財爺北京會遇紅燈

這兩天財爺曾俊華是否參選再度惹起關注，講到佢競選班底亦已成形，並已邀請一位前女高官出任競選辦主任云云。

這又是一個「只聞樓梯嚮」的局面。樓梯嚮完，見不見有人走上來，關鍵還是看阿爺的態度。街外又傳出一個「黃燈論」，話阿爺過去對財爺參選的態度，既不是支持的綠燈，也不是反對的紅燈，只是不太鼓勵的黃燈而矣，若然只是黃燈， 財爺都會去馬。

曾俊華本周日將會上京，已約見港澳辦主任王光亞。曾俊華極可能會借今次訪京機會，親自向中央官員表達辭職參選的意願，了解中央的態度。有些人更講到財爺會在北京馬上宣布參選。

政壇高人話，先不論在北京宣布參選是否合適，但財爺見光亞叔的場口，就不會遇上所謂「綠燈」甚至「黃燈」，佢會遇上「紅燈」，至於財爺係唔係見到紅燈仲夾硬過馬路，就要佢自己諗啦。

高人話，無論誰當特首，若無中央支持，將會寸步難行，遇著紅燈若然唔識繞路走，就唔係聰明人啦。

Ariel

** 博客文章文責自負,不代表本公司立場 **

大廈管理係民青局今年重點工作之一。有見部分舊式單幢樓宇或「三無大廈」因為單位數量不多、財政資源不足，難以獨自聘用專業物業管理公司協助執行日常嘅大廈管理工作，真係長久以嘅「老大難」問題。

但政府迎難而上，採取更積極主動嘅方針，民政事務署喺去年就推行「聯廈聯管」試驗計劃，協助業主共同聘用同一間物管公司聯合管理大廈，攤分管理費用，咁就可以用較平嘅管理費，獲得基本大廈管理服務，從而改善管理同居住環境。

民政事務署喺去年起推行「聯廈聯管」試驗計劃，協助單幢樓宇聘請管理公司。

「聯廈聯管」試驗計劃2025年6月1日率先喺油尖旺、深水埗、九龍城及荃灣區推行，由於試驗計劃初見成效，民政總署已於今年6月1日將此計劃正式擴展至全港所有有需要嘅地區，包括觀塘、荃灣、葵青、北區、沙田、大埔、元朗、屯門、中西區、南區、東區及灣仔等，為期一年，呼籲符合條件業主和法團善用政府為他們提供的計劃和措施，以可負擔嘅價錢改善居住環境。　

民青局局長麥美娟早前就喺荃灣民政事務專員區家盛陪同下，到荃灣同當區區議員、協助推行試驗計劃嘅地區團體及法團代表、住戶交流，了解試驗計劃嘅成效。

民政及青年事務局局長麥美娟早前就喺荃灣民政事務專員區家盛陪同下，到荃灣同當區區議員、協助推行試驗計劃嘅地區團體及法團代表、住戶交流，了解試驗計劃嘅成效，麥局長仲分享咗唔少推行「聯廈聯管」嘅實戰經驗。

麥局長話，第一期試驗喺單幢樓宇集中嘅區域，邀請地區組織接觸216幢目標大廈，當中110幢大廈已簽署參與意向書，當中71幢進行聯合招標，33幢已成功聘用物管公司實行「聯廈聯管」。

佢話，目標當然係愈多大廈參與愈好，事實上樓宇管理責任在業主身上，但她明白好多業主沒有咁多時間或相關知識處理，所以政府推出很多不同計劃，包括「聯廈聯管」試驗計劃及實行咗幾年嘅「大廈管理專業顧問服務計劃」等，希望協助業主組織法團，之後參與「聯廈聯管」聘請專業顧問公司，她希望各業主善用政府為他們提供的不同計劃和措施，做好自身大廈管理。

麥局長跟地區組織代表分享實戰經驗。

協助推行計劃的荃灣發展促進會主席王家文仲話，接觸咗該區75棟目標樓宇，其中有9棟參加，每戶每月管理費約150至200元，管理公司入場後，可以執行政府命令，還可組織法團開會，佢認為要成功令居民對計劃有信心係好重要，希望過去嘅成功經驗，可鼓勵更多大廈參與「聯廈聯管」。

高人話，政府推出「聯廈聯管」 計劃係重要嘅一步，除了居民居住環境更好,樓宇有適當管理，物業都保值啲，其中除了政府牽頭外，更重要係居民支持。