習握手顯示力挺

習大大旋風過訪澳門，留下不少和香港相關的印記，除了講話經常不忘港澳兩邊一起講，順便贈香港幾句之外，昨日還演一齣「習握手」的好戲。

話說昨日習大大出席澳門新一屆政府就職禮後，特別走向坐在第一排的特首CY及夫人唐青儀面前，與兩人握手之後才離場。

無綫新聞截圖

習近平上周五在澳門接見CY，未有安排傳媒採訪，只有新聞處發相；由於此行主打澳門，習、梁當日會面約10多分鐘，只屬禮節式會面，要等CY下周上京述職，CY才再向大老細詳細匯報佔中後香港的形勢。

習大大上次在於亞太經合組織會議期間接見CY時被指「笑容欠奉，鮮有交流」，跟著好多評論大作文章。高人話，好多本地評論員都係睇媒體要乜就講乜，你想話CY唔掂，佢就講CY唔掂，並唔係客觀分析，所以上次就出現「笑容欠奉，鮮有交流」的講法，其實領導人日理萬機，對住香港特首當自己人，只是正常表情無乜造作而矣，但就被用作諸多分析。

高人話，估計習大大都注意到上次的評論，今次來一個眾裏尋他兼大力握手，又睇吓你作乜故仔。其實中央撐CY完成這兩年任期已不是新聞，問題係佔中之後，係唔係增加咗CY連任的機會。習大大今次話「特區政府和警隊恪盡職守，勇於擔當」。中央過完佔中要考慮的是，換咗第二個人做特首，遇上同一局面，敢唔敢擔當，都係一個問題喎。

Ariel

** 博客文章文責自負,不代表本公司立場 **

習大大今早出席慶祝澳門回歸15周年大會，以及第四屆澳門政府就職典禮。佢好明顯睇住香港早前佔中來講，再講國家安全，依法治港，依法治澳。

習大大最關鍵的一段話係咁講:「“一國兩制”是國家的一項基本國策，繼續推進“一國兩制” 事業，必須牢牢把握“一國兩制”的根本宗旨，共同維護國家主權、安全、發展利益，保持香港、澳門長期繁榮穩定；必須堅持依法沿港、依法治澳，依法保障“一國兩制”實踐；必須把堅持一國原則和尊重兩制差異、維護中央權力和保障特別行政區高度自治權、發揮祖國內地堅強後盾作用和提高港澳自身競爭力有機結合起來，任何時候都不能偏廢。只有這樣，才能把路走對了走穩了，否則就會左腳穿著右腳的鞋——錯打錯處來。」

習大大呢個著錯鞋的比喻，用香港的說法，就係唔好著錯鞋，否則會仆死，叫大家要睇路呀。

香港有啲人成日想換特首，佔中之後，換特首的機會唔係高咗，係低咗。你睇習大大昨日見特首CY時的評價就知。習大大話，特區政府和警隊恪盡職守，勇於擔當，使香港當前形勢有所好轉，中央充分信任和高度肯定梁振英和特區政府。

習大大呢句「勇於擔當」，評價極高。高人話，習大大覺得CY係硬骨頭，先至頂得順咁艱難的局面。