茘枝窩郊遊新去處

Sebastian早前同中電高層食飯，佢地講起去了茘枝窩探訪，我又發現呢個係郊遊新去處喎。香港人假期都搵啲本地遊好去處，可以行吓山睇睇風景食吓嘢，問題係去得多很多地方去過哂，有啲悶。

茘枝窩地圖

中電企業發展總裁莊偉茵（Quince）講起，上周六最凍的日子前夕，佢地去了茘枝窩。荔枝窩位於新界東北，面向印洲塘海岸公園和吉澳海，是一條歷史悠久的客家圍村，當地有著名的空心樹及百花魚藤，又可以睇睇鄉村的歷史和建築。

過去到茘枝窩主要行山，由大埔去烏蛟騰，在那裏出發入郊遊徑，行大約2個幾鐘就到近海的茘枝窩，再行多3個鐘可去鹿頸。去茘枝窩當中有段路幾難行，平時好少郁的朋友行路去會辛苦少少。

但今年1月1日開始在馬料水碼頭有街渡去，只在紅日開，早上十點半和十一點半開船，50元一位， 對唔想行咁遠的朋友係好消息。坐船到只行一段小路就到，鐘意睇完野可以行少少山就回頭，行幾遠自己可以控制。

茶果有咸有甜

茶果製作體驗班

Quince話除了到處參觀，想食嘢仲有茶果賣，有咸有甜，還有茶果製作班可以參加。當地仲有盤菜，1050元一圍，好正， 可能佢地睇咗好多嘢，到一點幾先至食飯，又凍又餓，特別開胃。佢提醒想食盤菜要事先訂，唔係即叫即有。

莊偉茵(中間白衣者)和一班友好一起食盤菜

盤菜好足料

Sebastian問Quince點解無端端大冷天時去茘枝窩，佢話中電客戶諮詢委員會成員有個新成員吳祖南，他們有個香港鄉郊基金會，在茘枝窩有復耕計劃，而家用緊小型太陽能發電設施，用來向圍網供電，趕走侵食農作物的野豬， 他們去睇睇可否搞些太陽能設施幫幫手咁話。

復耕農地上的太陽能裝置

主要用作供電圍網防野豬

Sebastian

** 博客文章文責自負,不代表本公司立場 **

何文田周三晚有多幢大廈停電。中電發言人表示，就窩打老道附近的電力事故，經工程人員全力搶修，並調動多部流動發電機支援，已於上午3時47分為所有受影響客戶恢復供電。

中電又指，早上居民陸續用電，臨時供電因負載情況出現不穩，引致約650名客戶的電力供應一度受影響，經搶修後，受影響客戶亦陸續於上午8時恢復供電。

何文田受影響大廈早上恢復供電。FB圖片