馮京作馬涼 評論員噩夢

睇台灣聯合新聞網有單嘢好搞笑，《信報》 創辦人林行止昨日在信報以「造潛艇怒海不揚波， 睜鳳目保兩岸相安」為題撰文，話台灣候任總統蔡英文曾經翻譯名著 《馬基維利》為由，大讚民進黨將可保長期執政。 查實此蔡英文不是彼蔡英文，翻譯《馬基維利》的蔡英文， 不是民進黨當選總統的蔡英文，而是中央研究院研究員蔡英文。

林行止在文章指，蔡英文早於1984年讀博士期間， 已經中譯劍橋大學政治學教授史金納綜論「馬基維利」學說的論著《 馬基維利》」，林行止認定蔡英文會繼續保持和北京對話溝通， 就算往後擦槍走火，也會馬上坐下談判解決， 減少讓北京有藉口的機會。

林行止還說，「蔡英文在台大、 康奈爾和倫敦經濟學院完成完整學業，取得最高學位， 曾在台灣數家大學任教，精通西洋政治學說，其在學術界地位， 早為同儕推崇，她是四大卷《觀念史大辭典五位審訂委員之一， 且為這套巨構寫序」。

不過林行止所述「蔡英文」的著作，查實來自另一位中研院研究員「 蔡英文」的手筆。蔡教授是男人，是台灣政治學者。

林行止誤把馮京作馬涼，但Ariel唔敢笑佢， 現在大家都在網上搵料，一睇漏眼就中招，呢個都可以話係「評論員 噩夢」囉。

Ariel

** 博客文章文責自負,不代表本公司立場 **

大廈管理係民青局今年重點工作之一。有見部分舊式單幢樓宇或「三無大廈」因為單位數量不多、財政資源不足，難以獨自聘用專業物業管理公司協助執行日常嘅大廈管理工作，真係長久以嘅「老大難」問題。

但政府迎難而上，採取更積極主動嘅方針，民政事務署喺去年就推行「聯廈聯管」試驗計劃，協助業主共同聘用同一間物管公司聯合管理大廈，攤分管理費用，咁就可以用較平嘅管理費，獲得基本大廈管理服務，從而改善管理同居住環境。

民政事務署喺去年起推行「聯廈聯管」試驗計劃，協助單幢樓宇聘請管理公司。

「聯廈聯管」試驗計劃2025年6月1日率先喺油尖旺、深水埗、九龍城及荃灣區推行，由於試驗計劃初見成效，民政總署已於今年6月1日將此計劃正式擴展至全港所有有需要嘅地區，包括觀塘、荃灣、葵青、北區、沙田、大埔、元朗、屯門、中西區、南區、東區及灣仔等，為期一年，呼籲符合條件業主和法團善用政府為他們提供的計劃和措施，以可負擔嘅價錢改善居住環境。　

民青局局長麥美娟早前就喺荃灣民政事務專員區家盛陪同下，到荃灣同當區區議員、協助推行試驗計劃嘅地區團體及法團代表、住戶交流，了解試驗計劃嘅成效。

民政及青年事務局局長麥美娟早前就喺荃灣民政事務專員區家盛陪同下，到荃灣同當區區議員、協助推行試驗計劃嘅地區團體及法團代表、住戶交流，了解試驗計劃嘅成效，麥局長仲分享咗唔少推行「聯廈聯管」嘅實戰經驗。

麥局長話，第一期試驗喺單幢樓宇集中嘅區域，邀請地區組織接觸216幢目標大廈，當中110幢大廈已簽署參與意向書，當中71幢進行聯合招標，33幢已成功聘用物管公司實行「聯廈聯管」。

佢話，目標當然係愈多大廈參與愈好，事實上樓宇管理責任在業主身上，但她明白好多業主沒有咁多時間或相關知識處理，所以政府推出很多不同計劃，包括「聯廈聯管」試驗計劃及實行咗幾年嘅「大廈管理專業顧問服務計劃」等，希望協助業主組織法團，之後參與「聯廈聯管」聘請專業顧問公司，她希望各業主善用政府為他們提供的不同計劃和措施，做好自身大廈管理。

麥局長跟地區組織代表分享實戰經驗。

協助推行計劃的荃灣發展促進會主席王家文仲話，接觸咗該區75棟目標樓宇，其中有9棟參加，每戶每月管理費約150至200元，管理公司入場後，可以執行政府命令，還可組織法團開會，佢認為要成功令居民對計劃有信心係好重要，希望過去嘅成功經驗，可鼓勵更多大廈參與「聯廈聯管」。

高人話，政府推出「聯廈聯管」 計劃係重要嘅一步，除了居民居住環境更好,樓宇有適當管理，物業都保值啲，其中除了政府牽頭外，更重要係居民支持。