邵六叔係娛樂大亨，捧星自有其慧眼，單看他在邵氏的年代捧紅幾許紅星，就知他在娛樂圈獨具慧眼。
曾在無記任職者話，邵氏年代的男女紅星，我輩印象不深，但無綫的藝人，甚至無記新聞部讀新聞的主播，大家印象就會深啲，其中一個最經典的是而家新聞部大佬花哥(袁志偉)，佢就係俾六叔睇中，大力捧紅。
花哥做主播的時候，甚有觀眾緣(那時還叫花仔)，佢除咗靚仔之外，仲有過人之能，其他主播係讀稿，睇住鏡頭下面一個鏡位反映出來的提示字幕照讀(那個提示設備叫autocue)，但花哥有過目不忘的本事，根本係記得要讀的內容，不用睇autocue，所以講得流暢自然，唔似睇字幕的主播有點「眼坦坦」的感覺。花哥還有一樣特殊技能係做直播，不理要等幾耐，只要畫面不停，他也可以照講如儀，絕無冷場。
邵六叔肯定有娛樂圈用人的直覺，所以這樣睇好花哥，力捧他做師奶殺手。不過花哥也曾有失意的時候，話說有一段時間當時新聞部的總監吉叔(黃應士)離巢，由鄧惠鈞和曾景安主政，花哥和新老細行得好埋，到後來吉叔再回巢掌政，一度想炒花哥，但是六叔親自出力保佢，結果吉叔只能叫花哥坐埋一邊，轉去搞咗一輪新聞透視，但保住個位，之後才可以敗部復活。
六叔識得睇人，先至捧得出明星來。
巴士的團隊
Ariel
** 博客文章文責自負,不代表本公司立場 **
一過新年，新聞旋風一個接一個，仲吹到來新聞界，明報總編輯執位，現時的總編輯劉進圖將會調走，有一位馬來西亞的鍾姓資深報人接任。
呢個消息在新聞界都幾震撼，劉進圖在明報做咗十幾年，去年先接替前老總張健波的位。聽聞年底前公司管理層已知會劉，有人會接替他做老總，他將調往其他部門本主理新媒體及電子書出版，言談間劉傾向於接受安排，但亦未正式應允。而有劉進圖的友好亦透露，他曾表示想多啲在新媒體領域發展。
之後劉進圖放大假離開香港去旅行，本應放假到周二(1月7日)先返工，但今日就返到公司，並在下午與採主級人員開會，通知咗大家公司的決定，據聞他話都冇獲知會職位調動的原因，但他心情並冇異樣。
消息一出，同事都感到震驚，接任人亦沒有正式通知，只知道是馬來西亞姓鍾的資深傳媒人，有記者擔心馬來西亞人對香港不熟悉，亦憂慮編輯方向會有變。至於近期劉與編輯部高層在工作上出現不協調，調職與辦公室政治有關。
總編輯是重要職位，但仍難免會有變動。明報曾經歷多次總編輯的轉變，編輯方針始終如一，並不會因人事變動而有所改變。
有關安排一有最後決定，我們會再作公布。」
馮專員出動
馮煒光出任特首辦新聞統籌專員，唔經唔覺已經差不多四個星期，比起由傳出委任到正式上班期間，各種花邊新聞炒到熱熱鬧，反而上班以來出奇地平靜。
不過做得特首近身新聞官，照計唔會冇嘢做，聞說最近他已頻頻約見傳媒中人，聽講話約食飯的日程已經排到密密麻麻，連晚飯時間都要開工。
咁返工三個幾星期，馮專員到底忙啲咩呢，話說元旦遊行期間，特首梁振英就更新網誌，在禮賓府草坪請來一班小特首茶聚傾吓政事，仲爆出一句「希望在將來的教科書上，能提到普選是他任內實現的」，早過政府發言人對遊行回應出街添，而今次的網誌仲上載埋Video，片段中不單見到馮專員在鏡頭前間中出現吓，在場打點，據聞馮專員就向外暗示，梁特首的呢一招變身V Blogger，就係新任專員參與籌辦。
唔知新任專員在今年的施政報告上，會唔會又搞啲新意思，助梁特首推銷報告呢？
巴士的團隊
