪真係想認真去面對自己，係先好去參加這類型嘅比賽！真係唔好諗住玩玩吓咁樣去比賽！事關無論導師，工作人員全部人都係百分百投入認真對待呢件事，所以態度真係好緊要！」

胡港豐、布子殷、導師譚耀文、蕭凱恩