點樣輸掉一千萬

逢年過節，朋友聚會，都會談起來年投資，雖然無乜人知我係陸羽仁，但都有好多人問我對投資的看法。有一個朋友我叫佢做「漏水王」，所有「水」都會從佢荷包漏走，堪稱經典中的經典。

漏水王好喜歡問股票冧巴，年年如是，愈問愈忘形，而家仲非要升100倍的冧巴不可，話要搵一隻5蚊時的騰訊(700)喎。我講講吓，近年都唔敢再對佢講任何冧巴。

漏水王係一個學歷超高的專業人士，收入穩定，起碼6、7萬一個月，年近半百，個樣好樸實，為人好善良，左睇右睇都應該係一個富婆，但我估佢身家和收入不相稱，係好少那種不相稱，佢連樓都無，主要身家係一籮雞股，數目多極有譜。

10幾年前漏水王已經有兩間樓(加埋出出入入的數目更多)，一間九龍地鐵上蓋屋邨新樓，一間香港灣仔舊樓，如果揸到今天，唔止1000萬，我估值1100、1200萬都有。可惜，佢買樓好短癮，炒出炒入，賺少少或輸少少就閃，早就沽晒兩間樓，如今兩手皆空。

漏水王愛炒股，成日望一朝發達，手上兩隻中型毫子股，百利保(617)和中芯(981)，中芯好啲，百利保差啲，夾埋無乜大作為。即使中芯升咗啲，對佢都無大幫助，因為佢0.6元買，佢想中芯變60元，所以中芯起到1元佢唔會沽，跟往去番0.6元時佢又嘈。

漏水王係一個好會嘈的人，佢早年同一間台灣銀行買咗隻ELI(股票掛釣票據)，國壽(2628)跌穿42元就要接貨，佢用200萬買，後來國壽大插，佢接到成手國壽，輸咗錢(如今國壽20元)，佢見買咗買雷曼迷債有得賠，問我好唔好同銀行打官司索償? 我話雷曼迷債事件政府被投訴監管不力，政府逼銀行賠。但你同其他銀行買ELI，點會有得賠? 你告銀行佢實同你打官司，一上高院律師費都要幾百萬，真係想找死才去告銀行。

漏水王就係咁，亂諗嘢，坐唔走，炒出炒入，成日想攞個冧巴一朝發達，結果一事無成。佢若正正經買樓坐住唔郁，或者買大股坐住唔郁，十幾廿年做嘢積埋都有過1000萬，叻少少投資都有2000萬，但佢就炒來炒去得個桔，佢胡亂炒作，起碼唔見過1000萬。

性格決定命運。唔想做另一個漏水王，第一要儲錢，第二要坐定定投資，買股收息，複式增值，唔好望買中百倍股，望一年有10%以上回報，咁樣十零廿年就上岸啦。

後記:「漏水王」揸咗好耐的中芯(981)，1月開始由0.6元炒上0.8元，農曆年間有消息流傳，話隻嘢業績幾好，炒緊轉勢，估計業績公布前還有一浸炒作。

陸羽仁已開設Facebook專頁，快啲去Like：

https://www.facebook.com/pages/%E9%99%B8%E7%BE%BD%E4%BB%81/204865603047048?hc_location=timeline

陸羽仁

** 博客文章文責自負,不代表本公司立場 **

港股反覆偏軟，大市成交淡靜，業務前景亮麗的中芯(0981)也跌到近40元，陷入一個好股越買越跌的處境，普通股民不易頂得順，不少人開始問有沒有一些具備穩定現金流與派息能力的防禦性股份，華潤醫藥（3320）可以考慮。

華潤醫藥現價徘徊4.6元水平，市值290億，往績動態市盈率僅約6倍，動態股息率5.2厘，市賬率更不足0.5倍，在跌市中為資金提供了一個相對穩陣的落腳點，你起碼不用膽心公司執笠，即使股價大跌都有息收。

華潤醫藥是中國領先的綜合醫藥集團，業務覆蓋製藥、醫藥分銷及藥品零售3大板塊，按收益計為內地第2大醫藥製造商及第3大醫藥產品分銷商。旗下擁有「999」、「東阿阿膠」、「雙鶴」等家喻戶曉的品牌，產品組合涵蓋化學藥、中藥、生物藥及營養保健品。集團分銷網絡覆蓋全國28個省級區域，客戶數超過26萬家；零售藥房網絡亦是內地最大之一。這種「製造＋分銷＋零售」的一體化結構，令其收入來源分散於產業鏈多個環節，單一業務的波動不易動搖整體基本盤。

從最新業績看，華潤醫藥在行業逆風中仍交出平穩的成績表。2026年上半年，集團收入達1,345億元（人民幣，下同），按年增長近2%；純利21.9億元，按年增長5.3%。更值得留意的是，中期每股派息0.087元人民幣，派息額按年增幅達21%，派息比率進一步提升，可說是逆市增派息。

睇對上一個業績期即2025年全年業績，華潤醫藥收入2,696億元，按年增長4.6%；純利40.5億元，增幅20.7%，經營性現金淨流入更超過200億元。雖然2026年中期利潤增速5.3%，較2025年全年放緩，但考慮到行業整體面對藥品降價與需求調整的壓力，集團仍能維持盈利正增長並同步提升派息，已充分反映出其業務的防守韌性。

現價4.6元計，華潤醫藥往績市盈率約6倍。在跌市中，低估值意味著下行空間相對受限，而高派息則提供了持有期間的現金回報，兩者共同構成「退可守」的基礎。

華潤醫藥半年圖

與此同時，華潤醫藥並非完全缺乏增長看點。雖然近期製藥板塊受行業周期影響收入略為回調，但過往板塊收入曾錄得雙位數增長，且集團持續推進併購與創新產品引進，保健品等細分領域仍保持雙位數增長。分銷網絡的規模效應與零售板塊的擴張，亦構成難以被取代的護城河。一旦市場情緒回穩或行業政策壓力緩和，其估值存在明顯的修復空間，這便是「進可攻」的一面，可以候低吸納，它不會是大升的股份，但在跌市中抗跌力亦較佳，適合風險胃納較低的投資者。