李超人一句「投給中央信任的人」暗撐林鄭 明插壹仔造謠

特首選舉尚餘一星期，長和主席李嘉誠下午出席業績記者會前，《壹週刊》出故仔贈慶，話「李氏力場發功」，指李超人密會曾俊華，「表明支持到底」。

李超人回應這個報道時笑指：「好多人話我同某位候選人見面，但其實我見到最多嘅係醫生」。(佢上星期腸胃炎)後來《蘋果日報》記者提問時，李超人突然打斷對方發言，指「你哋唔好再造謠，又話我同曾生頻頻開會，我其實係去睇醫生」。

李超人後來以「女媧補天」回應行政長官人選問題，認為行政長官候選人的民望固然重要，但與中央合作關係亦很重要，至於撕裂等人為因素問題都可以克服。

他再三強調非常看重與中央合作的關係，會投票予能夠和國家溝通、合作，能夠得到國家信任的候選人。

政壇高人話，睇完李超人如此嚴厲否認《壹週刊》報道，見到他話投票給「能夠得到國家信任的候選人」，都知他挺林鄭並無懸念了。

特首候選人還有胡國興。

Ariel

** 博客文章文責自負,不代表本公司立場 **

長和及長實資深顧問李嘉誠已經97歲，外界好關心佢健康，今日有記者打聽誠哥消息，甚至去港怡醫院等候。不過Facebook帳號「葉朗程」就發帖，叫記者早啲返屋企休息。

近照顯示李嘉誠（右）手舞足蹈與朋友討論醫療科技突破。「葉朗程」Facebook圖片

「葉朗程」公布一張誠哥新鮮滾熱辣的近照，相片見到誠哥手舞足蹈與朋友傾計，「葉朗程」話，「李生趁天氣冷打邊爐，再跟朋友討論某項醫療科技的重大突破」。葉仲話，雖然誠哥今年97，但點睇都最多80啫。

相片中誠哥的朋友，似係著名腸胃肝臟名醫許偉武，佢亦係香港肝壽基金董事局副主席。

睇來誠哥仲相當精神，仲好關心醫療科技的最新發展。