博士學位關乎大學排名

陳文敏事件拗拗吓拗咗去佢有無博士學位，呢個係佢弱項，支持者話陳文敏無博士無所謂，又話好多本地大學都有副校長無博士學位，咁講就知其一不知其二啦。

有高等教育界人士話，其他大學請的無博士副校長，那些人多數有商界聯繫，搵佢哋做副校長主要負責籌款，好似前香港總商會總裁翁以登，就做過科大副校長，主要負責搵錢。

佢話，有些大學請這些副校長時更私下訂出硬指標，合約期內要籌多少億，到合約期滿時，不達標就拜拜，相當殘酷，和跑數的營業員差不多，陳文敏當然不是這種有商界背景的籌款副校長。

另外大學不要說副校長，所有教員具有博士學位數目多少也關乎大學排名，好似英國《泰晤士高等教育》的全球大學排名榜就有相關指標。

在《泰晤士高等教育》排名榜上，港大排44位，泰晤士高等教育機構話佢地按照13項指標決定排名，包括大學聲譽、擁有博士學位教職員人數、研究被引用次數、國際學生人數，以及發表學術論文數量等。擁有博士學位教職員人數是直接指標之一，所以要請個無博士學位的副校長，就要有特強理據支持，若有超強商界關係和籌款能力，才易過關。

Ariel

** 博客文章文責自負,不代表本公司立場 **

特首CY和財爺曾俊華就控制樓巿的政策各說各話，財爺早前話政府有需要時會作出調整，未排除有需要時減辣，但特首CY昨日有不同說法，話具體嚟講，政府不會減辣，更強調控制樓價措施要持之有恒地做下去。

財爺就樓市先開口，佢周日結束歐洲訪問回港時，被記者問到政府會否調整調控樓巿措施時，未有排除減辣可能，佢分析話美國今年內加息可能性非常高，而本地樓宇供應增加，都會導致樓價調整，政府會繼續留意事態發展，被追問會否就樓巿措施減辣時，財爺話「會密切留意呢方面嘅發展，有需要我哋會作出調整」。

但CY昨出席行會前，似乎特意想澄清財爺減辣之說。佢講到政府過去3年增加土地供應，可以看到現時新樓供應大幅度增加；但特區政府知道目前住屋問題仍然嚴重，大部份家庭包括年輕人仍買不起樓。

佢講到好直接：「具體嚟講，我哋唔會減辣」，會繼續增加土地供應，繼續壓抑炒賣、投資需求，以及控制香港以外人士在香港買樓。

高人話，樓市咁重大政策，有大食大，CY講咗就算數，政府應不會「減辣」。而且目前樓價下跌好少，咁快講減辣，萬一樓價因此調頭向上，政府又會俾人媽架啦。