政府要求立法會參選人簽署確認書，確認擁護《基本法》 中香港屬中國不可分離的部份等反對港獨的條文， 呢個做法明顯係針對鼓吹港獨的激進派，但民主黨班後生仔候選人就加入拒簽確認書。
政壇高人話，選舉唔係請客食飯，係你死我活的鬥爭，由於泛民和建制的票源分開，所以好多時出現建制同建制爭， 泛民同泛民爭的場面。過去很多選舉論壇，激進泛民都係針住公民黨、民主黨候選人去隊， 唔花力去針對建制派。
佢話簽確認書一役，又見到邊個古惑，邊個戇居。在激進派中， 熱血公民港島參選人鄭錦滿雖然支持港獨，但話明會簽署確認書。但傳統泛民陣營中，民主黨林卓廷和許智峰都無簽確認書， 批評確認書「畫蛇添足」。
高人拆局，政府都未開牌，點知會唔會公然表態話不簽確認書不批准參選，唔順就唔該去司法覆核。連本土民主前線梁天琦都話司法覆核贏面細，政府咁玩唔出奇。熱血公民的策略係有理無理簽咗確認書先，你唔可以唔俾我參選。但民主黨班年青人唔簽，到時政府話唔俾選難道又死死地氣去簽呀？
高人話，民主黨後生仔想玩激進，但點激進都唔會支持港獨， 呢壇確認書根本唔係針對佢地，跟人嘈有乜著數？講衰啲若政府真係行硬，唔簽確認書唔俾參選，取消部份激進候選人資格，少了人搞局，民主黨贏面其實就大了。你話如果司徒華華叔仍然在生參選，佢一定係口就鬧，手就簽， 最好你本土派唔簽，少幾個人爭位。點會好似而家咁，自己玩自己。
高人話，特區政府以台灣之鑒，民進黨打正旗號台獨去參選，國民黨總統李登輝因為個心偏向台獨，讓他們去選立委，後來選埋總統，結果成就了「台獨」政治現實。阿爺唔會俾香港行到呢一步，所以先以確認書封殺，也警告個個政黨都俾水支持的商界，唔好支持港獨派。
Ariel
** 博客文章文責自負,不代表本公司立場 **
屯門市廣場昨晚（15日）發生驚心動魄一幕。一名有黑社會背景及毒品案底的34歲越裔男子，闖入DONKI超市，奪刀逃走，其後挾持一名女途人準備揮刀施襲，警員於千鈞一髮之際，開槍制伏該名男子，將女途人救下。
然而，事發之後，在香港社交媒體上反而有人質疑警員「打手打腳唔得嘅？」「有冇其他方法可以避免事情走到呢個地步？」
閉路電視畫面顯示刀手挾持女途人準備施襲。
反觀有關閉路電視畫面，在台灣媒體轉發消息後，在台灣網上掀起熱議，不少網民對香港警方的反應速度與處置手段大加讚賞：「保護自己及市民，應該果斷執法，做得好」，也有網民忍不住「反觀台灣」：「這才叫危急處置」、「台灣3個小時還在拿警棍找人」。
高人話，睇返成個過程，死者先係手持利刃在行人如鯽的公眾地方徘徊，無視警方警告及射胡椒水劑，更挾持無辜途人欲揮刀施襲，電光火石間刀刃已經接近人質頸部。當下如果警方沒有果斷開槍，人質性命堪憂。正如有網民坦言：「個犯如果下一秒手起刀落，挟持個個係你，你會唔會咁講？」
高人提醒，這種質疑並非只是冷氣軍師隨口講下，要警惕有人刻意利用社會對事件的關注，有意用偏頗失實的訊息去煽動反政府。而這種「軟對抗」的操作，其實一直都係「伺機而動」，即使毫無理據都會搵位入。
再看看，早前有人惡搞AI圖質疑「防撞柱」，又係一個好典型的「軟對抗」操作。
銅鑼灣崇光百貨一帶人流密集，尤其大時大節或有活動在維園舉行時，更是人頭湧湧。政府計劃在崇光對出安裝汽車防撞柱，以防有汽車誤闖行人路意外，又或「有心人」利用汽車作攻擊手段，故意衝撞人群，但就有人用AI整圖惡搞，惹起網民揶揄，不滿政府相關計劃。
早前《巴士的報》委托專業民調機構，了解市民對「軟對抗」的看法，結果就顯示，逾6成市民表示不認同，而且認為政府要認真打擊有人利用「軟對抗」去煽動市民作出激進甚至違法行為。而有超過5成市民認為，對社會傷害最大的「軟對抗」媒介是假新聞、假消息或者偏頗的報道，其次是網絡及社交媒體。
