梁頌恆話睇過以前案例才宣誓 點解今日話唔得？

梁頌恆可能早已對官司打定輸數，今日下午無去高院睇判詞，去咗樹仁大學演講，聽梁仲恆。佢話睇過以前案例後，才決定點宣誓，總之前後不能加，讀晒全篇。「我哋照做，讀法同以前啲人無分別，點解今日話唔得？」

梁頌恆又講到自己前路問題，話議席非最重要，法庭判決更重要，因影響可見將來憲政文明可否維持，希望判決保護到香港的憲政文明(他演講時未知宣判結果)。他做好應付對方上訴及自己上訴的準備。但錢未準備好，未找律師數，要30、40萬。無論幾多，都打落去，因影響未來幾十年。

梁演講途中主持告訴他判決結果，他說感覺平靜，要維持對權力的制約。又話對新政組織無影響，身無一物，有議席有錢做多啲，無都無問題，同以前做一樣，路線不變。

有在場聽演講的「大人」，認為梁頌恆話睇過以前案例才去宣誓，是一種「細路想法」。首先他睇案例研究讀誓詞的方法，本來就是想逃避誓詞要求效忠中國香港，本意已不想真誠宣誓。其次是以為前後不加就無問題，但梁、游又講粗口，又講支那，講到如此過份，又展示「Hong Kong is not China」橫幅，點解仲覺得無事？

Ariel

** 博客文章文責自負,不代表本公司立場 **

長和及長實資深顧問李嘉誠已經97歲，外界好關心佢健康，今日有記者打聽誠哥消息，甚至去港怡醫院等候。不過Facebook帳號「葉朗程」就發帖，叫記者早啲返屋企休息。

近照顯示李嘉誠（右）手舞足蹈與朋友討論醫療科技突破。「葉朗程」Facebook圖片

「葉朗程」公布一張誠哥新鮮滾熱辣的近照，相片見到誠哥手舞足蹈與朋友傾計，「葉朗程」話，「李生趁天氣冷打邊爐，再跟朋友討論某項醫療科技的重大突破」。葉仲話，雖然誠哥今年97，但點睇都最多80啫。

相片中誠哥的朋友，似係著名腸胃肝臟名醫許偉武，佢亦係香港肝壽基金董事局副主席。

睇來誠哥仲相當精神，仲好關心醫療科技的最新發展。