這兩天財爺曾俊華是否參選再度惹起關注，講到佢競選班底亦已成形，並已邀請一位前女高官出任競選辦主任云云。
這又是一個「只聞樓梯嚮」的局面。樓梯嚮完，見不見有人走上來，關鍵還是看阿爺的態度。街外又傳出一個「黃燈論」，話阿爺過去對財爺參選的態度，既不是支持的綠燈，也不是反對的紅燈，只是不太鼓勵的黃燈而矣，若然只是黃燈， 財爺都會去馬。
曾俊華本周日將會上京，已約見港澳辦主任王光亞。曾俊華極可能會借今次訪京機會，親自向中央官員表達辭職參選的意願，了解中央的態度。有些人更講到財爺會在北京馬上宣布參選。
政壇高人話，先不論在北京宣布參選是否合適，但財爺見光亞叔的場口，就不會遇上所謂「綠燈」甚至「黃燈」，佢會遇上「紅燈」，至於財爺係唔係見到紅燈仲夾硬過馬路，就要佢自己諗啦。
高人話，無論誰當特首，若無中央支持，將會寸步難行，遇著紅燈若然唔識繞路走，就唔係聰明人啦。
Ariel
** 博客文章文責自負,不代表本公司立場 **
