亞視六點新聞突然宣布，公司接到股東黃炳均及主要投資者王征通知，決定接受香港電視主席王維基的主要條件，出售亞視控股權。仲話黃炳均及王征將豁免亞視所欠大部分債務，而有關交易尚需得到法庭同意，及報通訊局批准。
呢單新聞都算爆，令亞視又再成為熱話。到寫稿呢一刻，港視仲未有回應。
有電視業界高人就話，事態發展都幾有趣，維基哥買亞視唔知條數係咪已經計清楚，之前通訊局已經建議唔續牌俾亞視，又搞咗咁多單欠薪事件，係咪一換老闆，政府就即刻轉態呢？
業界知情者話仲有條大數，唔知維基哥有冇預到，之前幾個月亞視鬧出糧荒，個個月係咁拖糧，後來搞吓搞吓又出到糧，背後無綫都有發功，除咗向亞視買咗700套黑白粵語長片同幾千小時的劇集(主要係當年受歡迎的武俠片)外，仲買埋亞視唔少儀器同器材，聞說過去幾個月，計計埋埋亞視都有成幾千萬收入係來自賣嘢俾無綫。
其中最值得注意係，亞視賣的資產中，原來包括依家用作轉播同發射訊號的多個山頭上的器材，例如天線、發射器。當年轉用數碼廣播，政府在山頭借啲土地出來，俾兩間免費電視台起發射塔，無綫同亞視有協議，各自負責在不同的山頭上起發射站兼提供埋器材，然後共用所有發射站來做轉播，起的時候亞視已拖欠資金，無綫為咗快啲可以用，已經借咗約2000萬俾亞視。最近幾個月因為亞視缺水，原來已經將呢啲山頭上的儀器賣咗俾無綫以換錢出糧。
業界高人估計，以無綫同維基哥的恩怨，維基如果真係買亞視，無綫都好大機會即係叫還債，呢啲都事小，有錢可以解決。但山頭儀器賣咗俾無綫就濕滯啦，依家無事無幹，無綫就俾亞視繼續用山頭上的器材作廣播。如果轉手俾維基哥，幾乎肯定無綫會即刻同你計清楚。就好似之前都試過維基哥買咗中移動子公司的流動電視牌，無綫即刻出信話中止之前租用山頭轉發站的合約，再慢慢傾過條件啦。
淨係呢關，維基哥都可能好頭痕，無呢啲山頭做發射站，都唔知點廣播，但依家山頭上的儀器已經賣晒俾對手，有排拆招啦。所以維基哥如果真係落實買亞視，前景都唔係咁清楚，小股民想入市博佢炒上，都係小心啲喎。
Ariel
** 博客文章文責自負,不代表本公司立場 **
《保濟丸130週年呈獻：中年好聲音4》本周日（11日）播出第七集香港賽區第三回，再度誕生3名5燈選手，以及多名4燈選手，絕對可以高手雲集形容。
本季年齡最大、現年74歲的林守常（林伯），演唱《憑著愛》。
太太多年來亦一直支持鼓勵，這次更為與老婆30周年而唱。
海兒對范子睿五體投地
今日（10日），官方宣傳率先公布第七集其中一名5燈選手的參賽過程及個人簡介。35歲的范子睿演唱《給自己的歌》時不但全情投入、且歌唱技巧高超，收穫評審一致好評，周國豐更封范子睿為今季「頭號殺手」：「本來李宗盛歌曲係必死無疑，但今季 100強入面唱李宗盛（嘅）係強到不得了。你（指范子睿）將人性唱咗出嚟，之前有好多『大魔王』，今季呢個係『頭號殺手』。」海兒大讚范子睿以歌說故事技巧一流：「五體投地。」張佳添眼見今季強者雲集，坦言非常期待：「今屆《中年好聲音》好睇，我覺得真係有得鬥，呢隻歌安雅希都唱過，佢好高分呀，但你仲多咗一份自己嘅野性喺入面」。台上的范子睿野性十足、台下的范子睿則是「愛妻號」一名，當他演唱完畢後，即在後台向太太送上「甜蜜錫錫」，相當溫馨。
72歲電影導演宋豪輝，演唱《明星》。
宋豪輝出身第2期無綫電視藝員訓練班，回港後執導《Beyond日記之莫欺少年窮》《富貴黃金屋》等。
宋豪輝出身第2期無綫電視藝員訓練班，回港後執導《Beyond日記之莫欺少年窮》《富貴黃金屋》等。
宋豪輝出身第2期無綫電視藝員訓練班，回港後執導《Beyond日記之莫欺少年窮》《富貴黃金屋》等。
早前官宣來自新加坡的「父女檔」參賽者郭哲宏。
范子睿現職流行聲樂教學工作
歌唱技巧高超的范子睿，曾學習流行鋼琴即興伴奏及流行演唱；在學期間經老師推薦前往北京深造，畢業後一直從事流行聲樂教學工作。現為廣東省流行音樂協會理事的范子睿，曾奪得第八屆中國音樂金鐘獎流行音樂大賽全國優秀獎，實力不容忽視。
第二位5燈選手，是35歲音樂老師范子睿，演唱歌曲是《給自己的歌》。
聽到肥媽好陶醉！
周國豐更稱范子睿為「頭號殺手」。
海兒表示：「This is story telling，五體投地。」
張佳添稱非常期待今屆《中年好聲音》。
肥媽：「一個溏心煨蕃薯。」
范子睿演唱完畢後，於後台與太太甜蜜錫錫。
今集另一集焦點，是共有三名Super Senior登場，除了在上一份宣傳稿提及的新加坡71歲參賽者郭哲宏，還有74歲林守常（林伯）（演唱《憑著愛》），及72歲電影導演宋豪輝（演唱《明星》），當中林守常更是今季Senior中年紀最大一位，表現值得期待，林守常透露選唱《憑著愛》是因比賽當日適逢是與太太結婚30周年，相當感人；而林守常自中學起已與同學夾Band玩音樂，更玩勻主唱、伴唱、鋼琴、鼓、色士風及結他。至於宋豪輝，則出身自第2期無綫電視藝員訓練班，曾為無綫及麗的藝員，1978年曾前往美國修讀電影，其後出任TVB編導，回港後執導過《Beyond日記之莫欺少年窮》及《富貴黃金屋》等，並曾編導由商天娥及已故巨星張國榮主演的《儂本多情》等。
